ꓔꓲꓺ ꓒ ꓪ ꓔꓲ ꓡꓰꓳ (14) ꓐꓰ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓓꓽ ꓙꓳꓧꓠ ꓡꓮ‐ꓢꓮꓟ ꓐꓰ ꓜꓲꓼ ꓡꓯꓽ ꓘꓳ, ꓟ ꓓꓳꓽ
9 ꓦ ꓟ 11 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓔꓲꓺ ꓒ ꓓꓽ ꓐꓴ ꓐꓰ ꓜꓲꓼ ꓡꓯꓽ ꓘꓳ ꓗꓷꓳ꓿ ꓕꓱ ꓜꓲꓼ ꓡꓯꓽ ꓘꓳ ꓗꓷ ꓟ ꓗꓪ ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓙꓳꓧꓟ ꓡꓮ‐ꓢꓮꓟ ꓥ ꓟꓲ ꓐˍ ꓟ ꓥ ꓡꓳ꓿
ꓮ ꓟꓶ ꓕꓱ ꓕꓲ ꓧꓪ, ꓜꓲꓼ ꓡꓯꓽ ꓘꓳ, ꓟ ꓠꓬ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓔꓲꓺ ꓒ ꓓꓽ ꓬꓲ ꓫꓵꓼ ꓢꓲꓺ ꓚꓰ. ꓔ ꓢꓴ ꓐꓴ ꓔꓯ ꓲ‐ꓔ‐ꓡꓲ ꓗꓴꓷꓼ ꓣꓳ‐ꓟ ꓡꓳ ꓒꓱ ꓓꓽ ꓦꓮꓔꓲꓚꓮꓠ ꓗꓪ ꓜꓲꓼ ꓡꓯ ꓘꓳ ꓗꓷ ꓟ ꓥ ꓡꓳ꓿
ꓟꓬ‐ꓟ ꓗꓴꓷꓼ ꓗꓪ ꓔꓲꓺ ꓒ ꓓꓽ ꓬꓲ ꓫꓵꓼ (7) ꓣꓳ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰꓳ (14) ꓔꓯ ꓜꓲꓼ ꓗꓷ ꓟ ꓥ ꓡꓳ꓿ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓓꓽ ꓙꓳꓧꓟ ꓡꓮ‐ꓢꓮꓟ ꓠꓬ ꓔꓲꓺ ꓒ ꓪ ꓔꓲ ꓐꓰ ꓜꓲ ꓡꓯꓽ ꓘꓳ ꓗꓷ ꓟ ꓙꓵ, ꓕꓯ ꓟꓬ‐ꓟ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓐꓱ ꓶ ꓮ ꓟꓬ, ꓪꓽ ꓘꓴ ꓙ ꓠ, ꓟ ꓓꓰꓽ ꓗꓷꓳ ꓐꓰ ꓢꓷ. ꓪ ꓡꓳ꓿
