ꓠ‐ꓖ ꓟꓵꓽ ꓗꓪ ꓠꓯꓻ ꓞꓲꓼ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓢꓴ ꓠꓻ ꓫꓬ, ꓠ, ꓟ ꓫ. ꓔꓬ ꓟ
8 ꓦ ꓟ 15 ꓠꓬꓲ 2025 ꓘꓳꓼ ꓕꓯ ꓠ‐ꓖ ꓟꓵꓽ ꓗꓪ ꓮ ꓟꓶ ꓟ ꓙꓵ, ꓗꓪ ꓠꓯꓻ ꓞꓲꓼ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓟ ꓑ ꓫꓬ ꓐꓴ ꓠꓻ ꓫꓬ, ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓢ‐ꓗꓮꓲ ꓟꓵꓽ ꓠ‐ꓖ ꓟꓵꓽ ꓗꓪ ꓙꓳˍ ꓟ ꓘ‐ꓓꓲ ꓟꓵꓽ ꓡꓯ‐ꓧꓯ ꓟꓵꓽ꓾ ꓡꓯ‐ꓫꓲ. ꓡꓳ ꓒꓱ ꓘꓴꓽ ꓗꓪ ꓙꓳ ꓟ ꓞꓳ ꓘ, ꓒꓽ ꓮ ꓟꓬ, ꓗꓪ ꓠꓯꓻ ꓞꓲꓼ ꓟꓽ ꓙꓳ ꓗꓷ ꓡꓰꓳ ꓐꓰ ꓐꓯ ꓔ ꓡꓳ꓿ ꓮ ꓫꓵꓽ ꓑꓶ. ꓓꓴ ꓠꓯꓻ ꓞꓲꓼ ꓟꓽ ꓙꓳ ꓗꓷ ꓡꓰ ꓥ ꓐꓯ ꓠꓬ ꓚꓧꓲꓠ‐ꓓꓪꓲ ꓬꓲꓻ ꓙꓬ ꓗꓪ ꓐꓰ ꓠꓯꓻ ꓞꓲꓼ ꓐꓰ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓮ ꓘꓶ. ꓚꓰ, ꓟꓽ ꓙꓲ ꓗꓷ ꓟ ꓑꓶ. ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓑ ꓫꓬ ꓕꓲ ꓣꓳ ꓡꓰ ꓕꓱ ꓡꓰ ꓗꓷ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓠꓻ ꓫꓬ, ꓠ, ꓟ ꓐꓰ ꓜ ꓓꓴ ꓓꓳ ꓓꓴ ꓮ ꓘꓶ. ꓫ. ꓡ ꓡꓳ ꓐꓰ (KNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
