ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓮꓡꓖꓰꓣꓲꓮꓠ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓐꓴ ꓠꓬ ꓙꓵꓻ ꓠꓲ, ꓑꓶ. ꓓꓴ ꓫꓵꓻ ꓙ ꓗꓷ ꓢꓴ ꓔꓲꓺ ꓒ ꓐꓴ ꓔꓯ ꓟꓬꓱꓺ ꓓꓳꓽ ꓖꓶ ꓟ
8 ꓦ ꓟ 24 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓮꓡꓰꓖꓰꓣꓮꓲꓠ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓐꓴ ꓠꓬ ꓙꓵꓻ ꓠꓲ, ꓑꓶ. ꓓꓴ ꓫꓵꓻ ꓙ ꓗꓷ ꓢꓴ ꓔꓲꓺ ꓒ ꓜꓴꓻ ꓔꓯ ꓟꓬꓱꓺ ꓓꓳꓽ ꓖꓶ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ ꓲꓔꓮꓲꓡꓬ ꓗꓴꓷꓼ ꓣ‐ꓟꓲ‐ꓠꓳ ꓡꓳ ꓒꓱ ꓗꓪ ꓬꓰ ꓗꓷ ꓟ ꓑꓮꓲꓽ ꓓꓽ ꓗꓪ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓔꓬ ꓢꓴ ꓔꓲꓺ ꓒ꓾ ꓔꓲꓺ ꓟ ꓐꓴ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓕꓳ ꓶ ꓗꓪ ꓐꓰ ꓐꓳ ꓔ ꓟ ꓠꓬ ꓪꓴ‐ꓢ ꓟꓬꓱꓽ ꓬꓰ ꓟ ꓙꓵ, ꓕꓯ ꓚꓲ. ꓛꓬ ꓓꓽ ꓟ ꓚꓱ, ꓔꓯ ꓐꓯ ꓟ. ꓠ, ꓟ꓾ ꓡ ꓞꓳ ꓮ ꓟꓬ, ꓔꓬ ꓗꓪ ꓬꓲ ꓪ ꓐꓰ ꓕꓲ ꓪ ꓔꓬ ꓠ, ꓟ ꓐꓰ ꓬꓲ ꓪ ꓐꓰ ꓮ ꓬꓲꓼ ꓠꓬꓲ ꓤ ꓠꓲ, ꓟ ꓙꓳ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓠ ꓟ ꓢꓯꓼ ꓕꓵꓼ ꓐꓰ ꓐꓯ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ ꓲꓔꓮꓡꓬ ꓗꓴꓷꓼ ꓣ‐ꓟꓲ‐ꓠꓳ ꓡꓳ ꓒꓱ ꓓꓽ ꓗꓪ ꓬꓰ ꓗꓷ ꓟ ꓙꓵ, ꓕꓯ ꓪꓴ‐ꓢ ꓟꓬꓱꓽ ꓬꓰ ꓟ ꓙꓵ, ꓕꓯ ꓮꓡꓖꓲꓮꓠ ꓗꓴꓷꓼ ꓗꓪ ꓐꓰ ꓔꓲꓺꓒ ꓜꓴꓻ ꓠꓬ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓬꓲ ꓪ ꓢꓯꓼ ꓟꓬ ꓔꓯ ꓖꓶ ꓗꓷ ꓗꓪ ꓛꓲ ꓪꓴ‐ꓢ ꓟꓬꓱꓽ ꓬꓰ ꓗꓷ ꓟ ꓙꓵ, ꓕꓯ ꓫ. ꓕꓱ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ ꓪꓴ‐ꓢ ꓟꓬꓱꓽ ꓬꓰ ꓟ ꓙꓵ, ꓕꓯ ꓕꓱ ꓟꓵꓽ ꓗꓪ ꓔꓬ ꓟ ꓞꓳ ꓫꓵꓽ ꓞꓳ ꓙꓵꓽ ꓡꓲ ꓒꓰꓼ ꓔꓯ ꓞꓳ ꓒꓵꓽ ꓢꓲ ꓠꓬꓲ ꓬꓲ ꓐꓰ ꓕꓲ ꓪ ꓒꓽ ꓕꓲ ꓗꓪ ꓔꓬ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓠ ꓟ ꓐꓰ ꓚꓲ. ꓛꓬ ꓐꓱ ꓶ ꓡꓰ ꓟꓽ ꓡꓳ. ꓫ. ꓢꓴ ꓟꓷꓼ ꓢꓴ ꓐꓴ ꓐꓱ ꓶ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓡꓳ. ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓠ, ꓟ ꓐꓯ ꓔ ꓟ ꓥ ꓡꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓪꓴ‐ꓢ ꓟꓬꓱꓽ ꓬꓰ ꓟ ꓠꓬ ꓠꓖꓳ ꓜꓴꓻ ꓟꓽ ꓥ ꓐꓰ ꓣꓳ ꓠꓬ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓒꓬꓱꓼ ꓡ ꓠ, ꓟ ꓦꓻ ꓕꓲ ꓒꓳ, ꓐꓱ ꓶ ꓢꓯꓼ ꓕꓵꓼ ꓠ, ꓟ ꓐꓯ ꓖꓶ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓠꓯ ꓗ, ꓛꓲ ꓓꓴ ꓗꓪ ꓟꓽ ꓛꓳ ꓫꓱ ꓠ, ꓟ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓐꓯ ꓗꓷꓳ꓿
ꓙ ꓣꓳ_ ꓟ ꓠꓲ, ꓟ ꓗꓪ ꓐꓰ ꓪꓴ‐ꓢ ꓔꓯ ꓙꓵꓻ ꓢꓲ ꓠꓬꓲ ꓣꓳꓺ ꓓꓰ ꓡꓰ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓕꓵꓼ ꓠ, ꓟ ꓐꓯ ꓔ ꓡꓳ꓿ ꓝꓮꓲ ꓪꓴ‐ꓢ ꓐꓰ ꓮ ꓕꓯ ꓥ ꓟꓲ ꓙ ꓡꓯꓽ ꓘꓳ ꓢꓲ ꓠꓬꓲ ꓫꓵꓻ ꓗꓪ ꓐꓰ ꓢꓲꓺ ꓒ ꓐꓱ ꓶ ꓟꓬꓱꓽ ꓬꓰ ꓠ, ꓟ ꓐꓰ ꓢꓯꓼ ꓖꓶ ꓗꓷꓳ ꓐꓰ (Vatican news ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
