ꓢꓲ ꓫꓬ ꓢꓴ ꓝꓣꓮꓠꓚꓲꓢ ꓬꓲ ꓢꓯꓼ ꓪ ꓗꓪ ꓐꓰ ꓕꓲ ꓪ ꓪꓽ ꓘꓴ ꓓꓴ ꓬꓰ ꓡꓯ꓾ꓪꓴ-ꓢ ꓗꓪ ꓐꓰ ꓠꓵꓻ ꓠꓲꓹ ꓾ ꓒꓵꓽ ꓛꓳ_ ꓟ ꓪꓴ-ꓢ ꓠꓵꓻ ꓠꓲꓹ ꓘꓳꓹ ꓣꓴ ꓟꓶ_ ꓟ ꓢꓯꓸ ꓫꓵ ꓢꓯꓸ ꓙꓰ ꓮ ꓙꓵ ꓠꓬ ꓕꓲ ꓣꓳ ꓐꓰ ꓕꓲ ꓣꓳ ꓖꓳ ꓑꓳꓸ ꓕ ꓑꓳꓸ ꓐꓱꓽ ꓗꓴꓺ ꓢꓲ ꓔꓬ ꓟ ꓔꓯ ꓣꓳ ꓔꓳꓹ ꓜꓳ ꓔꓬ ꓟ ꓥ ꓡꓳ=
ꓳ ꓪꓴ-ꓢꓳ꓾ ꓪꓴ-ꓢ ꓠꓴ ꓡꓰ ꓚꓰꓼ ꓔ ꓟ ꓮ ꓙꓵ ꓔꓯ ꓠꓴ ꓡꓰ ꓠꓲꓹ ꓠꓵꓻ ꓔ ꓟ ꓥꓳ꓾ ꓪꓴ-ꓢ ꓬꓲ ꓠꓯꓹ ꓟ ꓫꓱꓸ ꓤ ꓠꓲꓹ ꓐꓰ ꓶꓻ ꓡꓰ ꓟ ꓕꓲ ꓫꓵ ꓟꓲ ꓟꓽ ꓙꓳ꓾ ꓮ ꓡꓰ ꓢꓯꓸ ꓫꓵ ꓢꓯꓸ ꓙꓰ ꓥ ꓟꓲ꓾ ꓮ ꓟꓬ ꓛꓲ ꓣꓳꓺ ꓟ ꓕꓲ ꓫꓵ ꓥ ꓟꓲ ꓕꓱ ꓟꓲ ꓠꓯ ꓗꓪ ꓬꓲ ꓔꓶꓸ ꓕꓲ ꓟ ꓪ ꓟꓶ ꓡꓰ ꓟ ꓪꓴ-ꓢ ꓠꓴ ꓠꓵꓻ ꓠꓲꓹ ꓢꓲꓹ ꓪꓰ ꓢꓶꓸ ꓢꓶꓽ ꓥ ꓡꓳ= ꓤꓶꓻ ꓮ ꓘꓶꓸ ꓓꓴꓸ ꓔ ꓟ ꓢꓯꓸ ꓫꓵ ꓢꓯꓸ ꓙꓰ ꓔꓯ ꓥ ꓟꓲ ꓪꓴ-ꓢ ꓠꓴ ꓡꓰ ꓡꓳꓸ ꓙ ꓔ ꓙ ꓡꓳ= ꓢꓲ ꓫꓬ ꓢꓴ ꓝꓣꓮꓠꓚꓲꓢ ꓮꓢꓢꓲꓢꓲ ꓡꓰ ꓐꓰ ꓠꓬꓲꓸ ꓠꓬꓲ ꓥꓪ ꓠꓴ ꓐꓯ ꓠꓲꓹ ꓫꓵ_ ꓡꓳ꓾ ꓥꓪ ꓠꓴ ꓐꓹ ꓐ ꓪꓴ-ꓢ꓾ꓳ ꓢꓲ ꓒꓽ ꓔꓯ ꓥꓪ ꓠꓴ ꓫꓱꓸ ꓖꓶ_ ꓡꓳ= ꓪꓴ-ꓢ ꓠꓴ ꓡꓰ ꓚꓰꓼ ꓔ ꓟ ꓡꓳꓸ ꓐꓲ_ ꓟ ꓗꓪ ꓐꓰ ꓢꓲ ꓒꓽ ꓠꓬ ꓙꓲ ꓓꓰ ꓡꓰ_ ꓟ ꓬꓲ ꓚꓰ ꓓꓽ ꓟ ꓐꓰ ꓠꓴ ꓚꓲ ꓛꓬ ꓟꓸ ꓖꓶ ꓔ ꓟ ꓥꓳ=
ꓥꓪ ꓠꓴ ꓶꓽ ꓓꓰ_ ꓥꓳ꓾ ꓢꓲ ꓒꓽ ꓠꓴ ꓔꓯ ꓢꓷꓸ ꓡꓰ ꓗꓴꓸ ꓟ ꓥꓪ ꓠꓴ ꓟꓬ ꓢꓶꓽ ꓔꓯ ꓒꓴ ꓖꓶ ꓡꓯ= ꓠꓴ ꓡꓰ ꓚꓰꓼ ꓔ ꓟ ꓐꓰ ꓢꓲ ꓒꓽ ꓠꓶꓽ ꓞꓹ ꓢꓲ ꓔꓬ ꓟ ꓬꓲ ꓠꓯꓹ ꓟ ꓚꓱꓹ ꓔꓯ ꓢꓳꓺ ꓜꓲꓼ ꓟ ꓗꓪ ꓐꓰ ꓟꓲ ꓠꓯ ꓠꓬ ꓫꓵꓽ ꓪꓴ ꓕꓲ ꓟ ꓔꓯ ꓬꓲ ꓚꓱꓹ ꓧꓪꓹ ꓟ ꓓꓰ ꓢ ꓟꓬ ꓠꓬꓲ ꓬꓰ ꓠꓹ ꓟ ꓚꓱꓹ ꓟꓬꓹ ꓟ ꓑꓶ ꓓꓴ ꓥꓳ ꓡꓳꓸ ꓓꓴ ꓫ ꓟꓳ ꓫꓱꓸ ꓖꓶ ꓟ ꓐꓰ ꓠꓲꓹ ꓟ ꓘꓴꓽ ꓗꓪ ꓗꓷ ꓔ ꓢꓲ ꓔꓱꓹ ꓕ ꓠꓬꓲ ꓠꓹ ꓟ ꓬꓲ ꓠꓯꓹ ꓟ ꓕꓲ ꓚꓱꓹ ꓥ ꓡꓳ= ꓪꓴ-ꓢ ꓡꓰ ꓚꓰꓼ ꓔ ꓟ ꓗꓪ ꓢꓲ ꓒꓽ ꓔꓬ ꓟ ꓔꓯ ꓧꓪ ꓟꓳ ꓠꓹ ꓟ ꓐꓱ ꓶ ꓥꓪ ꓠꓴ ꓔꓯ ꓬꓰ ꓙ ꓖꓶ ꓡꓯ꓾ ꓖꓳ ꓕꓯ ꓢꓲ ꓕꓱ ꓟ ꓔꓯ ꓐꓲ ꓜꓲꓼ ꓠ ꓙ ꓜꓲꓼ ꓐ ꓡ ꓥꓳ= ꓥꓪ ꓠꓴ ꓠꓬ ꓥꓪ ꓠꓴ ꓚꓲ ꓛꓬ ꓔꓬ ꓟ ꓕꓱ ꓟꓲ ꓠꓯ ꓐꓱ ꓶ ꓙꓵꓽ ꓪ ꓙꓳ_ ꓟ ꓔꓯ ꓢꓷꓸ ꓡꓰ ꓡ ꓥꓳ= ꓬꓲ ꓚꓱꓹ ꓮ ꓟꓬꓹ ꓐꓰ ꓔꓬ ꓟ ꓢꓯꓸ ꓫꓵ ꓢꓯꓸ ꓙꓰ ꓮ ꓙꓵ ꓔꓯ ꓠꓬꓲ ꓡꓳꓸ ꓗꓪ ꓫꓵ ꓠꓹ ꓟ꓾ꓞꓳ ꓒꓵꓽ ꓗꓴꓸ_ ꓟ ꓪꓴ-ꓢ ꓡꓰ ꓥꓪ ꓠꓴ ꓔꓯ ꓘꓴ ꓔ ꓟ ꓡꓰ ꓐꓰ ꓥꓪ ꓠꓴ ꓢꓷꓸ ꓡ ꓥꓳ= ꓢꓲ ꓒꓽ ꓔꓯ ꓫꓱꓸ ꓖꓶ_ ꓡꓳ= ꓮꓟꓰꓠ꓾
