ꓙꓲ_ ꓟ ꓕꓲ ꓒꓳꓹ ꓗꓪ ꓢꓯꓼ ꓕꓵꓼ ꓠꓹ ꓟ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ ꓟ꓾
ꓕꓲ ꓠꓽ ꓡꓲ ꓕꓲ ꓠꓽ ꓠꓽ ꓦꓬꓼ ꓠꓬꓲ ꓘꓴ ꓜꓲꓼ ꓞꓳ ꓐꓴ ꓐꓰ ꓜꓲ ꓡꓯ ꓘꓳ_ ꓟ ꓙꓵꓹ ꓮꓠꓖꓰꓡꓴꓢ ꓪꓽ ꓘꓴ ꓙꓵꓹ ꓗꓪ ꓔꓲꓺ ꓒ ꓪ ꓔꓲ ꓡꓰ ꓟꓽ ꓔꓱꓹ ꓟ ꓗꓶꓸ ꓔ ꓟ ꓐꓰ ꓐꓲ ꓞꓹ ꓔꓬ ꓟ ꓕꓱ ꓟꓲ ꓠꓯ ꓗꓪ ꓠꓬ ꓔꓱ ꓔꓱꓹ ꓐꓰ ꓔꓬ ꓟ꓾ ꓫ ꓕꓱ ꓟ꓾ ꓟꓬꓱꓽ ꓬꓰ_ ꓟ ꓠꓬ ꓟꓬ ꓠꓬꓲ ꓒꓵꓽ_ ꓡꓳ= ꓠꓲꓹ ꓟ ꓟꓽ ꓦꓶ ꓠꓹ ꓟ꓾ ꓙꓲ ꓫꓬ ꓢꓴ ꓡꓰ ꓐꓰ ꓟꓽ ꓫꓱꓹ ꓟ꓾ ꓮ ꓡꓰ ꓘꓶ ꓡꓶꓽ ꓓꓴ ꓔꓳꓹ ꓜꓳ ꓡ ꓥ ꓟꓲ ꓔꓱꓹ ꓟ ꓗꓪ ꓐꓰ ꓡꓰ ꓔꓬ ꓢꓲ ꓠꓵꓻ ꓠꓲꓹ ꓔꓯ ꓣꓱ ꓢꓲ ꓙ ꓫꓱꓽ ꓠꓹ ꓟ ꓐꓱ ꓶ ꓢꓲ ꓒ ꓬꓰ-ꓢꓴ ꓡꓰ ꓘꓴ ꓔ ꓟ ꓥ ꓡꓳ=
ꓪꓽ ꓘꓴ ꓜꓲꓼ ꓡ ꓢꓴ 2500 ꓣꓳ ꓟꓽ ꓞꓲ ꓜꓲꓼ ꓡ ꓟ ꓟꓲ-ꓢ ꓪꓽ ꓘꓴ ꓢꓲ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐꓰ ꓜꓲ ꓡꓯ ꓘꓳ ꓟ ꓙꓵꓹ ꓗꓪ ꓢꓲ ꓒ ꓬꓰ-ꓢꓴ ꓬꓲ ꓟꓲꓢꓢꓲꓳꓠ ꓐꓯ_ ꓟ ꓬꓲ ꓬꓰ_ ꓟ ꓟꓬꓱꓽ ꓠꓬ ꓢꓲ ꓪꓰ ꓚꓱꓹ ꓡꓰ ꓐꓰ ꓟꓽ ꓥ꓾ ꓟꓲ ꓠꓯ ꓔꓯ ꓔ ꓔꓳꓹ ꓢꓲ ꓠꓬꓲ ꓛꓳ ꓫꓱꓽ ꓠ ꓔ ꓟ ꓑꓶ ꓓꓴ ꓢꓲ ꓒ ꓬꓰ-ꓢꓴ ꓬꓲ ꓠꓯꓼ ꓗꓪ ꓛꓳ ꓫꓱ ꓢꓴ ꓠꓬ ꓫ ꓙꓵ ꓟꓷꓼ ꓙꓵ ꓓꓴ ꓔꓳꓹ ꓜꓳ ꓡ ꓟ ꓥꓳ=
ꓖꓳ ꓟ ꓡꓰ ꓐꓰ ꓢꓲ ꓒ ꓬꓰ-ꓢꓴ ꓬꓲ ꓧꓪ ꓖꓳ ꓓꓱ ꓢꓯꓼ ꓟꓬ ꓖꓶ ꓗꓷ_ ꓟ꓾ ꓪꓴ-ꓢ ꓐꓯ ꓘꓶꓽ ꓥ ꓟ ꓔꓱꓹ ꓜꓳ ꓟ ꓠꓵꓻ ꓠꓲꓹ ꓪꓴ-ꓢ ꓓꓳꓽ ꓔꓯ ꓧꓳꓽ ꓔꓯꓹ ꓖꓶ ꓡ ꓢꓴ ꓔꓯ ꓣꓴ ꓢꓲ ꓫ ꓙꓵ ꓟ꓾ ꓓꓶ_ ꓟ꓾ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓕꓯꓼ ꓔꓶꓸ ꓗꓷ ꓟ ꓡꓰ ꓙꓳ_ ꓡꓳ=ꓕꓱ ꓢꓲ ꓒ ꓬꓰ-ꓢꓴ ꓡꓰ ꓖꓶ ꓡ ꓟ꓾ ꓠꓵꓻ ꓠꓲꓹ꓾ ꓔꓱꓹ ꓟ꓾ ꓕꓱ ꓟ ꓗꓪ ꓐꓰ ꓙ ꓫꓱꓽ ꓢꓴ ꓥ ꓟ ꓬꓲ ꓪꓴꓸ ꓟ ꓙꓲ ꓢꓴ ꓢꓲ ꓤ ꓐꓴ ꓥ ꓟꓲ ꓢꓲ ꓒ ꓬꓰ-ꓢꓴ ꓡꓰ ꓐꓰ ꓫ ꓙꓵ ꓟꓷꓼ ꓙꓵ ꓟ ꓔꓳꓹ ꓜꓳ ꓡꓰ ꓟ ꓥꓳ=
ꓮ ꓟꓶ ꓞꓶꓻ ꓕꓲ ꓒꓳꓹ ꓗꓪ ꓐꓰ ꓔ ꓔꓳꓹ ꓓꓴ ꓬꓰ ꓡꓯ= ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ ꓣꓳ ꓔꓯ ꓫ ꓙꓵ ꓟꓷꓼ ꓙꓵ ꓓꓴ ꓮ ꓟꓬ ꓛꓲ ꓔꓳꓹ ꓜꓳ ꓠꓹ ꓟ ꓬꓰ ꓔꓬ ꓥ ꓟꓲ ꓙꓲ_ ꓟ ꓚꓱꓹ ꓬꓰ ꓔꓬ ꓟ ꓔꓯ ꓕꓽ ꓠꓽ ꓡꓰ ꓢꓯꓼ ꓕꓵꓼ ꓠꓹ ꓟ ꓥ ꓡꓳ= ꓕꓱ ꓟ ꓑꓶ ꓓꓴ ꓢꓲ ꓒ ꓬꓰ-ꓢꓴ ꓡꓰ ꓘꓴ ꓔ ꓟ ꓥ ꓡꓳ=ꓠꓲꓹ ꓟ ꓟꓽ ꓦꓶ ꓠꓹ ꓟ꓾ ꓮ ꓡꓰ ꓫꓵ ꓫ ꓓꓴ ꓔꓳꓹ ꓜꓳ ꓡ ꓥ ꓟꓲ ꓔꓱꓹ ꓟ ꓗꓪ ꓐꓰ ꓠꓵꓻ ꓠꓲꓹ ꓔꓯ ꓔꓬ ꓓꓴ ꓬꓰ ꓡꓯ= ꓕꓱ ꓔꓱꓹ ꓟ ꓔꓯ ꓕꓷꓹ ꓞꓹ ꓟ ꓠꓬ ꓙꓲ ꓫꓬ ꓢꓴ ꓐꓴ ꓙꓵꓻ ꓠꓲꓹ ꓐꓱ ꓶ ꓢꓯꓼ ꓟꓬ ꓖꓶ ꓗꓷ ꓢꓲ ꓢꓷꓸ ꓙ ꓟꓳ ꓙ ꓗꓷ ꓟ ꓥ ꓡꓳ= ꓣꓳ ꓥ ꓟꓲ ꓬꓲ ꓪ ꓠꓯꓼ ꓗꓪ ꓐꓰ ꓔꓯ ꓢꓳꓺ ꓣꓴ ꓠꓹ ꓟ ꓥ ꓡꓳ=
ꓔꓯ ꓥꓳꓽ ꓐꓯ ꓠꓬ꓾ ꓤ ꓠꓱ ꓤ ꓐꓴ ꓔꓯ ꓙꓲ_ ꓟ ꓚꓱꓹ ꓗꓪ ꓐꓰ ꓙꓲ_ ꓟ ꓢꓷꓸ ꓠꓲꓹ ꓔꓯ ꓪ ꓝꓲ ꓠꓲꓹ ꓫꓵ ꓠꓬ ꓐꓹ ꓐ ꓟꓹ ꓟ ꓐꓴ ꓗꓪ ꓐꓰ ꓥ ꓟꓲ ꓖꓳ ꓟ ꓡꓰ ꓐꓰ ꓫꓱꓹ ꓟ ꓕꓲ ꓫꓵ ꓔꓯ ꓖꓶ ꓠ ꓔ ꓟ ꓥꓳ= ꓕꓱ ꓟ ꓔꓯ ꓤ ꓠꓱ ꓐꓴ ꓠꓬ ꓫ ꓓꓴ ꓟꓷꓼ ꓓꓴ ꓐꓰ ꓟꓳ ꓢꓲ ꓠꓬꓲ ꓟꓽ ꓘꓳꓹ ꓣꓴ ꓠꓬ ꓐꓹ ꓐ ꓟꓹ ꓟ ꓗꓪ ꓐꓰ ꓤ ꓠꓱ ꓤ ꓔꓯ ꓟꓸ ꓖꓶ ꓐꓱ ꓖꓶ ꓠ ꓔ ꓡꓳ=
ꓪꓴ-ꓢ ꓔꓯ ꓠꓲꓹ ꓪꓴ ꓪꓴ ꓡꓰ ꓢꓷꓸ ꓙ ꓟꓳ ꓙ ꓓꓴ ꓬꓰ ꓡꓯ꓾ ꓪꓴ-ꓢ ꓔꓯ ꓙꓵꓻ ꓓꓴ ꓬꓰ ꓡꓯ꓾ ꓐꓰ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ ꓗꓷ ꓟ ꓥꓳ=
