Mr.Charlie Kirk ꓫꓵ., ꓡꓰ ꓟ ꓑꓶ. ꓓꓴ ꓠꓲ, ꓟ ꓫ. ꓔꓬ ꓟ ꓕꓲ ꓦꓲ., ꓡ ꓞꓳ ꓢꓴ ꓐꓱ ꓶ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓪꓽ ꓘꓴ ꓙ ꓔꓬ ꓟ꓾

ꓔꓲ.. ꓒ ꓪ ꓔꓲ ꓓꓳꓽ ꓫꓵ ꓐꓯ ꓑꓓꓠˍꓟ ꓗꓪ ꓘꓪꓽ ꓫꓵꓽ ꓢꓴ ꓥˍꓟ Matteo Bruni ꓡꓰ Charlie Kirk  ꓔꓯ ꓢꓰꓼ ꓗꓷ ꓟ ꓔꓯ ꓖꓳ ꓙꓵ ꓙꓳ ꓢꓲ꓾ ꓓꓳꓽ ꓫꓵꓼ ꓐꓯ ꓑꓓꓠ ꓢꓴ ꓡꓰ ꓠꓽ ꓠꓬꓲ ꓟ ꓔꓯ  ꓔꓲ.. ꓒ ꓪ ꓔꓲ ꓒꓳ, ꓖꓶ ꓟ ꓠꓬ American ꓗꓴꓷꓼ ꓠꓬꓲꓽ ꓗꓴꓷꓼ ꓗꓪ ꓟ ꓗꓴꓷꓼ ꓙꓵꓽ ꓢꓲ ꓒ ꓐꓴ ꓐꓰ ꓜꓲˍ ꓡꓰ ꓘꓳ ꓟ ꓕꓯ ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ Charlie Kirk ꓔꓯ ꓢꓰꓼ ꓗꓷ ꓟ ꓓꓳꓽ ꓑ ꓙ ꓟ ꓑꓶ. ꓓꓴ ꓬꓲ ꓦꓲ., ꓢꓲ ꓟ ꓐꓰ ꓤ ꓠꓱ ꓤ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓐꓰ ꓗꓴꓷꓼ ꓢꓲ ꓡꓲ. ꓗꓷ ꓠ, ꓟ ꓐꓱ ꓶ ꓪꓽ ꓘꓴ ꓙ ꓟ ꓐꓯ ꓖꓶˍꓟ ꓚꓱ, ꓔꓯ Matteo Bruni ꓐꓯ ꓟ. ꓖꓶ ꓡꓳ ꓐꓰ ꓢꓷ. ꓪ ꓡꓳ꓿

ꓑ ꓫꓬ ꓐꓴ ꓐꓰ ꓜꓲˍ ꓡꓯꓼ ꓘꓳ, ꓟ ꓗꓪ ꓥˍꓟꓲ ꓔꓲ.. ꓒ ꓪ ꓔꓲ ꓡꓰꓳ (14) ꓗꓪ ꓐꓰ Mr.Charlie Kirk ꓕꓲ ꓦꓲ., ꓢꓴ ꓐꓴ ꓐꓱ ꓶ ꓮ ꓘꓶ. ꓠꓲ, ꓟ ꓫ. ꓙ ꓔꓬ ꓟ ꓔꓯ ꓥˍꓟꓲ ꓐꓯ ꓖꓶ ꓟ ꓥ ꓡꓳ꓿ Charlie Kirk  ꓠꓬ Turning Point ꓴꓢꓮ ꓗꓪ ꓗꓴꓷꓼ ꓫꓵꓽ ꓪꓴ ꓚꓱ, ꓔꓯ ꓮ ꓘꓶ. ꓠꓲ, ꓟ ꓑ ꓢꓴ ꓕꓲ ꓣꓳ ꓥ ꓡꓳ꓿

31 ꓘꓳꓼꓛꓲ ꓡꓳˍꓟ Charlie Kirk  ꓠꓬ ꓡꓳ, ꓬꓰ ꓟ 2025 ꓘꓳꓼ 9 ꓦ ꓟ 10 ꓠꓬ ꓕꓯ ꓟꓵꓽ ꓕꓲ ꓢꓷ. ꓠꓲ, ꓢꓳ ꓙꓳ ꓦꓲ., ꓬꓲ ꓘꓴ ꓗꓪ ꓑ ꓫꓬ ꓐꓴ ꓐꓰ ꓜꓲ ꓡꓯꓼ ꓘꓳ, ꓔꓬ  ꓕꓯ ꓡꓽ ꓛꓴ. ꓡꓰ ꓑꓶ, ꓢꓰꓼ ꓖꓶ ꓟ ꓥ ꓡꓳ꓿ ꓬꓲ ꓫꓵ., ꓟꓳ ꓔꓯ ꓠꓬ 9 ꓦ ꓟ 21 ꓕꓯ  Glendale, Arizona ꓗꓪ ꓬꓰ ꓓꓴ ꓥꓳ ꓐꓰ Vatican ꓓꓳꓽ ꓗꓪ ꓐꓯ ꓔ ꓡꓳ ꓐꓰ ꓢꓷ. ꓪ ꓡꓳ꓿