ꓟ‐ꓓꓲ‐ꓡꓯ ꓡꓳ ꓒꓱ ꓗꓪ ꓟꓲ ꓦ ꓮ ꓟꓬ, ꓦ ꓢꓲ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓔꓬ ꓟ ꓓꓳꓽ

9 ꓦ ꓟ 13 ꓠꓬꓲ 2025 ꓘꓳꓼ ꓟꓶꓼ ꓘꓶꓼ ꓗꓪ ꓐꓰ ꓟ‐ꓓꓲ‐ꓡꓯ. ꓡꓳ ꓒꓱ ꓗꓪ ꓟꓲ ꓦ ꓮ ꓟꓬ, ꓦ ꓔꓬ ꓟ ꓪꓴ. ꓠꓬꓲ ꓬꓲꓻ ꓙꓬ ꓮ ꓟꓬ, ꓙꓵꓽ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓱ ꓗꓷ ꓡꓰ ꓟ ꓠꓬ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓡꓳ ꓒꓱ ꓘꓴꓽ ꓗꓪ ꓙꓳ ꓟ ꓞꓳ ꓘ, ꓓꓽ ꓮ ꓟꓬ, ꓗꓪ ꓬꓲꓻ ꓙꓬ ꓙꓵꓽ ꓟꓶ. ꓡꓰ ꓢꓲ ꓠꓬꓲ ꓑ ꓫꓬ ꓐꓴ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟ‐ꓓꓲ‐ꓡꓯ ꓡꓳ ꓒꓱ ꓮꓴꓠꓖ‐ꓓꓮꓪꓠꓖ ꓟꓴ ꓑꓶ‐ꓬ ꓒ ꓕꓲ ꓗꓪ ꓠꓬ ꓬꓲꓻ ꓙꓬ ꓮ ꓟꓬ, ꓙꓵꓽ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓗꓳ. ꓗꓷ ꓟ ꓦ‐ꓐ ꓗꓴꓷꓼ ꓗꓪ ꓟꓬ‐ꓟ ꓗꓴꓷꓼ ꓗꓪ ꓟꓲ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓮ ꓟꓬ, ꓙꓵꓽ ꓡ ꓟ ꓥ ꓡꓳ꓿ ꓑ ꓫꓬ ꓐꓴ ꓤ ꓟꓳ ꓢꓲ ꓠꓬꓲ ꓔꓬ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓐꓯ ꓔ ꓡꓳ ꓐꓰ ꓢꓷ. ꓪ ꓡꓳ꓿

https://youtu.be/8PA748b4oN4