ꓔꓲ.. ꓒ ꓪ ꓔꓲ ꓡꓰꓳ 14 ꓠꓬ Zimbabwe ꓗꓴꓷꓼ ꓙꓵꓽ ꓢꓲ: ꓒ ꓐꓰ ꓜꓲ ꓡꓯꓼ ꓘꓳ_ ꓟ꓾

ꓔꓲ.. ꓒ ꓪ ꓔꓲ ꓡꓰꓳ 14 ꓠꓬ ꓡꓳ, ꓬꓰ ꓟ 8 ꓦ 30 ꓠꓬꓲ ꓕꓯ Zimbabwe ꓗꓴꓷꓼ ꓙꓵꓽ ꓢꓲ: ꓒ ꓐꓰ ꓜꓲ ꓡꓯꓼ ꓘꓳ ꓡꓰ ꓟ ꓥ ꓡꓳ꓿ ꓖꓳ ꓟ ꓡꓰ ꓐꓰ ꓟꓽ ꓞꓲ Vatican ꓗꓪ ꓟꓬꓱꓽ ꓬꓰ ꓙ ꓔꓬ ꓟ Cardinal Pietro Parolin ꓐꓰ ꓗꓴꓷꓼ ꓔꓯ ꓙꓻ ꓡꓯꓼ ꓘꓳˍ ꓟ ꓔꓲ.. ꓒ ꓓꓽ Paul Richard Gallagher ꓐꓰ ꓥ ꓟꓲ ꓜꓲ ꓡꓯꓼ ꓘꓳ ꓗꓷ ꓟ ꓥ ꓡꓳ꓿

ꓕꓱ ꓡꓱ ꓜꓲ ꓡꓯꓼ ꓘꓳ ꓢꓲ꓾ ꓗꓴꓷꓼ ꓠꓬꓲ ꓗꓴꓷꓼ ꓘꓴꓽ ꓠꓯ.ꓼ ꓗꓪ ꓙꓲˍꓟ ꓚꓱ, ꓗꓴꓷꓼ ꓢꓲ ꓡꓲ, ꓟ ꓚꓱ,꓾ ꓟꓽ ꓞꓲ ꓧꓪꓽ ꓖꓳ ꓓꓱꓽ ꓔꓬ ꓢ, ꓟ ꓚꓱ, ꓢꓷ. ꓠꓲ, ꓚꓱ, ꓟꓬ ꓠꓬꓲ ꓐꓭ ꓠꓬꓲ ꓘꓴꓽ ꓜꓲꓼ ꓞꓳ ꓐꓰ ꓙ ꓡꓯꓼ ꓘꓳ ꓢꓲ꓾ ꓟꓬꓱꓽ ꓬꓰ ꓠꓯ_ ꓟ ꓚꓱ, ꓟꓵꓽ ꓘꓳꓼ ꓔꓯ ꓥ ꓟꓲ ꓙꓲˍꓟ ꓕꓲ ꓒꓳ, ꓗꓪ ꓐꓰ ꓢꓯꓼ ꓕꓵꓼ ꓔꓬ ꓟ ꓚꓱ, ꓔꓯ ꓐꓯ ꓟꓸ ꓖꓶ ꓡꓯꓼ ꓘꓳ ꓗꓷ ꓟ ꓥ ꓡꓳ꓿

ꓕꓱ ꓡꓱ ꓖꓪ ꓙꓱ ꓟ ꓗꓪ ꓟꓽ ꓪ ꓡꓯꓼ ꓘꓳ, ꓟ ꓥ ꓟꓲ ꓮ ꓟꓬ, ꓙꓳ ꓔꓬ ꓟ ꓡꓰ ꓐꓰ ꓗꓴꓷꓼ ꓕꓲ ꓗꓴꓷꓼ ꓡꓲ ꓕꓲ ꓗꓴꓷꓼ ꓔꓯ ꓙ ꓡꓯꓼ ꓘꓳ_ ꓟ ꓠꓬ ꓮ ꓘꓶꓸ ꓣꓳ.. ꓚꓵ_ ꓟ ꓥ ꓡꓳ ꓐꓰ ꓖꓪ ꓙꓱ ꓡꓯꓼ ꓘꓳ ꓗꓷ ꓟ ꓥ ꓡꓳ ꓐꓰ Vatican ꓓꓳꓽ ꓗꓪ ꓐꓯ ꓔ ꓡꓳ꓿