ꓔꓶꓸꓹ ꓙꓱꓼ ꓟꓽ ꓟꓶ ꓡꓰ ꓠ, ꓟ ꓞꓳ ꓡꓱ ꓐꓴ ꓮ ꓡꓰ ꓬꓰ ꓠꓯ.ꓼ ꓟ ꓚꓱ,

ꓤꓶ., ꓐꓯˍꓟ ꓠꓬ ꓡꓳ. ꓐꓲˍ ꓡꓳ꓾ ꓫ. ꓔꓽ ꓡꓳ꓾ ꓕꓲ ꓖ ꓕꓲ ꓪꓽ ꓓꓵ  ꓟꓶꓽ ꓓꓴ ꓙꓳ ꓡꓳ꓾ ꓟꓬ ꓠꓬꓲ ꓐꓭ ꓠꓬꓲ ꓣꓳ ꓞꓳ ꓡꓱ ꓐꓴ ꓠꓯ, ꓗꓪ ꓟꓬ ꓠꓬꓲ ꓔꓳꓽ ꓜꓳꓼ ꓔꓬ ꓟ ꓔꓯ ꓣꓳ ꓡꓳ. ꓟꓳ ꓡꓳ꓿ ꓮ ꓟꓶ ꓟ ꓤꓶ., ꓗꓪ ꓠꓬ ꓠꓴ꓾ ꓥꓪ꓾ ꓕꓯ ꓡꓯ ꓘꓳ, ꓟ ꓤꓶ., ꓥˍꓟ ꓑꓶ. ꓓꓴ ꓠꓬꓲ ꓥ ꓡꓳ꓿ ꓣꓳ ꓞꓲꓼ ꓪꓴ ꓡ ꓟ ꓡꓰ ꓐꓰ ꓬꓰ ꓠꓽ ꓗ, ꓟ ꓟꓬꓱꓽ ꓥˍꓟꓲ ꓮ ꓘꓶꓽ ꓟꓬ ꓡ ꓔꓬ ꓡꓳ꓿ꓖꓳ ꓡꓰ ꓐꓯ ꓥˍꓟꓲ ꓣꓳ ꓞꓳ ꓡꓱ ꓐꓴ ꓠꓯꓼ ꓗꓪ ꓢꓯꓼ ꓙꓳ ꓡꓳ꓾ ꓦ ꓡꓱ ꓓˍꓡꓳ꓿ ꓣꓳ ꓠꓲ., ꓟ ꓠꓯ.ꓼˍꓗꓪ ꓥꓪ ꓕꓱ ꓟꓬꓱꓽ ꓔꓯ ꓬꓰ ꓕꓯ ꓠꓬ ꓞꓳˍꓡꓰ ꓡ ꓥꓳ ꓐꓰ ꓓ ꓙ ꓟꓶ ꓪ ꓡꓰ ꓝꓲ꓿ ꓟꓲ ꓠꓯ ꓗꓪ ꓔꓬ ꓟ ꓞꓳ ꓤ ꓐꓴ ꓮ ꓙꓵꓽ ꓠꓬ ꓕꓲ ꓖ ꓕꓲ ꓧꓪꓽ ꓠꓬ ꓞꓳˍꓡꓰ ꓟ ꓔꓯ ꓔꓳꓽ ꓜꓳꓼ ꓔꓬ ꓡꓳ꓿

ꓣꓳ ꓞꓳ ꓡꓱ ꓐꓴ ꓔꓯ ꓐꓯ ꓠꓲ., ꓫꓵꓼˍꓟ ꓠꓬ ꓛꓲ ꓚꓬ ꓔꓯ ꓠꓲ., ꓠꓵ ꓪ ꓡꓰ ꓝꓲ꓾ ꓥꓳꓽ ꓡꓰˍꓟ ꓙꓳ ꓡ ꓕꓯ ꓠꓲ., ꓟ ꓫ. ꓓꓴ ꓙꓳ ꓡ ꓕꓯ ꓣꓳ ꓛꓲ ꓚꓬ ꓖ ꓖꓶ ꓪ ꓡꓰ ꓝꓲ꓿ ꓣꓳ ꓖꓳ ꓓꓱ ꓔꓯ ꓠꓲ., ꓠꓵ ꓠꓬ ꓢꓯꓼ ꓪ ꓪꓽ ꓡ ꓡꓳ꓿ ꓣꓳ ꓛꓲ ꓚꓬ ꓦꓲꓼ ꓓꓴ ꓑ ꓡ ꓡꓳ꓿

ꓠꓬꓲꓽ ꓠꓬꓲꓽ ꓫ. ꓓꓵ ꓙꓳ ꓥˍꓟꓲ ꓡ ꓠ, ꓟ ꓙꓵꓽ ꓗꓪ ꓙꓲˍꓟ ꓒꓬꓱꓽ ꓡ ꓥꓳ ꓐꓰ ꓓꓵ ꓙ ꓢꓲ꓾ ꓢꓯꓼ ꓕꓵꓼ ꓪ ꓡꓰ ꓝꓲ꓿ ꓔꓶꓽ ꓙꓰꓼ ꓚꓬ ꓦ ꓟ ꓗꓪ ꓛꓲ ꓠꓽ ꓟ ꓐꓱ ꓶ ꓕꓲ ꓠꓬꓲꓽ ꓡꓲ ꓕꓲ ꓠꓬꓲ ꓢꓯꓽ ꓕꓵꓼ ꓪ ꓡꓰ ꓝꓲ꓿

ꓞꓳ ꓡꓱ ꓐꓯˍꓟ ꓠꓬ ꓢꓲꓽ ꓪꓰ ꓕꓲ ꓪꓰꓽ ꓡꓰ ꓐꓰ ꓗ, ꓡꓳ꓿ ꓢꓲ ꓪꓰ ꓕꓱ ꓟ ꓠꓬ ꓟꓶꓽ ꓦ ꓜꓯꓼ ꓥˍꓟꓲ ꓟꓶꓽ ꓞꓼ ꓐ ꓥˍꓟꓲ ꓬꓲ ꓪꓰ ꓝꓲ. ꓔꓯ ꓠꓬ ꓪꓰ ꓔꓬ ꓟ ꓥ ꓡꓳ꓿ ꓖꓳ ꓟ ꓑꓶ. ꓓꓴ ꓞꓳ ꓡꓱ ꓐꓴ ꓢꓯꓽ ꓙꓳ ꓙꓳ ꓡꓰ ꓢꓯꓽ ꓕꓵꓼ ꓪ ꓡꓰ ꓝꓲ꓿ ꓣꓳ ꓞꓳ ꓡꓱ ꓐꓴ ꓠꓬ ꓕꓱ ꓟꓲ ꓠꓯ ꓔꓯ ꓡꓳ. ꓐꓲ ꓠꓽ ꓬꓰ ꓑ ꓡ ꓟ ꓥ ꓡꓳ꓾ ꓞꓳ ꓘ, ꓡꓳ ꓐꓲ ꓠꓽ ꓣꓳ ꓞꓳ ꓫꓵꓽ ꓪꓴ ꓟꓵ ꓡ ꓠꓽ ꓬꓰ ꓑ ꓡ ꓟ ꓢꓯꓽ ꓪ ꓙꓳˍꓡꓳ꓿ ꓣꓳ ꓞꓳ ꓡꓱ ꓐꓴ ꓙ ꓟꓳ ꓠꓽ ꓗ, ꓟ ꓠꓬ ꓧꓪꓽ ꓖꓳ ꓓꓱ ꓔꓬ ꓢ ꓠꓽ ꓟ ꓟꓬ ꓠꓬꓲ ꓣꓳ ꓚꓵ.. ꓡꓳ꓿ ꓮ ꓡꓰ ꓫꓵꓽ ꓟꓬꓱꓽ ꓬꓰ ꓥˍꓟꓲ ꓧꓪꓽ ꓖꓳ ꓓꓱ ꓔꓬ ꓢ ꓕꓯ ꓢꓲꓽ ꓬꓰ ꓑ ꓡ ꓟ ꓑꓶ. ꓓꓴ ꓥ ꓡꓳ꓿