ꓟꓮꓠꓓꓮꓡꓮꓬ ꓗ-ꓕꓳ-ꓡꓲꓗ ꓢ-ꓢꓲ-ꓠ꓾ Pyin Oo Lwin꓾ ꓟꓳ-ꓚꓳ ꓘꓹ ꓢꓔꓸ ꓟꓲꓚꓧꓮꓰꓡ ꓪꓽ ꓘꓴ ꓦꓲꓻ ꓗꓪ ꓫꓸ ꓢꓴ ꓟꓷꓼ ꓢꓴ ꓐꓴ ꓐꓱ ꓶ ꓙꓴ-ꓐꓲ-ꓡꓲ ꓑꓮꓲ ꓔꓯ 24ꓸ8ꓸ2025 ꓘꓳꓼ ꓠꓽ ꓦꓬꓼ ꓠꓬꓲ ꓕꓯ ꓬꓰ ꓖꓶ ꓓꓳ ꓡꓰ ꓟ ꓥꓳ=
ꓙꓴ-ꓐꓲ-ꓡꓲ ꓟꓲ-ꓢ ꓪꓽ ꓘꓴ ꓙꓵꓹ ꓔꓯ ꓠꓬ ꓔꓲꓺ ꓒ Dominic Aung San Htay (CMF) ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓔꓲꓺ ꓒ Peter Yan Naung ꓡꓰ ꓙꓴ-ꓐꓲ-ꓡꓲ ꓑꓮꓲ ꓬꓲ ꓔꓶꓻ ꓙꓱꓼ ꓔꓯ ꓙꓴ-ꓐꓲ-ꓡꓲ ꓚꓱꓹ ꓗꓪ ꓐꓰ ꓶꓼ ꓓꓳ ꓫꓱꓹ ꓓꓳ ꓚꓺ ꓖꓶ ꓗꓷ ꓟ ꓥꓳ=
ꓶꓼ ꓓꓳꓽ ꓫꓱꓸ ꓓꓳ ꓗꓪ “ꓢꓲ ꓒ ꓬꓰ-ꓢꓴ ꓠꓬ ꓫꓸ ꓢꓴ ꓟꓷꓼ ꓢꓴ ꓐꓴ ꓫ ꓔꓬ ꓢꓴ ꓐꓴ ꓬꓲ ꓪ ꓤꓶꓻ ꓠꓯꓼ ꓗꓪ ꓮ ꓕꓯ ꓟꓲ ꓔꓬ ꓟ ꓥꓳ= ꓫ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓟ ꓠꓬ ꓢꓲ ꓒ ꓬꓰ-ꓢꓴ ꓔꓯ ꓠꓲꓹ ꓠꓵꓻ ꓟ ꓔꓯ ꓟꓸ ꓖꓶ_ ꓟ ꓥ ꓡꓳ꓾ ꓐꓰ ꓢꓯꓼ ꓖꓶ ꓔ ꓡꓳ=
ꓳꓝꓟ ꓔꓲꓺ ꓒ ꓜꓴꓻ ꓗꓪ ꓐꓰ ꓥ ꓟꓲ ꓫꓸ ꓔꓬ ꓢꓴ ꓐꓴ ꓞꓳ ꓫꓵ ꓟꓽ ꓘꓶꓽ ꓙꓵꓻ ꓠꓲꓹ ꓟꓽ ꓘꓶꓽ ꓮ ꓙꓵ ꓢꓴ ꓐꓱ ꓶ ꓜ ꓒꓵ꓾ ꓧꓪ ꓞꓶ꓾ ꓠꓱꓸ ꓐꓯꓼ ꓣꓱ ꓬꓯꓼ ꓟ ꓜ ꓫꓵ ꓐꓴ ꓔꓯ ꓬꓰ ꓙ ꓔꓳꓹ ꓙ ꓗꓷ ꓟ ꓥꓳ=
ꓥꓳ ꓡꓳꓸ ꓓꓴ ꓙꓴ-ꓐꓲ-ꓡꓲ ꓥ ꓟ ꓡꓰ ꓐꓰ 2025 ꓘꓳꓼ ꓘꓴꓽ ꓗꓪ ꓫꓸ ꓢꓴ ꓟꓷꓼ ꓢꓴ ꓐꓴ ꓐꓱ ꓶ ꓢꓔꓸ ꓟꓲꓚꓧꓮꓰꓡ ꓪꓽ ꓘꓴ ꓦꓲꓻ ꓗꓪ ꓙꓴ-ꓐꓲ-ꓡꓲ ꓑꓮꓲ ꓬꓰ ꓖꓶ_ ꓟ ꓠꓬ ꓓꓽ ꓪꓴꓸ ꓕꓲ ꓧꓪꓹ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=
