ꓔꓲꓺ ꓒ ꓪ ꓔꓲ ꓠꓬ ꓙꓴ-ꓐꓲ-ꓡꓲ ꓪꓽ ꓘꓴ ꓜꓲꓼ ꓡ ꓔꓬ ꓟ ꓐꓱ ꓓꓴꓽ ꓗꓪ ꓐꓱ ꓢꓴ ꓐꓴ ꓐꓰ ꓜꓲ ꓡꓯ ꓘꓳ_ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓡꓳꓹ ꓬꓰ ꓟ ꓠꓽ ꓡꓲꓸ ꓠꓬꓲ ꓕꓯ ꓲ-ꓔ-ꓡꓲ ꓗꓴꓷꓼ ꓦꓰꓠꓲꓚꓰ ꓡꓳ ꓒꓱ ꓢꓮꓠꓔꓰ ꓟꓮꓣꓲꓮ ꓟꓮꓖꓖꓲꓳꓣꓰ ꓐꓱ ꓓꓴꓽ ꓗꓪ ꓐꓱ ꓢꓴ (3) ꓣꓳ ꓔꓯ ꓜꓲ ꓡꓯ ꓘꓳ ꓟ ꓥꓳ= ꓕꓱ ꓐꓱ ꓓꓴ ꓢꓴ ꓠꓬ ꓠꓱꓸ ꓐꓯꓼ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓐꓰ ꓕꓲ ꓪ ꓡ ꓟ ꓥ ꓡꓳ=

ꓕꓱ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓠꓬ꓾ ꓔꓲꓺ ꓒ ꓓꓽ ꓟ ꓝꓣꓮꓠꓚꓰꓢꓚꓳ ꓟꓳꓣꓮꓖꓡꓲꓮ꓾ ꓐꓱ ꓓꓴꓽ ꓗꓪ ꓠꓬꓲꓸ ꓠꓸ ꓢꓴ ꓙꓵꓽ ꓪ ꓙꓳ ꓢꓴ ꓔꓲꓺ ꓒ ꓟꓮꓢꓢꓲꓟꓳ ꓚꓮꓓꓮꓟꓴꓣꓳ꓾ ꓐꓰ ꓔꓲꓺ ꓒ ꓓꓽ ꓙꓵꓽ ꓔꓶꓸ ꓗꓪ ꓐꓰ ꓟꓬꓱꓺ ꓬꓰ ꓢꓴ ꓐꓴ ꓡꓰ ꓧꓳꓽ ꓪꓴꓸꓟꓴ ꓗꓷ ꓟ ꓥꓳ= ꓕꓱ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓠꓬ꓾ (500) ꓗꓲꓡꓳꓟꓰꓔꓰꓣ(ꓗꓟ) ꓛꓲ ꓶꓻ_ ꓟ ꓚꓲ ꓛꓬ ꓔꓬ ꓟ ꓗꓪ ꓐꓰ ꓡꓸ ꓕꓸ ꓐꓰ ꓡ ꓢꓲ ꓠꓬꓲ ꓣꓳ-ꓟ ꓗꓪ ꓐꓰ (100) ꓗꓟ ꓛꓲ ꓶꓻ ꓟ ꓔꓰꓣꓠꓲ ꓗꓪ ꓐꓰ ꓣꓳ-ꓟ ꓗꓪ ꓛꓲ ꓛꓲ ꓒꓯꓹ ꓐꓰ ꓙꓻ ꓫꓱꓽ ꓡ ꓟ ꓥꓳ=

ꓐꓱ ꓓꓴ ꓗꓪ ꓐꓱ ꓔꓬ ꓢꓴ ꓐꓴ ꓔꓯ ꓮ ꓟꓶ ꓡꓰ ꓐꓰ ꓙꓴ-ꓐꓲ-ꓡꓲ ꓘꓳꓼ ꓗꓪ ꓪꓽ ꓘꓴ ꓝꓲ ꓟ ꓠꓬ ꓙꓴ-ꓐꓲ-ꓡꓲ ꓘꓳꓼ ꓬꓲ ꓔꓶꓺ ꓙꓱꓼ ꓥ ꓟ ꓡꓰ ꓐꓰ ꓡ ꓞꓳ ꓮ ꓙꓵ ꓠꓯꓼ ꓗꓪ ꓝꓴꓲ ꓐꓰ ꓦ ꓕꓲ ꓒꓳꓹ ꓝꓴꓲ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓥꓳ ꓡꓳꓸ ꓓꓴ ꓖꓶ_ ꓟ ꓥ ꓢꓲ ꓠꓬꓲ꓾ ꓕꓱ ꓪꓽ ꓘꓴ ꓡ ꓟ ꓑꓶ ꓓꓴ ꓬꓲ ꓪ ꓠꓯꓼ ꓗꓪ ꓘꓳꓹ ꓣꓴ ꓟ꓾ ꓥꓳ ꓡꓳꓸ ꓟ ꓢꓯꓸ ꓔꓬ ꓟ ꓤꓶꓻ ꓬꓲ ꓒꓵꓽ ꓔꓯ ꓟꓬ ꓠꓬꓲ ꓙꓲ_ ꓟ ꓕꓲ ꓒꓳꓹ ꓗꓪ ꓛꓳ ꓫꓱꓽ ꓠꓹ ꓟ ꓢꓯꓼ ꓕꓵꓼ ꓐ ꓡ ꓟ ꓢꓯꓼ ꓪ ꓖꓶ_ ꓟ ꓔꓯ ꓔꓲꓺ ꓒ ꓟꓮꓢꓢꓲꓟꓳ ꓚꓮꓓꓮꓟꓴꓣꓳ ꓡꓰ ꓐꓯ ꓔ ꓟ ꓥꓳ=

ꓪꓽ ꓘꓴ ꓙꓵꓹ ꓬꓲ ꓟꓶꓽ ꓗꓪ ꓠꓬ ꓐꓱ ꓓꓴ ꓢꓴ ꓗꓪ ꓐꓰ ꓔꓲꓺ ꓒ ꓪ ꓔꓲ ꓔꓯ ꓜꓲ ꓠꓲꓹ ꓫꓵ ꓡꓳ ꓐꓰ ꓶꓽ ꓓꓰꓽ ꓟ ꓗꓪ ꓔꓲꓺ ꓒ ꓪ ꓔꓲ ꓡꓰ ꓠꓲꓹ ꓒꓴ ꓒꓴ ꓐꓰ ꓘꓳꓹ ꓣꓴ ꓢꓲ ꓠꓬꓲ ꓕꓱ ꓟ ꓡꓰ ꓐꓰ ꓠꓱꓸ ꓐꓯꓼ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓐꓰ ꓕꓲ ꓪ ꓐꓱ ꓓꓴ ꓢꓴ ꓐꓴ ꓔꓯ ꓪꓽ ꓘꓴ ꓙꓻ ꓫꓱꓽ ꓝꓲ ꓡ ꓟ ꓠꓬ ꓐꓱ ꓓꓴ ꓢꓴ ꓐꓴ ꓔꓯ ꓬꓲꓸ ꓐ ꓐꓰ ꓕꓲ ꓪ ꓫꓱꓹ ꓗꓴꓸ ꓟ ꓔꓯ ꓪ ꓡꓰ ꓝꓲ_ ꓡꓳ=ꓐꓱ ꓓꓴ ꓢꓴ ꓐꓴ ꓔꓯ ꓡꓳꓸ ꓙ ꓔ ꓙ ꓟ ꓠꓬ ꓦꓰꓠꓲꓚꓰ ꓢ-ꓢꓲ-ꓠ ꓗꓪ ꓐꓰ ꓢ-ꓢꓲ-ꓠ ꓟꓬꓱꓽ ꓕꓲ ꓟ ꓥ ꓡꓳ= ꓔꓲꓺ ꓒ ꓓꓽ ꓥ ꓟꓲ ꓐꓱ ꓓꓴ ꓢꓴ ꓐꓴ ꓔꓯ ꓝꓴꓲ ꓗꓪ ꓐꓰ ꓡꓲꓹ ꓙꓰ ꓢꓲ ꓐꓱ ꓓꓴ ꓗꓪ ꓐꓰ ꓓꓳ ꓡ ꓕꓯ ꓠꓱꓸ ꓐꓯꓼ ꓢꓴ ꓐꓰ ꓕꓲ ꓪ ꓛꓳ ꓫꓱꓽ ꓗꓴꓸ ꓠꓹ ꓟ꓾ ꓲ-ꓔ-ꓡꓲ ꓢꓲꓽ ꓒꓽ ꓐꓰ ꓥ ꓟꓲ ꓜꓲ ꓡꓯ ꓘꓳ ꓗꓷ ꓢꓲ ꓖꓪ ꓙꓱ ꓗꓷ ꓟ ꓥꓳ=

Leave a Reply

Your email address will not be published. Required fields are marked *