ꓠꓱꓸ ꓐꓯꓼ ꓙꓵꓸꓹ ꓠꓲꓹ ꓐꓰ ꓫꓸ ꓕꓱˍꓟ ꓗꓪ ꓕꓱ ꓕꓲ ꓠꓽ ꓠꓬ ꓙꓲꓸꓹ ꓫꓬ ꓢꓴ francis of assisi ꓚꓱꓹ ꓔꓯ ꓣꓳ ꓠꓽ ꓠꓹ ꓓꓴ ꓬꓰ ꓡꓯ= ꓬꓲ ꓠꓬ ꓮ ꓠꓱ ꓕꓯ 1200 ꓘꓳꓼ ꓕꓯ ꓟꓯꓼ ꓓꓰ ꓡꓯ ꓘꓳꓹ ꓟ ꓦꓬꓼ ꓠꓬꓲ ꓗꓪ ꓙꓲ ꓢꓴ ꓢꓲ ꓤ ꓐꓰ Muslim ꓡ ꓞꓳ ꓓꓲꓽ ꓡꓯꓼ ꓘꓳꓹ ꓟ ꓬꓲ ꓠꓬ ꓬꓲ ꓙ ꓫꓱꓹ ꓖꓶ ꓟ ꓮ ꓙꓵꓽ ꓠꓬ ꓞꓳ ꓤ ꓐꓴ ꓐꓱ ꓶ ꓕꓯ ꓢꓳ ꓓꓴ ꓕꓲ ꓟ ꓗꓷ ꓔꓬ ꓟ ꓥ ꓡꓳ= ꓕꓱ ꓟ ꓠꓬ ꓮ ꓫꓵꓽ ꓥ ꓡ? ꓐꓰ ꓐꓯ ꓕꓯ ꓙꓲꓸꓹ ꓫꓬ ꓢꓴ francis ꓠꓬ ꓢꓲꓽ ꓒ ꓬꓰ-ꓢꓴ ꓗꓸ ꓠꓯꓼ ꓖ ꓢꓴ ꓙꓲ ꓢꓴ ꓢꓲ ꓤ ꓐꓴ ꓠꓬꓲ ꓖꓳꓸ ꓙ ꓗꓪ ꓬꓲ ꓠꓬ ꓙꓴꓽ ꓙꓳ ꓢꓴ ꓥˍꓟ Muslim ꓐꓴ ꓠꓬꓲ ꓖꓳꓸ ꓙ ꓗꓪ ꓙꓰ ꓢꓲ ꓢꓲ ꓡꓲꓽ ꓟ ꓚꓱꓹ ꓫꓸ ꓕꓱ ꓟ ꓬꓰ ꓖꓳ ꓡ ꓟ ꓥ ꓡꓳ= ꓮ ꓡꓰ ꓐꓯ ꓠꓬ ꓖꓳ ꓟ ꓦꓬꓼ ꓠꓬꓲ ꓗꓪ Muslim ꓐꓰ ꓣꓳ ꓙꓲ ꓢꓴ ꓢꓲ ꓤ ꓐꓴ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓢꓱꓽ ꓡꓯꓼ ꓘꓳꓹ ꓟ ꓙꓳ ꓔꓬ ꓟ ꓥ ꓡꓳ= ꓖꓳ ꓡꓰ ꓐꓯ ꓥˍꓟꓲ ꓮ ꓟꓽ ꓟꓲ ꓕꓱ ꓟ ꓙꓰ ꓟꓽ ꓑꓶ꓾ ꓐꓯ ꓥˍꓟꓲ ꓙꓲꓸꓹ ꓫꓬ ꓢꓴ Francis ꓠꓬ ꓖꓳ ꓗꓪ ꓙꓰ ꓢꓲ ꓫꓸ ꓪ ꓕꓱ ꓙꓰ ꓡꓳ= ꓖꓳ ꓗꓪ ꓙꓰ ꓕꓯ ꓓꓵ ꓙ ꓯ ꓓꓴ ꓕꓲ ꓟ ꓒꓬꓱꓽ ꓡ ꓡꓳ꓾ ꓮ ꓟ ꓥ ꓟꓲ ꓬꓲ ꓔꓯ ꓟꓽ ꓓꓰ ꓟꓽ ꓓꓲ ꓪ ꓔꓲ ꓒ ꓠꓬ ꓬꓲ ꓔꓯ ꓘꓴꓽ ꓢꓲ꓾ ꓢꓲ ꓡꓲꓽ ꓟ ꓚꓱꓹ ꓔꓯ ꓫꓸ ꓕꓱ ꓗꓷ ꓟ ꓥ ꓡꓳ= ꓖꓳ ꓗꓪ ꓣꓳ ꓕꓯ ꓢꓳ ꓓꓴ ꓠꓬ ꓮ ꓫꓵꓽ ꓥ ꓡ? ꓐꓰ ꓐꓯ ꓠꓬ ꓙꓲꓸꓹ ꓫꓬ ꓢꓴ francis of assisi ꓡꓰ ꓐꓰ ꓣꓳ ꓥˍꓟꓲ ꓢꓴ ꓔꓯ ꓟꓽ ꓠ ꓠꓹ ꓫꓸ ꓪ ꓕꓱ ꓠꓯꓸꓼˍꓟ ꓚꓱꓹ ꓔꓯ ꓣꓳ ꓢꓲ ꓪ ꓟ ꓥ ꓡꓳ= ꓕꓱ ꓟ ꓡꓰ ꓐꓰ ꓬꓲ ꓪ ꓠꓬꓲꓽ ꓫꓵ ꓠꓬ ꓕꓲ ꓣꓳ ꓫꓸ ꓪ ꓔꓯ ꓕꓲ ꓣꓳ ꓠꓽ ꓠꓹ ꓡꓯꓼ ꓘꓳꓹ ꓟ ꓡꓰ ꓐꓰ ꓣꓳ ꓥˍꓟꓲ ꓕꓲ ꓣꓳ ꓛꓳ ꓕꓲ ꓣꓳ ꓠꓽ ꓠꓹ ꓡꓯꓼ ꓘꓳꓹ ꓠꓹ ꓟ ꓣꓳ ꓚꓵ ꓡꓳ=
