ꓔꓲ.. ꓒ ꓪ ꓔꓲ ꓡꓰꓳ 14 ꓠꓬ ꓫ. ꓢꓴ ꓟꓷ; ꓢꓴ ꓐꓰ ꓕꓲ ꓪꓽ ꓟꓳꓼ ꓡꓳ ꓜ ꓜꓽ ꓓꓴ ꓬꓰ ꓟ꓾
ꓔꓲ.. ꓒ ꓪ ꓔꓲ ꓡꓰꓳ14 ꓠꓬ ꓡ ꓠ, ꓟ 2025 ꓘꓳꓼ 8 ꓦ ꓟ 17 ꓠꓬꓲ ꓢꓲꓽ ꓒ ꓦꓬꓼ ꓠꓬꓲ ꓕꓯ (Albano) ꓢ‐ꓢꓲ‐ꓠ ꓗꓪ ꓐꓰ ꓠꓬꓲ ꓙ ꓡꓳ. ꓙ ꓔꓬ ꓟ ꓫ. ꓢꓴ ꓟꓷ; ꓢꓴ ꓐꓰ ꓕꓲ ꓠꓲ, ꓕꓲ ꓪꓽ ꓟꓲ‐ꓢ ꓬꓰ ꓠꓽ ꓟ ꓐꓰ꓾ (Santa Maria della Rotonda) ꓟ, ꓟ ꓟꓮꓣꓲꓮ ꓔꓯ ꓥˍꓟꓲ ꓪꓽ ꓘꓴ ꓙꓰ ꓓꓴ ꓥˍꓢꓲ꓾ ꓔꓲ.. ꓒ ꓪ ꓔꓲ ꓟꓲ‐ꓢ ꓬꓰ ꓟ ꓗꓪ ꓢ‐ꓢꓲ‐ꓠ ꓗꓪ ꓟ ꓟꓬꓱꓽ ꓬꓰ ꓢꓴ ꓐꓴ ꓥˍꓟꓲ ꓑ ꓓꓴ ꓥ ꓢꓲ꓾ ꓕꓱ ꓟꓲ‐ꓢ ꓔꓯ ꓠꓬ ꓠꓯꓼ ꓠꓯꓼ (9ꓽ30) ꓕꓯ ꓬꓰ ꓓꓴ ꓥ ꓡꓳ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓯ ꓔꓽ ꓡꓳ꓿
ꓔꓲ.. ꓒ ꓪ ꓔꓲ ꓡꓰꓳ 14 ꓠꓬꓲ ꓡꓳ, ꓬꓰ ꓟ ꓕꓲ ꓙꓵꓽ ꓕꓯ ꓥˍꓟꓲ ꓕꓲ ꓧꓪꓽ ꓛꓲ ꓬꓰ ꓟ ꓡꓰ ꓐꓰ ꓮ ꓟꓶꓽ ꓝꓮꓲ ꓕꓲ ꓧꓪꓽ ꓡ ꓓꓴ ꓥꓳ ꓐꓯˍꓟ ꓓꓳꓽ ꓔꓯ ꓑ ꓫꓬ ꓐꓴ ꓑ ꓙ ꓗꓷ ꓟ ꓡꓰ ꓐꓰ ꓟꓽ ꓞꓲ ꓫ. ꓢꓴ ꓟꓷ; ꓢꓴ ꓐꓰ ꓕꓲ ꓠꓲ ꓕꓲ ꓪ ꓜ ꓜꓽ ꓓꓴ ꓬꓰˍꓟ ꓓꓳꓽ ꓔꓯ ꓑ ꓙ ꓗꓷ ꓠꓬ ꓮ ꓘꓶꓽ ꓠꓲ., ꓟ ꓢ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓔꓲ.. ꓒ ꓪ ꓔꓲ ꓡꓰꓳ 14 ꓠꓬ ꓫ. ꓢꓴ ꓟꓷ; ꓢꓴ ꓐꓰ ꓜꓲꓽ ꓡꓯꓼ ꓘꓳ, ꓟ ꓠꓬ ꓓꓽ ꓪꓴ ꓕꓲ ꓧꓪ ꓟ ꓥ ꓡꓳ ꓐꓰ (Vincenzo Viva) ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ꓿
