ꓡꓳꓹ ꓬꓰ ꓟ 2025 ꓘꓳꓼ 8 ꓦ ꓟ 27 ꓠꓬꓲ ꓕꓯ Minnesota ꓗꓴꓷꓼ Minneapolis ꓡꓳ ꓒꓱ Annunciation ꓗ-ꓕꓳ-ꓡꓲꓗ ꓪꓽ ꓘꓴ ꓦꓲ ꓐꓰ ꓢꓳꓸꓹ ꓙꓳ ꓦꓲ ꓥˍꓟ ꓤ ꓠꓱ ꓤ ꓐꓴ ꓐꓰ ꓕꓳꓽ ꓶ ꓢꓳ ꓢꓴ ꓐꓰ ꓪꓽ ꓘꓴ ꓠꓹ ꓟ ꓡ ꓔꓬ ꓕꓯ ꓡꓽ ꓛꓴꓸ ꓑꓶ ꓒ ꓕꓲ ꓣꓳ ꓓꓵ ꓡ ꓢꓲ꓾ 8 ꓘꓳꓼ ꓐꓰ 10 ꓘꓳ ꓛꓲ ꓡꓳˍꓟ ꓤ ꓠꓱ ꓤ 17 ꓣꓳ ꓠꓸꓹ ꓓꓴ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓠꓸꓹ ꓓꓴ ꓡꓰ ꓟ ꓗꓪ ꓤ ꓠꓱ ꓤ 14 ꓣꓳ ꓐ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓡꓽ ꓛꓴꓸ ꓑꓶ ꓒ ꓥˍꓟꓲ ꓕꓱ ꓗꓪ ꓬꓲ ꓚꓲ ꓛꓬ ꓑꓶꓸꓹ ꓢꓱꓽ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓡꓽ ꓛꓴꓸ ꓑꓶ ꓡ ꓟ ꓑꓶꓸ ꓓꓴ ꓫꓵꓸꓹ ꓡꓰ ꓢꓴ ꓐꓴ ꓐꓰ ꓠꓸꓹ ꓓꓴ ꓡꓰ ꓢꓴ ꓐꓴ ꓟꓽ ꓞꓲ ꓠꓲꓸꓹ ꓟ ꓫꓸ ꓔꓬ ꓟ ꓕꓲ ꓦꓲꓸꓹ ꓡ ꓞꓳ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓡꓰ ꓐꓰ ꓠꓲꓸꓹ ꓟ ꓥˍꓟꓲ ꓠꓴ ꓪ ꓡꓰ ꓐꓰ ꓕꓲ ꓪꓽ ꓫꓸ ꓔꓬ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓡꓰꓳ 14 ꓡꓰ ꓐꓯ ꓔꓽ ꓡꓳ ꓐꓰ ꓢꓷꓸ ꓪ ꓡꓳ=

ꓟꓽ ꓞꓲ ꓠꓸꓹ ꓓꓴ ꓡꓰ ꓟ ꓤ ꓠꓱ ꓤ ꓐꓴ ꓔꓯ ꓥˍꓟꓲ ꓠꓯꓸꓹ ꓞꓲꓽ ꓦꓲꓸꓹ ꓗꓪ ꓠꓯꓸꓹ ꓞꓲꓼ ꓫꓬ ꓝꓲ ꓦ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓫꓵꓸꓹ ꓡꓰ ꓢꓴ ꓐꓴ ꓬꓲꓽ ꓪ ꓦ ꓐꓱ ꓶ ꓥˍꓟꓲ ꓟꓲ-ꓢ ꓪꓽ ꓘꓴ ꓖꓶ ꓓꓴ ꓥꓳ ꓐꓰ ꓕꓲꓸꓸ ꓒ ꓪ ꓔꓲꓸꓸ ꓡꓰꓳ 14 ꓡꓰ ꓐꓯ ꓔꓽ ꓡꓳ ꓐꓰ Vatican ꓓꓳꓽ ꓗꓪ ꓐꓯ ꓔꓽ ꓡꓳ=