ꓔꓲꓺ ꓒ ꓪ ꓔꓲ ꓡꓰ ꓡꓰꓳ (14) ꓠꓬ ꓟꓯꓼ ꓘꓰ, ꓟꓯꓼ ꓒꓬ ꓔꓬ ꓢꓴ ꓐꓴ ꓐꓰ ꓜꓲꓽ ꓡꓯꓽ ꓘꓳ ꓗꓷ ꓟ ꓙꓵ, ꓕꓯ ꓮꓽ ꓟ ꓔꓯ ꓥ ꓟꓲ ꓗꓴꓷꓼ ꓗꓪ ꓐꓰ ꓖꓼ ꓓꓳ ꓗꓷ_ ꓟ ꓬꓰ ꓟꓽ ꓓꓽ ꓐꓰ ꓫ. ꓕꓱ ꓗꓷ ꓟ ꓓꓳꓽ
8 ꓦ ꓟ 24 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ Chagos ꓟꓯꓼ ꓘꓰ, ꓟꓯꓼ ꓒꓬ ꓔꓬ ꓢꓴ ꓐꓴ ꓐꓰ ꓜꓲ ꓡꓯꓽ ꓘꓳ, ꓟ ꓙꓵ, ꓕꓯ ꓮꓽ ꓟ ꓔꓯ ꓥ ꓟꓲ ꓗꓴꓷꓼ ꓗꓪ ꓐꓰ ꓖꓼ ꓓꓳ ꓩꓴ ꓠ, ꓟ ꓙꓵꓽ ꓪ ꓟꓽ ꓙꓳ ꓐꓰ ꓫ. ꓕꓱ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓔꓲ ꓺꓒ ꓪ ꓔꓲ ꓔꓯ ꓜꓲ ꓡ ꓟ ꓪꓴ. ꓠꓬꓲ ꓮꓝꓲꓣꓲꓚꓮꓠ ꓟꓵꓽ ꓚꓧꓮꓖꓳꓢ ꓗꓴꓷꓼ ꓗꓪ ꓐꓰ ꓟꓯꓼ ꓘꓰ, ꓢꓴ ꓐꓴ ꓜꓲ ꓡ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓠꓬ ꓬꓲ ꓔꓯ ꓮ ꓘꓶ. ꓟꓬꓱꓺ ꓓꓳꓽ ꓖꓶ ꓟ ꓥ ꓡꓳ꓿
ꓟꓯꓼ ꓘꓰ, ꓟꓯꓼ ꓒꓬ ꓢꓴ ꓐꓴ ꓠꓬ ꓬꓲ ꓪ ꓗꓴꓷꓼ ꓗꓪ ꓝꓮꓲ ꓡ ꓙꓰ ꓪ ꓠ, ꓟ ꓢꓯꓼ ꓕꓵꓼ ꓔꓬ ꓟ ꓪꓴ. ꓠꓬꓲ ꓤ ꓟꓶ ꓤ ꓐꓴ ꓐꓰ ꓤ ꓠꓱ ꓤ ꓐꓴ ꓮ ꓡꓰ ꓢꓯꓼ ꓕꓵꓼ ꓔꓬ ꓟ ꓔꓯ ꓐꓯ ꓟ. ꓖꓶ ꓗꓷꓳ꓿ ꓬꓲ ꓪ ꓠꓬ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓬꓲ ꓪ ꓔꓬ ꓟ ꓗꓴꓷꓼ ꓗꓪ ꓡ ꓙꓰ ꓪ ꓠ, ꓟ ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓚꓧꓮꓖꓳꓢ ꓡ ꓞꓳ ꓮ ꓟꓬ, ꓔꓯ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓗꓴꓷꓼ ꓗꓪ ꓐꓰ ꓖꓼ ꓓꓳ ꓩꓴ ꓗꓷ ꓢꓴ ꓐꓴ ꓥ ꓡꓳ꓿ ꓬꓲ ꓪ ꓜꓴꓻ ꓠꓬ ꓠꓱ. ꓐꓯꓼ ꓗꓴꓷꓼ ꓗꓪ ꓔꓬ ꓢꓲ ꓠꓬꓲ ꓬꓲ ꓪ ꓗꓴꓷꓼ ꓡ ꓙꓰ ꓪ ꓠ, ꓟ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿
ꓚꓧꓮꓖꓳꓢ ꓞꓳ ꓫꓵꓽ ꓐꓴ ꓔꓬ ꓟ ꓗꓴꓷꓼ ꓗꓪ ꓐꓰ ꓠꓱ. ꓐꓯꓼ ꓢꓲꓽ ꓒꓽ ꓐꓴ ꓠꓬ ꓬꓲ ꓔꓯ ꓖꓼ ꓩꓴ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ ꓪ ꓠꓬ 1984 ꓘꓳꓼ ꓕꓯ ꓟꓯꓼ ꓘꓰ, ꓟꓯꓼ ꓒꓬ ꓢꓴ ꓐꓴ ꓔꓯ ꓬꓰ ꓙ ꓢꓴ ꓜꓴꓻ ꓠꓖꓳ ꓜꓴꓻ ꓐꓴ ꓐꓰ ꓙ ꓡꓯꓽ ꓘꓳ ꓢꓲ ꓠꓬꓲ ꓮ ꓡꓰ ꓐꓰ ꓟꓬꓱꓽ ꓬꓰ ꓠ, ꓟ ꓢꓯꓼ ꓕꓵꓼ ꓗꓷꓳ꓿ ꓮ ꓟꓶ ꓟ ꓙꓵ, ꓗꓪ ꓬꓲ ꓪ ꓔꓬ ꓟ ꓗꓴꓷꓼ ꓗꓪ ꓝꓮꓲ ꓡ ꓙꓰ ꓠ ,ꓟ ꓢꓯꓼ ꓕꓵꓼ ꓔꓬ ꓟ ꓥ ꓡꓳ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
