ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓕꓲ ꓠꓬꓲ ꓡꓱꓼ ꓠꓽ ꓡꓰ ꓟ Castel Gandolfo ꓗꓪ ꓐꓰ ꓦꓮꓔꓲꓚꓮꓠ ꓗꓪ ꓡ ꓙꓰ ꓟ꓾ ꓔꓲ ꓒ ꓪ ꓔꓲ ꓠꓽ ꓖꓴ ꓦꓲꓡꓡꓮ ꓐꓮꓣꓐꓰꓣꓲꓠꓲ ꓗꓪ ꓐꓰ ꓓꓳ ꓙꓰ ꓟ ꓙꓵꓹ ꓕꓯ Qatar ꓗꓴꓷꓼ ꓓꓳꓧꓮ ꓡꓳ ꓒꓱ ꓘꓴꓽ ꓗꓪ ꓲꓢꓣꓮꓰꓡ ꓐꓴ ꓡꓰ ꓧꓮꓟꓮꓢ ꓪꓴꓸ ꓓꓵ ꓣꓱ ꓢꓴ ꓐꓴ ꓔꓯ ꓐꓳꓽ ꓡ ꓛꓴꓸ ꓐꓰ ꓐꓶ ꓔꓳꓹ ꓡ ꓟ ꓚꓱꓹ ꓔꓯ ꓟꓳꓸ ꓓꓳꓽ ꓫꓵ ꓣꓴ ꓢꓴ ꓕꓲ ꓣꓳ ꓡꓰ ꓔꓲꓺ ꓒ ꓪ ꓔꓲ ꓔꓯ ꓠ ꓠꓬꓲ ꓕꓯ ꓕꓱ ꓟ ꓠꓬ ꓮ ꓘꓶꓸ ꓛꓲ ꓙꓬ ꓫꓸ ꓓꓴ ꓙꓳ_ ꓟ ꓓꓳꓽ ꓥ ꓡꓳ꓾ ꓮ ꓡꓰ ꓕꓲ ꓛꓱ ꓗꓪ ꓪꓴꓸ ꓓꓵ ꓒꓳꓹ ꓔꓬ ꓟ ꓔꓯ ꓣꓳ ꓟꓽ ꓢꓷꓸ ꓢꓲ ꓡꓲꓹ ꓠꓹ ꓟ ꓣꓳ ꓟꓬꓱꓽ ꓟꓬ ꓠꓬꓲ ꓢꓯꓼ ꓕꓵꓼ ꓠ ꓔ ꓡꓳ꓾ ꓪꓽ ꓟꓬ ꓠꓬꓲ ꓘꓴ ꓠ ꓔ ꓡꓳ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ=

ꓖꓮꓜꓮ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓚꓵꓸ ꓙꓰ ꓓꓴ ꓐꓯ ꓔ ꓟ ꓲꓢꓣꓮꓰꓡ ꓐꓴ ꓬꓲ ꓪ ꓬꓰ ꓔ ꓟ ꓚꓱꓹ ꓔꓯ ꓟꓳꓸ ꓠ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰ ꓬꓲ ꓙꓬ ꓫꓸ ꓔꓬ ꓟ ꓔꓯ ꓟꓸ ꓖꓶ ꓢꓲ ꓠꓬꓲ ꓧꓳꓡꓬ ꓝꓮꓟꓲꓡꓬ ꓪꓽ ꓘꓴ ꓦꓲꓻ ꓔꓬ ꓔꓬ ꓟ ꓔꓲꓺ ꓒ Gabriel Romanelli ꓔꓯ ꓡ ꓟ ꓫꓵ ꓙꓻ ꓡꓯ ꓘꓳ ꓔꓬ ꓟ ꓚꓱꓹ꓾ ꓓꓳꓽ ꓫꓵ ꓟꓽ ꓐꓯ ꓑꓶ ꓡ ꓢꓰ ꓟ ꓚꓱꓹ ꓐꓰ ꓡꓳꓹ ꓬꓰ ꓟ ꓙꓵꓹ ꓗꓪ ꓠꓬ ꓙꓬ ꓫꓸ ꓓꓴ ꓟꓽ ꓙꓳ ꓟ ꓗꓪ ꓔꓬ ꓟ ꓡꓰ ꓐꓰ ꓮ ꓟꓶ ꓓꓳꓽ ꓫꓵ ꓐꓯ ꓑꓶ ꓓꓳ ꓗꓸ ꓠꓯꓸ ꓮ ꓡꓰ ꓗꓪ ꓔꓬ ꓟ ꓮ ꓢꓷꓸ ꓢꓰ ꓐꓰ ꓐꓯ ꓔ ꓟ ꓥ ꓡꓳ=

ꓓꓳꓽ ꓫꓵ ꓣꓴ ꓢꓴ ꓐꓴ ꓠ ꓠꓬꓲ ꓘꓶꓽ ꓔꓯ ꓐꓯ ꓓꓳ ꓡꓰ ꓗꓸ ꓠꓯꓸ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓔꓯ ꓡꓯ ꓒꓯꓹ ꓝꓸ ꓢꓲ Castel Gandolfo ꓗꓪ ꓐꓰ ꓦꓮꓔꓲꓚꓮꓠ ꓗꓪ ꓡ ꓙꓰ ꓟ ꓥ ꓡꓳ꓾ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓳ ꓑꓶ ꓔ ꓟ ꓥ ꓡꓳ=