ꓑꓴꓔꓮꓳ ꓖ‐ꓟꓶ‐ꓓꓰ ꓟꓵꓽ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓓꓲ‐ꓟꓲ (100) ꓗꓽ ꓟꓽ ꓞꓲ ꓐꓬ ꓡꓰ ꓟ ꓓꓳꓽ
9 ꓦ ꓟ 20 ꓠꓬꓲ 2025 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓑꓴꓔꓮꓳ ꓖ‐ꓟꓶ‐ꓓꓰ ꓟꓵꓽ ꓗꓪ ꓬꓲꓻ ꓙꓬ ꓮ ꓟꓬ, ꓙꓵꓽ ꓡ ꓟ ꓑꓶ. ꓓꓴ ꓓꓲ‐ꓟꓲ (100) ꓗꓽ ꓟꓽ ꓞꓲ ꓐꓬ ꓡꓰꓳ ꓐꓰ ꓢꓷ. ꓪ ꓡꓳ꓿
ꓕꓱ ꓡꓱ ꓗꓷ ꓡꓰ ꓟ ꓠꓬ ꓗꓳ. ꓗꓷ ꓟ 9 ꓦ ꓟ ꓬꓲ ꓪꓴ. ꓕꓲ ꓫꓵꓽ ꓠꓽ ꓗꓪ ꓐꓰ ꓖ‐ꓟꓶ‐ꓓꓲ ꓟꓵꓽ ꓗꓪ ꓟꓶ ꓦ ꓮ ꓟꓬ, ꓦ ꓡ ꓟ ꓥ ꓡꓳ꓿ ꓟꓶ ꓦ ꓮ ꓟꓬ, ꓦ ꓗꓷ ꓟ ꓪꓴ. ꓠꓬꓲ ꓡꓳ ꓗ ꓮ ꓟꓬ, ꓥ ꓟꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓔꓶ ꓔ ꓟ ꓜ ꓟꓲ ꓮ ꓟꓬ, ꓥ ꓟꓲ ꓐꓬ ꓡꓰ ꓟ ꓥ ꓡꓳ꓿
ꓬꓲꓻ ꓙꓬ ꓮ ꓟꓬ, ꓙꓵꓽ ꓡ ꓑꓶ. ꓓꓴ ꓓꓲ‐ꓟꓲ ꓐꓬ ꓡꓰ ꓟ ꓞꓳ ꓘ, ꓠꓬ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓡꓳ ꓔ (15) ꓔꓷ, ꓶꓻ_ ꓟ ꓟ‐ꓜ‐ꓘꓳ ꓞꓳ ꓘ, ꓗꓪ ꓑ ꓫꓬ ꓐꓴ ꓔꓶ ꓔ ꓟ ꓓꓲ‐ꓟꓲ ꓮ ꓟꓬ, ꓐꓬ ꓡꓰ ꓟ ꓥ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓕꓱ ꓕꓲ ꓘꓳꓼ ꓠꓬ ꓔꓶ ꓔ ꓟ ꓜ ꓟꓲ ꓮ ꓟꓬ, ꓐꓬ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜꓽ ꓓꓴ ꓓꓳ ꓓꓴ ꓮ ꓟꓬ, ꓫ. ꓡ ꓓꓴ ꓙꓳ ꓟ ꓪꓴ. ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓬꓰ ꓙ ꓡ ꓠ, ꓟ ꓓꓰꓽ ꓔ ꓡꓳ ꓐꓰ (KNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
