8 ꓦ ꓟ 17 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓦꓮꓔꓲꓚꓮꓠ ꓗꓴꓷꓼ ꓗꓪ ꓟ ꓞꓳ ꓫ. ꓐꓴ ꓐꓰ ꓟꓳꓼ
ꓡꓳ ꓜ ꓕꓲ ꓪ ꓜꓽ ꓗꓷ ꓐꓰ ꓢꓷ. ꓪ ꓡꓳ꓿ ꓕꓱ ꓟꓳꓼ ꓡꓳ ꓜ ꓜꓽ ꓗꓷ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓗꓷ ꓟ ꓠꓬ ꓡ ꓞꓳ ꓐꓴ ꓮ ꓙꓵꓽ ꓠꓬ ꓪꓴ‐ꓢ ꓬꓲ ꓐꓬꓱ ꓗꓪ ꓐꓰ ꓚꓰꓼ ꓔ ꓟ ꓥ ꓟ ꓪꓴ. ꓠꓬꓲ ꓮ ꓘꓶ. ꓞꓳ ꓒꓵꓽ ꓟ ꓥ ꓢꓲ ꓠꓬꓲ ꓡ ꓞꓳ ꓮ ꓙꓵꓽ ꓗꓪ ꓟꓲ ꓠꓯ ꓠꓬꓲ ꓟꓳ ꓓꓴ ꓔꓯ ꓡꓳ. ꓟꓳ ꓓ ꓡꓳ ꓐꓰ ꓫ. ꓕꓱ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓐꓰ ꓫ. ꓢꓴ ꓟꓷꓼ ꓢꓴ ꓐꓴ ꓐꓰ ꓟꓳꓼ ꓡꓳ ꓜ ꓟꓽ ꓜ ꓢꓲ ꓕꓯ ꓟꓲ‐ꓢ ꓔꓲ ꓖꓶ ꓟ ꓥ ꓡꓳ꓿ ꓟꓲ‐ꓢ ꓔꓲ ꓖꓶ ꓟ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓚꓵ ꓚꓵ ꓠꓬ ꓢꓯ. ꓔꓬ ꓟ ꓢꓲꓺ ꓒ ꓥ ꓟ ꓢꓷ. ꓡꓰ ꓓꓴ ꓥ ꓡꓳ꓿ ꓝꓮꓲ ꓟꓳꓼ ꓡꓳ ꓜ ꓟꓽ ꓜ ꓢꓲ ꓕꓯ ꓶꓼ ꓥꓳꓽ ꓙꓱ ꓖꓶ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓓꓽ ꓚꓮꓣꓓꓲꓠꓮ ꓐꓴ ꓗꓪ ꓐꓰ ꓥ ꓟꓲ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓪꓴ‐ꓢ ꓡꓰ ꓟꓽ ꓡꓳ ꓔ ꓟ ꓐꓰ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓠ, ꓟ ꓔꓯ ꓫ. ꓕꓱ ꓗꓷ ꓟ ꓥ ꓡꓳ꓿
ꓝꓮꓲ ꓔꓲꓺ ꓒ ꓓꓽ ꓦꓲꓦꓮ ꓗꓪ ꓐꓰ ꓫ. ꓕꓱ ꓗꓷ ꓟ ꓠꓬ ꓢꓲꓽ ꓫꓬ ꓕꓳ ꓶ ꓗꓪ ꓡꓳ. ꓐꓲ ꓟ ꓔꓯ ꓡꓯꓼ ꓐꓳ ꓔꓶ. ꓓꓴ ꓗꓪ ꓡꓳ. ꓟꓳ ꓓ ꓟ ꓚꓱ, ꓔꓯ ꓢꓯꓼ ꓖꓶ ꓗꓷꓳ꓿ ꓝꓮꓲ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓮꓽ ꓟ ꓔꓯ ꓥ ꓟꓲ ꓞꓳ ꓫꓵꓽ ꓟꓽ ꓘꓶꓽ꓾ ꓘꓴ ꓜꓲꓼ ꓞꓳ ꓟꓽ ꓘꓶꓽ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓐ ꓡ ꓟ ꓕꓲ ꓒꓳ, ꓗꓪ ꓐꓰ ꓬꓰ ꓙ ꓔꓳ, ꓙ ꓔꓬ ꓟ ꓔꓯ ꓫ. ꓕꓱ ꓗꓷꓳ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
