Tanzania ꓗꓴꓷꓼ꓾ Mwanza ꓢꓽ‐ꓢꓶ‐ꓠ ꓗꓪ 9 ꓦ 15 ꓠꓬꓲ 2025 ꓕꓯ꓾ ꓟꓳ ꓓꓳ ꓕꓯꓼ ꓗꓷ ꓟ ꓫꓵꓽ ꓪꓴ ꓒꓬꓱꓼ ꓡꓰ ꓢꓲ ꓠꓬꓲ Carmelite ꓙꓲꓻ ꓫꓬ ꓢꓴ Theresa ꓔꓲꓺ ꓟ ꓜꓴ [Carmelite Missionary Sisters of St. Thérèse of the Child Jesus (MCST)] ꓗꓪ ꓟ ꓔꓲꓺ ꓟ (4) ꓣꓳ ꓫꓵꓻ ꓘꓷ ꓡꓰ ꓟ ꓑꓶ. ꓓꓴ ꓮ ꓘꓶ. ꓠꓲ, ꓫ. ꓪˍ ꓡꓳ꓾ ꓐꓯˍ ꓟ ꓔꓯ ꓢꓽ‐ꓢꓶ‐ꓠ ꓗꓪ ꓐꓰ ꓐꓯ ꓑꓶ ꓔ ꓡꓳ꓿
ꓕꓱ ꓔꓲꓺ ꓟ (4) ꓣꓳ ꓠꓬ ꓤ ꓟꓶ ꓤ ꓢꓷ. ꓠꓲ, ꓕꓳꓽ ꓶ ꓢꓳ ꓦꓲꓻ ꓗꓪ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓟ ꓐꓴ ꓥ ꓡꓳ꓿ ꓫꓵꓻ ꓗꓷ ꓟ ꓔꓲꓺ ꓟ (4)ꓣꓳ ꓘꓴꓽ ꓠꓯꓸꓼ ꓗꓪ ꓔꓲꓺ ꓟ ꓜꓴ ꓕꓲ ꓟ ꓡꓱꓸꓼ ꓗꓪ ꓧꓳꓽ ꓣꓱꓽ ꓢꓴ ꓥˍ ꓟꓲ ꓐ ꓗꓷ ꓟ ꓥ ꓡꓳ꓿
ꓫꓵꓻ ꓘꓷ ꓡꓰ ꓟ ꓔꓲꓺ ꓟ ꓐꓴ ꓟꓬꓱ ꓠꓬ꓾ ꓔꓲꓺ ꓟ ꓜꓴ ꓗꓪ ꓧꓳꓽ ꓣꓱꓽ ꓢꓴ ꓔꓲꓺ ꓟ ꓓꓽ ꓟ Lilian Kapongo, ꓔꓲꓺ ꓟ Nerina꓾ ꓔꓲꓺ ꓟ Damaris Matheka ꓐꓰ ꓔꓲꓺ ꓟ Stellamaris ꓐꓴ ꓥ ꓡꓳ꓿
ꓬꓲ ꓪ ꓠꓬ ꓠꓱ. ꓐꓯ ꓢꓽ‐ꓢꓶ‐ꓠ ꓕꓲ ꓟ ꓗꓪ ꓬꓰˍ ꓟ ꓔꓲꓺ ꓟ (3) ꓣꓳ ꓕꓲ ꓞꓲꓼ ꓪꓵꓼ ꓙꓱꓼˍˍ ꓟ ꓑꓮꓲꓽ ꓗꓪ ꓙꓰ ꓠ, ꓟ ꓐꓱ ꓶ ꓓꓳ ꓡ ꓗꓷ ꓟ ꓥ ꓡꓳ꓿ ꓑꓮꓲꓽ ꓖꓳ ꓟ ꓬꓰ ꓓꓳ ꓡꓰ ꓢꓲ ꓚꓲ. ꓛꓬ ꓟꓬꓱꓽ ꓬꓰ ꓖꓴ ꓢꓽ‐ꓢꓶ‐ꓠ ꓗꓪ ꓬꓲꓼ ꓙꓰ ꓠ, ꓟ ꓐꓱ ꓶ ꓐꓬꓱꓽ ꓦꓲꓻ ꓠꓽ ꓖꓴ ꓗꓪ ꓙꓰ ꓔꓬ ꓕꓯ ꓫꓵꓽ ꓪꓴ ꓕꓱ ꓟ ꓒꓬꓱꓼ ꓗꓷ ꓟ ꓥ ꓡꓳ꓾ ꓐꓰ ꓢꓷ. ꓪˍ ꓡꓳ꓿
ꓫꓵꓻ ꓘꓷ ꓡꓰ ꓗꓷ ꓟ ꓕꓱ ꓔꓲꓺ ꓟ (4) ꓣꓳ ꓐꓱ ꓶ꓾ ꓬꓲ ꓪ ꓦꓻ ꓶꓼ ꓟꓬ ꓠꓬ ꓕꓲ ꓞꓲꓼ ꓕꓲ ꓑ ꓟ ꓗꓴꓷꓼ ꓗꓪ ꓛꓲ ꓬꓰ ꓠ, ꓟ ꓪꓽ ꓘꓴ ꓙ ꓓꓴ ꓬꓰ ꓡꓯ꓿
