ꓛꓽ‐ꓖꓳꓽ ꓟꓵꓽ ꓘꓳ˗ꓡ˗ꓒꓶꓸ ꓟꓳ˗ꓓꓳ ꓙꓻ ꓖꓴ ꓐꓬ ꓔꓬ ꓟ ꓪꓴꓸ ꓠꓬꓲꓸ ꓑ ꓫꓬ ꓐꓴ ꓮ ꓘꓶꓸ ꓫꓸ ꓔꓬ ꓟ ꓓꓳꓽ
9 ꓦ ꓟ 11 ꓠꓬꓲ 2025 ꓘꓳꓼ ꓕꓯ ꓛꓽ‐ꓖꓳꓽ ꓟꓵꓽ ꓘꓳ˗ꓡ˗ꓒꓶꓸ ꓗꓪ ꓙꓰ ꓟ ꓙꓻ ꓖꓴ ꓠꓬ ꓐꓬ ꓔꓬ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓗ˗ꓛꓲ ꓗꓴꓷꓼ ꓫꓴꓻ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓘꓳ˗ꓡ˗ꓒꓶꓸ ꓗꓪ ꓙꓰ ꓟ ꓟꓳ˗ꓓꓳ ꓙ ꓖꓴ ꓠꓬ ꓟꓲ ꓦ ꓮ ꓟꓬꓹ ꓟ ꓗꓷ ꓟ ꓪꓴꓸ ꓠꓬꓲ ꓐꓬ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ꓿
ꓑ ꓫꓬ ꓕꓲ ꓣꓳ ꓫꓸ ꓕꓱ ꓔ ꓟ ꓠꓬ꓾ ꓙꓻ ꓖꓴ ꓠꓬ ꓮ ꓘꓶꓸ ꓙꓰ ꓟꓽ ꓙꓲ ꓗꓷ ꓡꓰꓳ꓿ ꓢ˗ꓗꓰ ꓐꓰ ꓙꓰ ꓠꓹ ꓟ ꓥ ꓟꓲ ꓮ ꓘꓶꓸ ꓫꓸ ꓔ ꓡꓳ ꓐꓰ ꓐꓯ ꓔ ꓡꓳ꓿ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓘꓳ˗ꓡ˗ꓒꓶꓸ ꓗꓪ ꓙꓰ ꓠꓹ ꓟ ꓡ ꓞꓳ ꓠꓬ (10) ꓫꓬ, ꓒꓯꓼ ꓕꓯ ꓢꓲ ꓖꓴ ꓡꓰ ꓕꓯ ꓢꓲ ꓛꓲ ꓔ ꓡꓳ ꓐꓰ ꓐꓯ ꓔ ꓡꓳ꓿
ꓙꓻ ꓖꓴ ꓙꓰ ꓟ ꓙꓵꓹ ꓕꓯ (2) ꓫꓬ, ꓒꓯꓼ ꓡꓰ ꓖꓴ ꓟ ꓥ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓫꓸ ꓕꓱ ꓔ ꓡꓳ꓿ ꓖꓳ ꓡꓰ ꓥ ꓟ ꓪꓴꓸ ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓙ ꓖꓴ ꓔꓯ ꓞꓼ ꓞꓼ ꓫꓬꓹ ꓖꓶ ꓡ ꓟ ꓠꓲꓹ ꓫꓵˍ ꓡꓳ ꓐꓰ ꓛꓽ‐ꓖꓳꓽ ꓗꓪ ꓔꓬ ꓟ ꓑ ꓫꓬ ꓐꓴ ꓡꓰ ꓫꓸ ꓕꓱ ꓔ ꓡꓳ ꓐꓰ (KNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
