ꓔꓲꓺ ꓒ ꓪ ꓔꓲ. ꓡꓰꓳ 14 ꓠꓬ (46) ꓧꓪ, ꓟ ꓞꓳ ꓫꓵꓽ ꓮ ꓙꓵꓽ ꓠꓲ, ꓧꓳ, ꓫꓵꓽ ꓧꓳ, ꓓꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓛꓲ ꓡ ꓢꓴ ꓐꓴ ꓔꓯ “ꓢꓲ ꓡꓲ ꓟ ꓐꓯˍ ꓟ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓱꓽ ꓬꓰ ꓔꓬ ꓟ ꓚꓱ, ꓐꓴ ꓗꓪ ꓐꓰ ꓫꓬ, ꓜꓶ ꓪˍ ꓟ꓾” ꓥ ꓟ ꓔꓯ ꓐꓯ ꓖꓶ ꓗꓷ ꓢꓲ꓾ ꓓꓲꓖꓲꓔꓮꓡ ꓦꓬꓼ ꓠꓬꓲ ꓗꓪ ꓤ ꓟꓳ ꓔ ꓠꓯ, ꓟ ꓐꓰ ꓙꓳꓺ ꓠꓯ, ꓟ ꓫꓵꓽ ꓪꓴ ꓒꓬꓱꓼ ꓡ ꓗꓴ.ˍ ꓡꓳ꓾ ꓐꓰ 8 ꓦ ꓟ 21 ꓠꓬꓲ ꓣꓲꓟꓲꓠꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓖꓶ ꓩꓴ ꓔ ꓟ ꓬꓲ ꓕꓳꓽ ꓶ ꓗꓪ ꓐꓯ ꓔ ꓡꓳ꓿
ꓔꓲꓺ ꓒ ꓪ ꓔꓲ. ꓡꓰꓳ 14 ꓡꓰ “ꓞꓳ ꓫꓵꓽ ꓮ ꓙꓵꓽ ꓠꓲ, ꓧꓳ, ꓫꓵꓽ ꓧꓳ, ꓓꓴ ꓖꓪ ꓙꓱ ꓜꓲꓼ ꓓꓴ” ꓣꓲ‐ꓟꓲ‐ꓠꓲ ꓗꓪ ꓛꓲ ꓡ ꓢꓴ ꓐꓴ ꓔꓯ꓾ “ꓥꓳ ꓡꓳ. ꓠꓲ, ꓒ ꓐꓲꓸꓼ ꓐꓰ ꓮ ꓟꓬ, ꓐꓱ ꓶ ꓬꓰ ꓢꓯꓼ ꓕꓵꓼˍ ꓟ ꓢꓲ ꓡꓲ ꓟ ꓫꓬ, ꓜꓶ ꓢꓴ ꓐꓴ” ꓒꓬꓱꓼ ꓡ ꓠ, ꓟ ꓢꓯꓼ ꓖꓶ ꓗꓷꓳ꓿
1980 ꓘꓳꓼ ꓗꓪ ꓐꓰ ꓪꓴ. ꓔꓴ ꓢꓲ ꓕꓲ ꓘꓳꓼ ꓡꓰ ꓕꓲ ꓘꓳꓼ 8 ꓦ ꓡꓳ, ꓬꓰˍ ꓕꓯ ꓖꓴ ꓪꓴ. ꓲ‐ꓔ‐ꓡꓲ ꓬꓲꓻ ꓡꓴ ꓐꓱ ꓘꓶꓽ ꓡꓳ ꓒꓱ ꓥ ꓟ ꓣꓲ‐ꓟꓲ‐ꓠꓲ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓕꓱ ꓟ ꓔꓯ ꓬꓰ ꓔꓬ ꓟ ꓥ ꓡꓳ꓿ ꓮ ꓟꓶ ꓕꓲ ꓘꓳꓼ ꓖꓪ ꓙꓱ ꓜꓲꓼ ꓓꓴ ꓬꓲ ꓕꓲꓽ ꓟꓴꓽ ꓠꓬ “ꓬꓲ ꓖꓳꓽ ꓓ,ˍ ꓟ ꓗꓪ ꓞꓽ-ꓛꓬ(brick) ꓬꓲ ꓫꓵꓼ ꓡꓰ ꓣꓳ ꓝꓮꓲ ꓫꓬ, ꓜꓶˍ ꓥꓳ꓾” ꓐꓰ ꓐꓯˍ ꓟ ꓥ ꓡꓳ꓿
ꓣꓲ‐ꓟꓲ‐ꓠꓲ ꓖꓪ ꓙꓱ ꓜꓲꓼ ꓓꓴ ꓠꓬ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓬꓰ ꓔꓬ ꓟ ꓑꓮꓲꓽ ꓕꓲ ꓟ ꓥ ꓢꓲ Communion and Liberation Movement ꓜꓴ ꓡꓰ ꓧꓳꓽ ꓣꓱꓽ ꓢꓲ ꓠꓬꓲ꓾ ꓫꓵꓽ ꓪꓴ ꓮ ꓟꓬ, ꓫꓵꓽ ꓔꓯ ꓖꓪ ꓙꓱ ꓡꓯ ꓘꓳ ꓠ, ꓟ ꓞꓳ ꓪꓴꓽ ꓞꓳ ꓔꓲ ꓐꓴ ꓐꓰ ꓜꓲꓺ ꓡꓯ ꓘꓳˍ ꓟ ꓡ ꓞꓳ ꓮ ꓟꓬ, ꓔꓯ ꓚꓵ, ꓣꓴˍ ꓟ ꓕꓲꓽ ꓟ ꓥ ꓡꓳ꓿ ꓖꓪ ꓙꓱ ꓜꓲꓼ ꓓꓴ ꓕꓱ ꓟ ꓠꓬ ꓚꓲ. ꓛꓬ ꓐꓱ ꓶ꓾ ꓕꓲ ꓦꓲꓻ ꓢꓴ ꓐꓰ ꓤ ꓠꓱ ꓤ ꓐꓴ ꓐꓱ ꓶ ꓥˍ ꓟꓲ ꓗ, ꓛꓲꓽ ꓓꓴ ꓮ ꓟꓬ, ꓬꓰ ꓖꓶˍ ꓟ ꓑꓮꓲꓽ ꓥ ꓡꓳ꓿
ꓔꓲꓺ ꓒ ꓪ ꓔꓲ. ꓬꓲ ꓡꓰ ꓖꓶ ꓩꓴ ꓔˍ ꓟ ꓕꓳꓽ ꓶ ꓗꓪ ꓠꓬ
ꓥꓳ ꓡꓳ. ꓓꓴ ꓠꓬ ꓣꓳ ꓐꓴ ꓔꓯ ꓠꓲ, ꓘꓪꓽ ꓟꓽ ꓫꓵ ꓟꓽ ꓗꓷ ꓡꓰ ꓝꓲ ꓟ꓾
ꓞꓳ ꓤ ꓐꓴ ꓡꓰ ꓡꓳ ꓩꓴ ꓔˍ ꓟ꓾ ꓞꓳ ꓙꓳ ꓢꓯ. ꓔꓬ ꓓꓴ ꓐꓱ ꓶ ꓒꓬꓱꓼ ꓡ ꓟꓽ ꓓꓻ ꓐꓰ ꓞꓳ ꓤ ꓐꓴ ꓡꓰ ꓓꓵꓽ ꓙꓽ ꓔˍ ꓟ ꓡꓲꓺ ꓛꓲ ꓟꓵꓽ ꓛꓱ ꓗꓪ ꓥˍ ꓟꓲ ꓪꓴ‐ꓢ ꓬꓲ ꓣꓱꓽ ꓬꓰˍ ꓟ ꓚꓱ, ꓐꓴ ꓔꓯ ꓢꓲꓽ ꓫꓬ ꓕꓳꓽ ꓶ ꓗꓪ ꓟꓽ ꓠꓽ ꓠꓽ ꓖꓴ ꓟ. ꓖꓶ ꓡ ꓔꓬ ꓟ꓾
ꓛꓲ ꓠꓲ, ꓕꓲ ꓘꓳꓼ ꓖꓪ ꓙꓱ ꓜꓲꓼ ꓓꓴ ꓔꓯ ꓙꓽ ꓖꓶ ꓙ ꓢꓴ ꓐꓴ ꓠꓬ ꓬꓲ ꓪ ꓬꓲ ꓙꓵ, ꓖꓶ ꓢꓲ ꓠꓬꓲ ꓢꓯꓼ ꓕꓵꓼ ꓢꓲ ꓙꓽ ꓖꓶ ꓔˍ ꓟ ꓑꓶ. ꓓꓴ ꓬꓲ ꓪ ꓐꓴ ꓠꓬ ꓮꓡꓖꓰꓣꓲꓮ ꓓꓻ ꓒ ꓐꓴ ꓥ ꓡꓳ꓾ ꓐꓰ ꓓꓳ ꓟꓴ, ꓔ ꓟ꓾
ꓕꓲ ꓠꓲ, ꓕꓲ ꓪ ꓬꓰ ꓠ, ꓟ꓾ ꓜꓲꓽ ꓜꓲꓽ ꓑꓰ, ꓑꓰ, ꓟꓽ ꓬꓰ ꓟ ꓢꓷ. ꓠꓲ, ꓖꓶ ꓚꓱ,꓾ ꓚꓲ. ꓛꓬ ꓟꓵꓽ ꓠꓯꓸꓼ ꓗꓪ ꓫꓵꓽ ꓪꓴ ꓓꓳ ꓡˍ ꓕꓯ ꓫꓬ, ꓔꓱ, ꓖꓶˍ ꓟ ꓣꓱꓽ ꓬꓰ ꓚꓱ, ꓐꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐꓰ ꓜꓲ ꓡꓯ ꓘꓳ ꓢꓲ ꓫ. ꓕꓱ ꓖꓶ ꓠ, ꓟ ꓲ‐ꓔ‐ꓡꓲ ꓔꓲꓺ ꓒ ꓓꓽ ꓐꓴ ꓔꓯ ꓓꓰꓽ ꓔˍ ꓟ꓾
ꓢꓲ ꓡꓲ ꓟ ꓠꓬ ꓣꓳ ꓕꓲ ꓠꓬꓲ ꓕꓲ ꓠꓬꓲ ꓣꓱꓽ ꓬꓰˍ ꓟ ꓗꓪ ꓐꓰ ꓫꓬ, ꓜꓶ ꓔˍ ꓟ ꓔꓱ, ꓜꓳꓽˍ ꓟ ꓚꓱ, ꓕꓲ ꓟ ꓥ ꓟ꓾
ꓙꓵꓻ ꓠꓲ,꓾ ꓥꓳ ꓡꓳ.ˍ ꓟ ꓐꓰ ꓠꓵꓻ ꓠꓲ, ꓐꓴ ꓔꓯ ꓠꓯ.ˍ ꓟ ꓡꓲꓽ ꓒꓰꓼ ꓚꓱ, ꓗꓪ ꓒꓳ, ꓡꓶ. ꓗꓷ ꓠ, ꓟ꓾
ꓖꓪ ꓙꓱ ꓜꓲꓼ ꓓꓴ ꓗꓪ ꓖꓪ ꓙꓱˍ ꓟ ꓣꓱꓽ ꓬꓰˍ ꓟ ꓮ ꓙꓵꓽ ꓠꓬ ꓮ ꓟꓬ, ꓙꓲꓻ ꓖꓴ ꓐꓱ ꓶ ꓐꓰ ꓢꓲ ꓡꓲ ꓟ ꓐꓱ ꓶ ꓥ ꓠꓯ, ꓟ꓾
ꓪꓴꓽ ꓡ ꓟꓴ ꓡ ꓔꓬ ꓟ ꓓꓲꓖꓲꓔꓮꓡ ꓦꓬꓼ ꓠꓬꓲ ꓗꓪ ꓤ ꓟꓳ ꓔ ꓠꓯ, ꓟ ꓐꓰ ꓙꓳꓺ ꓠꓯ, ꓟ ꓫꓵꓽ ꓪꓴ ꓒꓬꓱꓼ ꓡ ꓗꓴ.ˍ ꓟ꓾
ꓕꓱ ꓡꓱ ꓫꓵꓽ ꓚꓱ, ꓐꓴ ꓔꓯ ꓐꓯ ꓟ. ꓖꓶ ꓔ ꓟ ꓥ ꓡꓳ꓿
ꓕꓳꓽ ꓶ ꓡꓳ, ꓬꓰˍ ꓟ ꓗꓪ ꓔꓲꓺ ꓒ ꓪ ꓔꓲ. ꓠꓬ ꓖꓪ ꓙꓱ ꓜꓲꓼ ꓓꓴ ꓗꓪ ꓛꓲ ꓡ ꓢꓴ ꓐꓴ ꓔꓯ ꓶꓼ ꓥꓳꓽ ꓙꓱꓽ ꓖꓶ ꓗꓷ ꓢꓲ ꓠꓬꓲ꓾ ꓠꓯꓼ ꓠꓯꓼ ꓗꓴ ꓟ ꓤꓲꓻ ꓥ ꓟ ꓟ, ꓟ ꓟ‐ꓡꓲ ꓔꓬ ꓗꓪˍ ꓟ ꓪꓽ ꓘꓴ ꓔ ꓢꓲ꓾ ꓕꓳꓽ ꓶ ꓔꓯ ꓬꓲ ꓟꓶꓽ ꓢꓰꓼ ꓗꓷꓳ꓿
News: Vatican News
