ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓬꓯ ꓑꓲ. ꓬꓯ ꓠꓽ ꓠꓲ, ꓫꓵ ꓢꓴ ꓐꓴ ꓔꓯ ꓤꓶꓻ ꓫꓵꓼ ꓫꓬ, ꓑꓱ ꓔꓶ. ꓗꓪ ꓐꓰ ꓘꓳ, ꓣꓴ ꓔꓬ ꓟ ꓓꓳꓽ
8 ꓦ ꓟ 18 ꓠꓬꓲ 2025 ꓠꓽ ꓕꓲ ꓠꓬꓲ ꓕꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓗꓪ ꓐꓰ ꓒꓴ ꓔ ꓟ ꓬꓯ ꓑꓲ. ꓬꓯ ꓜꓽ ꓢꓴ ꓓꓳ ꓢꓴ ꓐꓴ ꓠꓽ ꓠꓲ, ꓫꓵˍ ꓢꓴ ꓮ ꓟꓽ ꓥ ꓟꓲ ꓤꓶꓻ ꓫꓵꓼ ꓫꓬ, ꓑꓱ ꓔꓶ. ꓗꓪ ꓐꓰ ꓘꓳ, ꓣꓴ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓮ ꓟꓶ ꓒꓴ ꓠ, ꓟ ꓠꓬ (28) ꓧꓪ, ꓟ ꓥ ꓢꓲ ꓠꓬꓲ (11.9.2025) ꓗꓪ ꓐꓰ (19.12.2025) ꓗꓪ ꓛꓲ ꓦ ꓐ (3) ꓟ ꓖꓶ ꓠ, ꓟ ꓙꓳ ꓟ ꓥ ꓡꓳ꓿
ꓬꓯ ꓑꓲ. ꓬꓯ ꓠꓽ ꓠꓲ, ꓫꓵ ꓢꓴ ꓤ ꓑ ꓤ ꓐꓴ ꓔꓯ ꓟꓬꓱꓺ ꓘꓳ, ꓣꓴ ꓟ ꓦꓬꓼ ꓠꓬꓲ ꓠꓬ 9 ꓦ ꓟ 11 ꓠꓬꓲ ꓗꓪ ꓐꓰ 12 ꓠꓬꓲ ꓗꓪ ꓛꓲ ꓥ ꓢꓲ ꓠꓬꓲ ꓤ ꓟꓶ ꓤ ꓐꓴ ꓔꓯ ꓠꓬ 9 ꓦ ꓟ 13 ꓠꓬꓲ ꓗꓪ ꓛꓲ ꓥ ꓡꓳ꓿ ꓢꓳꓻ ꓠꓲ, ꓫꓵ ꓢꓴ ꓙꓳ ꓠꓬ ꓓꓽ ꓪꓴ ꓢꓳꓻ ꓜꓲꓼ ꓓꓴ ꓗꓪ ꓓꓵ ꓡꓰ ꓕꓯ ꓒꓴ ꓗꓷ ꓠ, ꓟ ꓠꓬ (3) ꓫꓬ, (300000) ꓒꓯ, ꓥ ꓢꓲ ꓠꓬꓲ ꓦ ꓐ ꓠꓬꓲ ꓟ ꓐꓱ ꓶ ꓜ ꓓꓴ ꓓꓳ ꓓꓴ ꓒꓵꓽ (200000) ꓒꓯ, ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓝꓮꓲ ꓒꓴ ꓫꓵ ꓮ ꓘꓶ. ꓫ. ꓢꓴ ꓐꓴ ꓠꓬ ꓢꓳꓻ ꓦꓲꓻ ꓦꓲꓻ ꓗꓪ ꓧꓳꓽ ꓪꓴ. ꓟꓴ ꓢꓴ ꓐꓴ ꓔꓯ ꓙ ꓡꓯꓽ ꓘꓳ, ꓢꓲ ꓠꓬꓲ ꓮ ꓡꓰ ꓬꓰ ꓠ, ꓟ ꓜꓲꓼ ꓓ ꓡꓳ ꓐꓰ ꓐꓯ ꓔ ꓡꓳ ꓐꓰ (ꓤꓶꓻ ꓫꓵꓼ ꓫꓬ, ꓑꓱ ꓔꓶ.) ꓗꓪ ꓐꓰ ꓖꓴ ꓩꓴ ꓡ ꓟ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
ꓣꓳ ꓦꓲꓻ ꓑꓧ 09252547503
ꓟ. ꓟ ꓑꓧ 09791797793
ꓟ. ꓒꓽ ꓑꓧ 09898252364
