ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓓꓽ ꓙꓳꓧꓠ ꓡꓮ ꓢꓮꓟ ꓐꓰ ꓔꓲꓺ ꓒ ꓪ ꓔꓲ ꓜꓲꓺ ꓡꓯ ꓘꓳˍ ꓟ
9 ꓦ ꓟ 20 ꓠꓬꓲ. 2025 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓓꓽ ꓙꓳꓧꓠ ꓡꓮ ꓢꓮꓟ ꓕꓲ ꓟꓲ ꓠꓯ ꓡꓱꓼ ꓗꓪ ꓔꓬ ꓟ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ ꓔꓲꓺ ꓒ ꓪ ꓔꓲ ꓡꓰꓳ (14) ꓐꓰ ꓜꓲꓺ ꓡꓯ ꓘꓳ ꓗꓷ ꓟ ꓐꓰ ꓢꓷ. ꓪ ꓡꓳ꓿ ꓔꓲꓺ ꓒ ꓓꓽ ꓙꓳꓧꓠ ꓡꓮ ꓢꓮꓟ ꓠꓬ ꓔꓲꓺ ꓒ ꓪ ꓔꓲ ꓐꓰ ꓜꓲꓺ ꓡꓯꓽ ꓘꓳ ꓗꓷ ꓟ ꓙꓵ, ꓕꓯ ꓗ‐ꓛꓲ ꓡꓲꓽ ꓒꓰꓼ ꓡꓯꓽ ꓙꓬ (ꓡꓯ ꓫꓬ.) ꓐꓰ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓓꓳˍ ꓟ ꓑ‐ꓬꓲꓠ ꓒꓵꓽ ꓡꓳ ꓐꓰ ꓫꓬ, ꓔ ꓟ ꓣꓳ‐ꓢ‐ꓣꓲ ꓔꓯ ꓔꓲꓺ ꓒ ꓪ ꓔꓲ ꓔꓯ ꓡꓯ ꓫꓴ ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿
ꓝꓮꓲ ꓔꓲꓺ ꓒ ꓓꓽ ꓡꓰ ꓔꓲꓺ ꓒ ꓪ ꓔꓲ ꓔꓯ ꓟꓬ‐ꓟ ꓗꓴꓷꓼ ꓗꓪ ꓢꓲ ꓡꓲ, ꓟꓶ ꓠ, ꓟ ꓐꓱ ꓶ ꓮ ꓘꓶ. ꓛꓲ ꓪꓽ ꓘꓴ ꓙ ꓠ, ꓟ ꓓꓰꓽ ꓗꓷꓳ꓿ ꓔꓲꓺ ꓒ ꓓꓽ ꓙꓳꓧꓠ ꓡꓮ ꓢꓮꓟ ꓔꓲꓺ ꓒ ꓪ ꓔꓲ ꓔꓯ ꓜꓲꓺ ꓡꓯꓽ ꓘꓳ ꓗꓷ ꓟ ꓠꓬ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓔꓲꓺ ꓒ ꓓꓽ ꓬꓲ ꓫꓵꓼ ꓐꓴ ꓐꓰ ꓖꓪ ꓙꓱ ꓜꓲꓼ ꓓꓴ ꓦꓮꓔꓲꓚꓮꓠ ꓗꓴꓷꓼ ꓗꓪ ꓬꓰ ꓟ ꓪꓴ. ꓠꓬꓲ ꓜꓲꓺ ꓗꓷ ꓟ ꓥ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓔꓲꓺ ꓒ ꓬꓲ ꓫꓵꓼ (7) ꓣꓳ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰꓳ ꓔꓯ ꓜꓲꓺ ꓗꓷꓳ ꓐꓰ ꓢꓷ. ꓪ ꓡꓳ꓿
