ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ Vatican ꓗꓪ ꓕꓲ ꓦꓲ., ꓡ ꓞꓳ ꓑꓮꓲ ꓬꓰˍꓟ ꓗꓪ ꓜꓲꓼ ꓗꓷ ꓟ꓾

ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ ꓡꓳ, ꓬꓰ ꓟ 2025 ꓘꓳꓼ 9 ꓦ ꓟ 6 ꓠꓬꓲ ꓕꓯ Vatican ꓗꓪ ꓕꓲ ꓦꓲ., ꓡ ꓞꓳ ꓑꓮꓲ ꓬꓰˍꓟ ꓗꓪ ꓜꓲꓼ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓕꓱ ꓑꓮꓲ ꓗꓪ ꓠꓬ ꓤ ꓠꓱ ꓤ ꓐꓴ ꓗ. ꓛꓲ ꓠ, ꓟ ꓡꓳ ꓖꓪ ꓓꓴ ꓐꓰ ꓜꓽ ꓫꓵ꓾ ꓟꓽ ꓞꓲ ꓟꓵꓽ ꓖꓪ ꓐꓰ ꓢꓯꓽ ꓒꓬꓱꓽ  ꓔꓯ ꓥˍꓟꓲ ꓮ ꓟꓬ, ꓗꓪ ꓛꓲ ꓬꓰ ꓖꓶ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿

ꓖꓳ ꓟ ꓡꓰ ꓐꓰ ꓟꓽ ꓞꓲ ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ ꓤ ꓠꓱ ꓤ ꓐꓴ ꓐꓰ ꓕꓲ ꓠꓲ, ꓕꓲ ꓪ ꓜꓲˍ ꓡꓯꓼ ꓘꓳ ꓗꓷ ꓟ ꓥ ꓡꓳ꓿ ꓕꓲ ꓦꓲ., ꓡ ꓞꓳ ꓑꓮꓲ ꓔꓯ ꓕꓲ ꓘꓳꓼ ꓡꓲꓽ ꓕꓲ ꓘꓳꓼ ꓬꓰ ꓔꓬ ꓟ ꓥ ꓡꓳ꓿ 

ꓔꓲ.. ꓒ ꓪ ꓔꓲ ꓡꓰ ꓤ ꓠꓱ ꓤ ꓐꓰ ꓮꓽ ꓐ ꓮꓽ ꓟ ꓣꓱꓽ ꓢꓴ ꓐꓴ ꓔꓯ ꓠꓴ ꓪ ꓐꓰ ꓕꓱ ꓡꓱ ꓜꓲˍ ꓡꓯꓼ ꓘꓳ ꓪ ꓟ ꓑꓶ. ꓓꓴ ꓮ ꓘꓶ. ꓗ. ꓛꓲ ꓔꓬ ꓡꓳ꓾ ꓠꓴ ꓪ ꓤ ꓠꓱ ꓐꓰ ꓠꓴ ꓪ ꓮꓽ ꓐ ꓮꓽ ꓟ ꓔꓯ ꓠꓲ, ꓠꓵˍꓟ ꓡꓰ ꓐꓰ ꓪꓴ‐ꓢ ꓔꓯ ꓥˍꓟꓲ ꓠꓲ, ꓠꓵ ꓠꓽ ꓗ, ꓡꓳ꓾ ꓟꓽ ꓞꓲ ꓑꓮꓲ ꓗꓪ ꓛꓲ ꓡ ꓟ ꓑꓶ. ꓓꓴ ꓣꓳ ꓕꓲ ꓦꓲ., ꓡ ꓞꓳ ꓐꓴ ꓐꓰ ꓕꓲ ꓠꓲ, ꓕꓲ ꓪ ꓗ, ꓛꓲ ꓓꓴ ꓬꓰ ꓡꓯ ꓐꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿ ꓔꓲ.. ꓒ ꓪ ꓔꓲ ꓠꓬ ꓕꓱ ꓜꓲꓼ ꓓꓴ ꓗꓪ ꓤ ꓠꓱ ꓤ ꓐꓴ ꓮ ꓙꓵꓽ ꓢꓷ. ꓔˍꓟ ꓢꓲ ꓒ ꓡꓰ ꓟ. ꓔ ꓟ ꓪꓽ ꓘꓴ ꓓꓴ ꓔꓯ ꓕꓲ ꓠꓲ, ꓕꓲ ꓪ ꓵ ꓗꓷ ꓟ ꓡꓰ ꓟꓽ ꓞꓲ ꓔꓲ.. ꓒ ꓪ ꓔꓲ ꓐꓰ ꓕꓲ ꓪ ꓟꓬꓱꓽ ꓬꓰ ꓢꓴ ꓐꓴ ꓥˍꓟꓲ ꓕꓱ ꓑꓮꓲ ꓗꓪ ꓜꓲ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓕꓱ ꓑꓮꓲ ꓗꓪ ꓜꓲꓼ ꓡ ꓢꓴ ꓐꓴ ꓠꓬ ꓔꓲ.. ꓒ ꓪ ꓔꓲ ꓐꓰ ꓕꓲ ꓠꓲ, ꓕꓲ ꓪ ꓜꓲˍꓡꓯꓼ ꓘꓳ ꓪ ꓟ ꓑꓶ. ꓓꓴ ꓮ ꓘꓶ. ꓠꓲ, ꓟ ꓢ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿