ꓙꓵꓻ ꓠꓲ, ꓔꓯ ꓗꓽ ꓕꓽ ꓖꓶ ꓢꓴ ꓙꓲꓻ ꓫꓬ ꓢꓴ Athanasius ꓚꓺ ꓟꓲꓽ
ꓙꓵꓻ ꓠꓲ, ꓔꓯ ꓗꓽ ꓕꓽ ꓖꓶ ꓢꓴ ꓙꓲꓻ ꓫꓬ ꓢꓴ Athanasius ꓠꓬ Alexandria ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓕꓲ ꓣꓳ ꓥ ꓡꓳ꓿ ꓖꓳ ꓕꓲ ꓙꓵ, ꓗꓪ ꓗꓴꓷꓼ ꓔꓯ ꓙꓵꓽ ꓢꓴ ꓪ ꓔꓲ ꓠꓬ Constantine ꓙꓵꓽ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓟꓽ ꓥ ꓐꓰ ꓟꓽ ꓔꓱ ꓟꓽ ꓜꓳꓽ ꓟ ꓚꓱ, ꓗꓪ ꓐꓰ ꓟ. ꓟꓲꓽ ꓚꓺ ꓢꓴ Arius ꓔꓯ ꓘꓴ ꓜꓲꓼ ꓞꓳ ꓗꓪ ꓬꓯꓼ ꓡ ꓠ, ꓟ ꓐꓯ ꓑꓶ ꓗꓷ ꓟ ꓥ ꓡꓳ꓿ Arius ꓠꓬ ꓪ ꓔꓲ ꓔꓯ ꓟꓽ ꓔꓱ ꓟꓽ ꓜꓳ ꓚꓱ, ꓗꓪ ꓐꓰ ꓓꓰꓽ ꓢꓲ ꓠꓬꓲ ꓬꓯꓼ ꓡ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ‐ꓟ ꓪ ꓔꓲ Constantine ꓠꓬ Alexandria ꓡꓳ ꓒꓱ ꓗꓪ Arius ꓔꓯ ꓙꓵꓽ ꓠ, ꓟ ꓙꓵꓽ ꓪ ꓖꓶ ꓗꓷ ꓟ ꓥ ꓡꓳ꓿ ꓖꓳ ꓕꓲ ꓙꓵ, ꓗꓪ Alexandria ꓡꓳ ꓒꓱ ꓗꓪ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓠꓬ Athanasius ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓽ ꓔꓱ ꓟꓽ ꓜꓳ ꓟ ꓟ. ꓟꓲꓽ ꓚꓺ ꓢꓴ Athanasius ꓔꓯ ꓟꓽ ꓘꓳ, ꓣꓴ ꓟ ꓥ ꓡꓳ꓿ ꓬꓲ ꓠꓬ ꓞꓲꓼ ꓣꓳ ꓟ ꓙꓵ, ꓕꓯ ꓤ ꓠꓱ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓢꓴ ꓕꓲ ꓣꓳ ꓥ ꓡꓳ꓿ ꓕꓱ ꓡꓰ ꓐꓰ ꓬꓲ ꓠꓬ ꓞꓲꓼ ꓣꓳ ꓟ ꓤ ꓠꓱ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶ. ꓮ ꓘꓶ. ꓛꓲ ꓟ. ꓖꓶ ꓟ ꓪꓴ. ꓠꓬꓲ ꓪꓴ‐ꓢ ꓔꓯ ꓠꓲ, ꓠꓵ ꓟ ꓔꓯ ꓔꓲꓺ ꓒ ꓓꓽ Alexander ꓢꓷ. ꓡꓰ ꓟ ꓪꓴ. ꓠꓬꓲ ꓬꓲ ꓔꓯ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓬꓲ ꓙꓵ, ꓟꓶ ꓫꓵˍ ꓫꓵˍ ꓢꓳꓻ ꓣꓴ ꓪ ꓡꓰ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ AD( 325) ꓠ‐ꓢꓲ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓗꓷ ꓟ ꓙꓵ, ꓕꓯ ꓥ ꓟꓲ ꓐ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓔꓱ ꓚꓵ ꓟ ꓙꓵꓻ ꓠꓲ, ꓔꓯ ꓘꓳ, ꓣꓴ ꓥ ꓢꓲ ꓠꓬꓲ ꓟꓽ ꓔꓱ ꓟꓽ ꓜꓳ ꓟ ꓙꓵꓻ ꓠꓲ, ꓔꓯ ꓗꓽ ꓕꓽ ꓢꓴ ꓥ ꓡꓳ꓿
ꓟꓽ ꓔꓱ ꓟꓽ ꓜꓳ ꓟ ꓟ. ꓟꓲꓽ ꓚꓺ ꓢꓴ Arius ꓠꓬ ꓙꓲꓻ ꓫꓬ ꓢꓴ Athanasius ꓔꓯ ꓟꓽ ꓔꓱ ꓟꓽ ꓜꓳ ꓟ ꓡ ꓞꓳ ꓢꓰꓼ ꓠꓱ. ꓐꓯꓼ ꓟꓽ ꓔꓯ ꓐꓳ ꓢꓲ ꓠꓬꓲ ꓪ ꓔꓲ ꓔꓯ ꓗꓳꓻ ꓗꓷ ꓟ ꓥ ꓡꓳ꓿ ꓕꓱ ꓫꓵꓽ ꓪꓴꓽ ꓔꓯ ꓚꓵ. ꓚꓺ ꓠ, ꓟ ꓪ ꓔꓲ ꓠꓬ ꓔꓣꓰꓠꓔ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓔꓯ ꓬꓰ ꓢꓲ ꓠꓬꓲ ꓚꓵ. ꓚꓺ ꓗꓷ ꓟ ꓥ ꓡꓳ꓿
ꓙꓲꓻ ꓫꓬ ꓢꓴ Athanasius ꓫꓵꓽ ꓘꓶꓽ ꓔꓯ ꓡ ꓢꓲ ꓠꓬꓲ ꓬꓲ ꓠꓬ ꓝꓴꓲ. ꓟꓽ ꓙꓳ ꓟ ꓥ ꓟꓲ ꓬꓲ ꓔꓯ ꓝꓴꓲ. ꓮ ꓟꓬ, ꓙꓳ ꓟ ꓚꓱ, ꓔꓯ ꓐꓯ ꓔꓬ ꓟ ꓔꓯ ꓐꓯ ꓟ. ꓖꓶ ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓫꓵꓽ ꓘꓶꓽ ꓔꓶ. ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓲꓺ ꓒ ꓓꓽ ꓐꓴ ꓮ ꓟꓬ, ꓠꓬ ꓟꓽ ꓔꓱ, ꓟꓽ ꓜꓳ ꓟ ꓟ. ꓟꓲꓽ ꓚꓺ ꓢꓴ Arius ꓔꓯ ꓬꓰ ꓙ ꓢꓴ ꓐꓴ ꓥ ꓡꓳ꓿ ꓕꓱ ꓡꓰ ꓐꓰ ꓙꓲꓻ ꓫꓬ ꓢꓴ ꓮꓔꓧꓮꓠꓮꓢꓲꓴꓢ ꓔꓯ ꓟꓽ ꓔꓱ ꓟꓽ ꓜꓳ ꓟ ꓝꓴꓲ ꓓꓰ. ꓟ ꓪꓴ. ꓠꓬꓲ ꓬꓲ ꓠꓬ ꓠꓱ. ꓐꓯꓼ ꓡꓳ ꓒꓱ ꓗꓪ ꓔꓬ ꓗꓷ ꓡꓰ ꓟ ꓥ ꓡꓳ꓿
ꓬꓲ ꓔꓬ ꓟ ꓡꓳ ꓒꓱ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓬꓲ ꓠꓬ ꓔꓱ ꓚꓵ ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓮ ꓕꓯ ꓥ ꓟꓲ ꓟ. ꓖꓶ ꓢꓴ ꓔꓲꓺ ꓒ ꓓꓽ ꓕꓲ ꓪ ꓥ ꓡꓳ꓿ ꓫ. ꓟꓳ ꓪ꓿
