ꓪꓮꓲ‐ꓟꓮꓪ ꓡꓳ ꓒꓱ ꓘꓴꓽ ꓗꓪ ꓔꓬ ꓟ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓐꓴ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓮ ꓟꓬ, ꓔꓬ ꓟ ꓓꓳꓽ
8 ꓦ ꓟ 14 ꓠꓬꓲ 2025 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓪꓮꓲ‐ꓟꓮꓪ ꓡꓳ ꓒꓱ ꓘꓴꓽ ꓗꓪ ꓔꓬ ꓟ ꓟꓯꓼ ꓘꓰ, ꓟꓯꓼ ꓒꓬ ꓔꓬ ꓢꓴ ꓐꓴ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓮ ꓟꓬ, ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓕꓱ ꓡꓰ ꓠꓻ ꓔꓬ ꓟ ꓑ ꓫꓬ ꓐꓴ ꓘꓴꓽ ꓗꓪ ꓐꓰ ꓑ ꓫꓬ ꓮ ꓟꓬ, ꓠꓬ ꓦꓰꓼ ꓟ ꓧꓳꓻ ꓟ꓾ ꓛꓱ ꓧꓶ ꓛꓱ ꓟ꓾ ꓠꓱ. ꓐꓯꓼ ꓠꓻ ꓫꓵꓽ ꓮ ꓟꓬ, ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓢꓴ ꓮ ꓟꓬ, ꓔꓬ ꓟ ꓥ ꓡꓳ꓿
ꓮ ꓟꓶ ꓟ ꓙꓵ, ꓗꓪ ꓟꓯꓼ ꓘꓰ, ꓟꓯꓼ ꓒꓬ ꓢꓴ ꓐꓴ ꓓꓳ ꓓꓴ ꓬꓲꓻ ꓙꓬ ꓐꓰ ꓠꓻ ꓫꓬ, ꓖꓶ ꓠ, ꓟ ꓠꓯꓼ ꓞꓲꓼ ꓞꓼ ꓞꓼ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓮ ꓟꓶ ꓟ ꓙꓵ, ꓗꓪ ꓠꓻ ꓓꓴ ꓮ ꓟꓬ, ꓠꓻ ꓔꓬ ꓢꓴ ꓠꓬ ꓠꓯꓼ ꓞꓲꓼ ꓦꓲꓻ ꓓꓽ ꓗꓪ ꓠꓻ ꓫꓬ, ꓔꓬ ꓢꓴ ꓙꓳ ꓢꓲ ꓠꓬꓲ ꓒꓴ ꓫꓵ ꓟꓽ ꓙꓳ ꓢꓴ ꓐꓴ ꓠꓬ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓥ ꓟꓲ ꓠꓻ ꓫꓬ, ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ (ꓗꓠꓖ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
