Pakistan ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓐꓱ ꓓꓵꓽ ꓕꓳ ꓦꓲꓻ ꓗꓪ ꓓꓶꓽ ꓠꓲ ꓔꓲ. ꓠꓲ ꓬꓰ ꓔꓬ ꓡꓳ ꓐꓰ (International Christian Concern) ꓜꓴꓻ ꓡꓰ ꓐꓯ ꓔ ꓟ ꓓꓳꓽ
8 ꓦ ꓟ 22 ꓠꓬꓲ 2025 ꓘꓳꓼ ꓕꓯ ꓟꓵꓽ ꓗꓳ, ꓓꓵ ꓓꓵ ꓙꓲ‐ꓢꓴ ꓢꓲꓺ ꓤ ꓐꓴ ꓜꓴꓻ (International Christian Concerned ) ꓗꓪ ꓐꓰ ꓐꓯ ꓔ ꓟ ꓠꓬ ꓑꓰꓗꓲꓢꓔꓮꓠ ꓗꓴꓷꓼ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓡꓰ ꓐꓱ ꓓꓵ ꓕꓳ ꓦꓲꓻ ꓗꓪ ꓐꓱ ꓔ ꓢꓲ ꓠꓬꓲ ꓮ ꓘꓶ. ꓛꓲ ꓓꓶꓽ ꓠꓲ ꓔꓲ. ꓠꓲ, ꓬꓰ ꓔꓬ ꓟ ꓔꓯ ꓐꓯ ꓔ ꓟ ꓥ ꓡꓳ꓿
ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓠꓬ ꓟꓴꓢꓲꓡꓲ ꓙꓵꓻ ꓠꓲ, ꓔꓯ ꓦꓻ ꓡꓱ ꓢꓴ ꓐꓴ ꓝꓲ ꓓꓴ ꓟꓳ‐ꓦ‐ꓟꓯ ꓔꓯ ꓟꓽ ꓔꓱ, ꓟꓽ ꓜꓳ ꓐꓰ ꓕꓳ ꓶ ꓐꓳ ꓔ ꓡꓳ ꓐꓰ ꓐꓯ ꓢꓲ ꓠꓬꓲ ꓕꓱ ꓟ ꓠꓬ ꓙꓵꓻ ꓠꓲ, ꓚꓱ, ꓙꓵꓽ ꓗꓽ ꓗꓪ ꓥꓳꓽ ꓡꓰ ꓡꓳ ꓐꓰ ꓐꓯ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓐꓱ ꓓꓵꓽ ꓕꓳ ꓦꓲꓻ ꓗꓪ ꓐꓱ ꓗꓷ ꓟ ꓥ ꓡꓳ꓿
ꓕꓱ ꓡꓱ ꓐꓰ ꓬꓰ ꓟ ꓠꓬ ꓑꓮꓗꓲꓢꓔꓲꓮꓠ ꓗꓴꓷꓼ ꓗꓪ ꓦꓻ ꓡꓱ ꓢꓴ ꓐꓴ ꓮ ꓟꓬ, ꓟꓽ ꓔꓬ ꓟ ꓦꓰ‐ꓓꓴ ꓙꓵꓻ ꓠꓲ, ꓔꓯ ꓘꓳ, ꓣꓴ ꓢꓴ ꓾ ꓐꓰ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓔꓯ ꓬꓰ ꓟ ꓥ ꓡꓳ꓿ ꓟꓵꓽ ꓗꓳ. ꓓꓵ ꓓꓵ ꓦꓻ ꓡꓱ ꓜꓴꓻ ꓗꓪ ꓐꓰ ꓡꓳ. ꓠꓬꓲ ꓕꓯ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ_ ꓟ꓾ ꓝꓴꓲ ꓮ ꓟꓬ, ꓖꓶ ꓟ ꓗꓴꓷꓼ ꓠꓬ ꓲ‐ꓣꓮꓠ ꓗꓴꓷꓼ ꓓꓳ ꓡꓰ ꓗ. ꓠꓯ ꓠꓬ ꓑꓮꓗꓲꓢꓔꓮꓠ ꓗꓴꓷꓼ ꓥ ꓡꓳ ꓐꓰ ꓐꓯ ꓔ ꓡꓳ꓿
2015 ꓘꓳꓼ ꓕꓯ ꓟꓴꓚꓡꓲꓟ ꓡ ꓞꓳ ꓠꓬꓲꓽ ꓣꓳ ꓔꓯ ꓓꓶꓽ ꓔꓲ. ꓔ ꓡꓳ ꓐꓰ ꓐꓯ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ (100) ꓣꓳ ꓔꓯ ꓐꓱ ꓓꓵ ꓕꓳ ꓦꓲꓻ ꓗꓪ ꓐꓱ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓟꓽ ꓔꓱ, ꓟꓽ ꓜꓳ ꓟ ꓚꓱ, ꓗꓪ ꓐꓰ ꓝꓴꓲ. ꓮ ꓟꓬ, ꓧꓪ, ꓟ ꓪꓴ. ꓠꓬꓲ ꓮ ꓘꓶ. ꓔꓬ ꓫ. ꓔꓬ ꓡꓳ ꓐꓰ (international Christian Concerned) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
