ꓡ ꓠꓹ ꓟ 2026 ꓘꓳꓼ ꓕꓲ ꓟꓲ ꓠꓯ ꓡꓱꓼ ꓢꓲ ꓡꓲ, ꓗꓷ ꓠ, ꓟ ꓐꓱ ꓶ ꓬꓲ ꓕꓲ ꓟꓳ ꓔꓶꓻ ꓔ ꓟ꓾
2026 ꓘꓳꓼ ꓕꓲ ꓟꓲ ꓠꓯ ꓡꓱꓼ ꓢꓲ ꓡꓲ, ꓗꓷ ꓠ, ꓟ ꓐꓱ ꓶ ꓬꓲ ꓕꓲ ꓟꓳ ꓠꓬ ꓠꓴ ꓪ ꓮꓽ ꓙꓵ ꓕꓯ ꓢꓲ ꓗꓪ ꓢꓲ ꓡꓲ, ꓟ ꓟꓶ ꓝꓲ꓾ ꓔꓲ.. ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓔꓶꓻ ꓗꓷ ꓟ ꓥ ꓡꓳ꓿ ꓟꓯꓼ ꓢꓰꓼ ꓡꓯ ꓘꓳ, ꓓꓴ ꓠꓽ ꓡꓰ ꓠ, ꓟ ꓢꓲ ꓡꓲ, ꓗꓷ ꓠ, ꓟ ꓐꓱ ꓶ Vatican ꓬꓲ ꓚꓰ ꓗꓪ ꓐꓰ ꓢꓲ ꓡꓲ, ꓟ ꓟꓶ ꓝꓲ꓾ ꓐꓰ ꓕꓳ ꓑꓶ ꓕꓲ ꓑꓶ ꓔꓯ ꓡꓳ, ꓬꓰ ꓟ 2025 ꓘꓳꓼ 8 ꓦ ꓟ 26 ꓠꓬꓲ ꓕꓯ ꓫꓬ, ꓓꓳ., ꓡꓰ ꓟ ꓥ ꓡꓳ꓿
ꓡꓳ, ꓬꓰ ꓟ 2025 ꓘꓳꓼ 5 ꓦ ꓟ 8 ꓠꓬꓲ ꓕꓯ ꓔꓲ.. ꓒ ꓪ ꓔꓲ ꓙꓵꓽ ꓪ ꓔꓯ ꓘꓴ ꓣꓴ ꓟꓶ ꓡꓰ ꓟ ꓔꓲ.. ꓒ ꓪ ꓔꓲ ꓡꓰꓳ 14 ꓡꓰ ꓟꓯꓼ ꓢꓰꓼ ꓡꓯ ꓘꓳ ꓟ ꓠꓽ ꓡꓰ ꓠ, ꓟ ꓐꓰ ꓕꓲ ꓟꓲ ꓠꓯ ꓡꓱꓼ ꓢꓲ ꓡꓲ, ꓗꓷ ꓠ, ꓟ ꓓꓰ ꓔ ꓟ ꓥ ꓡꓳ꓿
ꓓꓳꓽ ꓫꓵꓽ ꓐꓯ ꓑꓶˍꓟ ꓗꓪ ꓢꓲ ꓡꓲ, ꓗꓷ ꓠ, ꓟ ꓠꓬ ꓑꓳꓽ ꓡ ꓛꓴ. ꓟꓽ ꓐ ꓐ ꓢꓲ., ꓡꓲ, ꓗꓷ ꓠ, ꓟ ꓔꓯ ꓐꓯˍꓟ ꓥ ꓡꓳ꓿ꓠꓲ, ꓟ ꓔꓯ ꓒꓴ ꓦ ꓢꓲ꓾ ꓕꓲ ꓣꓳ ꓡꓰ ꓕꓲ ꓣꓳ ꓦ ꓡꓱ ꓟ꓾ ꓬꓰ ꓙ ꓡꓯ ꓘꓳ, ꓟ ꓔꓯ ꓐꓯˍꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓕꓱ ꓟ ꓠꓬ ꓣꓳ ꓘꓴꓽ ꓜꓲꓼ ꓞꓳ ꓗꓪ ꓥˍꓟꓲ ꓬꓲ ꓜꓴꓻ ꓬꓲ ꓟꓯꓼ ꓗꓪ ꓥˍꓟꓲ ꓢꓲ ꓡꓲ, ꓗꓷ ꓠ, ꓟ ꓔꓯ ꓧꓪ ꓠ, ꓟ ꓐꓰ ꓕꓲ ꓟꓲ ꓠꓯ ꓡꓱꓼ ꓓꓰ ꓘꓶꓽ ꓥˍꓟ ꓓꓳꓽ ꓫꓵꓽ ꓗꓪ ꓐꓯ ꓔ ꓟ ꓥ ꓡꓳ꓿
