ꓘꓳ‐ꓡ‐ꓑꓶ ꓗꓪ ꓜ ꓒꓴ ꓒꓵꓽ (5) ꓫꓬꓹ ꓗꓪ ꓛꓲ ꓓꓯ ꓔꓬ ꓟ꓾
ꓗ-ꓛꓲ ꓗꓴꓷꓼ ꓫꓴꓻ ꓑꓴ-ꓔ-ꓳ ꓡꓳ ꓒꓱ ꓓꓽ ꓘꓳ‐ꓡ‐ꓑꓶ ꓡꓳ ꓒꓱ ꓕꓲ ꓛꓱ ꓗꓪ ꓶ ꓛꓰꓹ ꓟꓳ-ꓓꓳ ꓙꓰ ꓟꓽ ꓙꓰ ꓢꓰ ꓟ ꓑꓶ ꓓꓴ ꓜ ꓒꓴ ꓕꓲ ꓟꓳ-ꓠꓳ (5) ꓫꓬꓹ ꓗꓪ ꓛꓲ ꓓꓯ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ=
ꓡꓳꓹ ꓬꓰ ꓟ 6 ꓦ ꓗꓪ ꓐꓰ ꓑꓴ-ꓔ-ꓳ꓾ ꓘꓳ‐ꓡ‐ꓑꓶ ꓗꓪ ꓟꓳ-ꓓꓳ ꓙꓻ ꓖꓴ ꓠꓬ ꓟꓶꓽ ꓦ ꓓꓽ ꓦ ꓟ ꓑꓶ ꓓꓴ ꓙꓻ ꓖꓴ ꓐꓬ ꓡꓰ ꓓꓴ ꓙꓳ ꓡꓰ ꓟ ꓗꓪ ꓐꓰ ꓮ ꓟꓶ ꓗꓪ ꓛꓲ ꓝꓮꓲ ꓫꓬꓹ ꓓꓴ ꓟꓽ ꓙꓳ ꓢꓰ ꓟ ꓑꓶ ꓓꓴ ꓶꓻ ꓛꓰꓹ ꓟꓳ-ꓓꓳ ꓙꓰ ꓟꓽ ꓙꓲ ꓗꓷ ꓡꓰ ꓔꓬ ꓡꓳ ꓐꓰ ꓐꓯ ꓔ ꓡꓳ=
“ꓜ ꓒꓴ ꓠꓬ ꓓꓵ ꓡꓰ ꓔꓬ ꓥ ꓟꓲ ꓟꓳ-ꓓꓳ ꓡꓰ ꓟꓽ ꓥ꓾ ꓣꓲ-ꓓꓮꓟ ꓗꓪ ꓐꓰ ꓟꓳ-ꓓꓳ ꓚꓬꓚꓡꓰ ꓡꓰ ꓕꓲ ꓝꓸ ꓛꓰꓹ ꓟ ꓑꓶ ꓓꓴ ꓠꓬꓲꓽ ꓝꓸ ꓢ ꓝꓸ ꓗꓷ ꓡꓰ ꓟ ꓑꓶ ꓓꓴ ꓬꓲꓸ ꓒꓵꓽ ꓠꓯꓸ ꓡꓰ ꓟ ꓥ ꓡꓳ꓾” ꓐꓰ ꓢꓷꓸ ꓪ ꓡꓳ=
ꓟꓳ-ꓓꓳ ꓙꓻ ꓖꓴ ꓟꓽ ꓐꓬ ꓡꓰ ꓟ ꓙꓵꓹ ꓗꓪ ꓠꓬ ꓜ ꓒꓵ ꓕꓲ ꓟꓳ-ꓠꓳ (3) ꓫꓬꓹ ꓛꓲ ꓡꓰ ꓙꓳ ꓢꓲ꓾ ꓙ ꓖꓴ ꓐꓬ ꓡꓰ ꓟ ꓗꓪ ꓐꓰ ꓬꓲ ꓒꓵꓽ ꓓꓯ ꓡꓰ ꓟ ꓥ ꓡꓳ=
ꓕꓱ ꓡꓱ ꓶ ꓛꓰꓹ ꓟꓳ-ꓓꓳ ꓙꓰ ꓟꓽ ꓙꓲ ꓟꓶ ꓫꓵ ꓟ ꓑꓶ ꓓꓴ ꓜ ꓒꓴ ꓒꓵꓽ ꓮ ꓟꓬꓹ ꓓꓯ ꓔꓬ ꓟ ꓡꓰ ꓐꓰ ꓠꓱꓸ ꓐꓯꓼ ꓜ ꓫꓵ ꓓꓳ ꓫꓵ ꓥ ꓟ ꓧꓪ ꓞꓶ꓾ ꓞ ꓐꓳ꓾ ꓕꓱ ꓡꓱ ꓫꓵ ꓥ ꓟꓲ ꓬꓲ ꓒꓵꓽ ꓓꓯ ꓔꓬ ꓟ ꓥꓳ꓾ ꓖꓳ ꓟ ꓡꓰ ꓐꓰ ꓕꓲ ꓐꓱ ꓜ ꓫꓵ ꓓꓳ ꓫꓵ ꓥ ꓟꓲ ꓓꓵ ꓡ ꓓꓴ ꓟꓽ ꓙꓳ ꓗꓷ ꓡꓰ ꓔꓬ ꓟ ꓥꓳ ꓐꓰ ꓢꓷꓸ ꓪ ꓡꓳ=
