ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ 8 ꓦ ꓟ 17 ꓠꓬꓲ ꓕꓯ ꓮꓡꓐꓮꓠꓳ ꓗꓪ ꓔꓬ ꓟ ꓞꓳ ꓫ. ꓐꓴ ꓜꓲ ꓡꓯꓽ ꓘꓳ ꓢꓲ ꓠꓬꓲ ꓟꓳꓼ ꓡꓳ ꓜ ꓕꓲ ꓪ ꓜ ꓓꓴ ꓬꓰ ꓔꓬ ꓠ, ꓟ ꓙꓳˍ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬꓲ ꓛꓲ ꓡ ꓠ, ꓟ 8 ꓦ ꓟ 17 ꓠꓬꓲ 2025 ꓢꓲꓺ ꓒ ꓦꓬꓼ ꓠꓬꓲ ꓕꓯ ꓮꓡꓐꓮꓠꓳ ꓗꓪ ꓔꓬ ꓟ ꓞꓳ ꓫ. ꓐꓴ ꓔꓬ ꓖꓴ ꓦꓲꓻ ꓟꓽ ꓙꓳ ꓢꓴ ꓐꓴ ꓔꓯ ꓜꓲ ꓢꓲ ꓠꓬꓲ ꓟꓳꓼ ꓡꓳꓼ ꓜ ꓕꓲ ꓪ ꓜꓽ ꓠ, ꓟ ꓙ ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓜꓲ ꓡꓯ ꓘꓳ, ꓟ ꓙꓵ, ꓕꓯ ꓞꓳ ꓫ. ꓔꓬ ꓖꓴ ꓦꓲꓻ ꓟꓽ ꓙꓳ ꓢꓴ ꓐꓴ ꓐꓰ ꓕꓲ ꓪ ꓟꓲ‐ꓢ ꓔꓲ ꓖꓶ ꓢꓲ ꓠꓬꓲ ꓜ ꓜꓽ ꓠ, ꓟ ꓙ ꓖꓶ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓞꓳ ꓫ. ꓐꓴ ꓐꓰ ꓔꓬ ꓖꓴ ꓦꓲꓻ ꓟꓽ ꓙꓳ ꓢꓴ ꓐꓴ ꓔꓯ ꓟꓲ‐ꓢ ꓔꓲ ꓖꓶ ꓠ, ꓟ ꓠꓬ 9ꓽ30 ꓮ ꓟ ꓕꓯ ꓬꓰ ꓠ, ꓟ ꓥ ꓡꓳ꓿ ꓕꓱ ꓟꓲ‐ꓢ ꓗꓪ ꓞꓳ ꓫ. ꓐꓴ ꓐꓰ ꓔꓬ ꓖꓴ ꓦꓲꓻ ꓟꓽ ꓙꓳ ꓢꓴ ꓝꓮꓲ ꓚꓮꓣꓲꓔꓮꓢ ꓜꓴꓻ ꓐꓴ ꓥ ꓟꓲ ꓐ ꓠ, ꓟ ꓙꓳ ꓡꓳ ꓐꓰ ꓐꓯ ꓔ ꓡꓳ꓿

ꓞꓳ ꓫ. ꓐꓴ ꓐꓰ ꓔꓬ ꓖꓴ ꓦꓲꓻ ꓟꓽ ꓙꓳ ꓢꓴ ꓐꓴ ꓐꓰ ꓟꓳꓼ ꓡꓳꓼ ꓜ ꓜꓽ ꓟ ꓙꓵ, ꓕꓯ ꓡꓐꓳꓣꓖꓳ ꓡꓮꓴꓓꓮꓔꓳ ꓢꓲ ꓞꓳ ꓫ. ꓐꓴ ꓔꓯ ꓬꓰ ꓙ ꓔꓬ ꓟ ꓜꓴꓻ ꓗꓪ ꓐꓰ ꓡ ꓞꓳ (100) ꓣꓳ ꓐ ꓠ, ꓟ ꓙꓳ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓐꓰ ꓕꓲ ꓪ ꓪꓽ ꓘꓴ ꓢꓲ ꓠꓬꓲ ꓜꓲꓼ ꓠ, ꓟ ꓙꓳ ꓡꓳ ꓐꓰ ꓦꓮꓔꓲꓚꓮꓠ ꓠꓰꓪꓢ ꓓꓳꓽ ꓗꓪ\ꓐꓰ ꓢꓷ. ꓪ ꓡꓳ꓿