ꓕꓲ ꓪ_ ꓡꓰ ꓙꓻ ꓫꓱꓽ ꓔꓬ ꓓꓴ ꓫ ꓔꓬ ꓟ꓾ ꓟꓲ ꓠꓯ ꓞꓳ ꓙꓳ ꓚꓱꓹ ꓗꓪ ꓓꓵꓽ ꓙ ꓚꓱꓹ꓾ ꓗꓴꓷꓼ ꓫꓵ ꓪꓴ ꓾ꓙꓵꓻ ꓠꓲꓹ ꓐꓰ ꓞꓳ ꓫꓵ ꓐꓱ ꓶ ꓔꓳꓹ ꓜꓳ ꓔꓬ ꓟ ꓫ ꓓꓴ ꓔꓯ ꓗꓳꓸ ꓙꓰ ꓐ ꓡ ꓠꓹ ꓟ ꓪꓽ ꓘꓴ ꓓꓴ ꓬꓰ ꓡꓯ꓾
2025 ꓘꓳꓼ 8 ꓦ ꓐꓱ ꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓔꓶꓻ ꓙꓱꓼ ꓠꓬ ꓕꓲ ꓪ ꓙꓻ ꓫꓱꓽ ꓔꓬ ꓟꓶ ꓠꓹ ꓟ ꓐꓱ ꓶ ꓥ ꓡꓳ=
ꓕꓲ ꓞꓲꓼ ꓕꓲ ꓑ ꓟ ꓢꓲ ꓒꓽ ꓥ ꓟ ꓢꓲ ꓒ ꓬꓰ-ꓢꓴ-ꓳ꓾ꓮ ꓕꓯ ꓟꓲ ꓢꓯꓸ ꓔꓬ ꓟ ꓔꓱꓹ ꓜꓳ ꓢꓴ ꓛꓳꓽ ꓒꓯꓹ ꓥ ꓟ ꓢꓲ ꓒ ꓬꓰ-ꓢꓴ-ꓳ꓾ꓢꓲ ꓒ ꓠꓬ ꓥꓪ ꓠꓴ ꓔꓯ ꓜꓲ ꓠꓹ ꓟ ꓪꓴꓽ ꓧꓶ ꓡꓰ ꓫꓵ ꓟꓽ ꓙꓳ꓾ꓥꓪ ꓠꓴ ꓠꓬ ꓢꓲ ꓒ ꓗꓪ ꓐꓰ ꓢꓲ ꓡꓲꓹ ꓗꓹ ꓛꓲ ꓓꓴ ꓣꓱꓽ ꓬꓯꓼ ꓔꓬ ꓢꓴ ꓐꓴ ꓥ ꓡꓳ=ꓙꓳꓺ ꓓꓴ ꓐꓰ ꓟꓽ ꓫꓱꓹ ꓟ ꓠꓬꓲꓽ ꓗꓳꓸ ꓚ ꓗꓪ ꓐꓰ ꓛꓳ ꓫꓱꓽ ꓔꓬ ꓟ ꓑꓶ ꓓꓴ ꓥꓪ ꓠꓴ ꓕꓵꓼ ꓡꓰ ꓔꓬ ꓡꓳ꓾ꓐꓰ ꓓꓵꓽ ꓙ ꓟꓬ ꓔꓬ ꓡꓳ꓾ꓕꓲ ꓣꓳ ꓐꓰ ꓕꓲ ꓣꓳ ꓟꓽ ꓪ ꓡꓰ ꓝꓲ_ ꓟ ꓶꓽ ꓡꓰ ꓝꓲ_ ꓟ ꓐꓱꓻ ꓔꓯ ꓫꓬꓹ ꓔꓬ ꓟ ꓑꓶ ꓓꓴ ꓣꓳ ꓮ ꓙꓵ ꓬꓲꓼ ꓠꓬꓲ ꓤ ꓐꓴ ꓥ ꓟ ꓔꓯ ꓟꓲ ꓡꓰ ꓔꓬ ꓟ ꓥꓳ=ꓥꓪ ꓠꓴ ꓠꓲꓹ ꓟ ꓘꓴꓽ ꓠꓯꓼ ꓗꓪ ꓝꓮꓲ ꓧꓪꓸ ꓛꓲ ꓡꓰ ꓠꓹ ꓟ ꓢꓲ-ꓫꓬ-ꓟ-ꓦ ꓔꓯ ꓝꓲ ꓩꓴ ꓡ ꓢꓲ ꓠꓬꓲ ꓕꓲ ꓣꓳ ꓐꓰ ꓕꓲ ꓣꓳ ꓢꓷꓸ ꓡꓯ ꓘꓳ_ ꓟ꓾ ꓙꓼ ꓜꓲꓼ ꓗꓴꓸ ꓟ ꓠꓲꓹ ꓟ꓾ꓠ ꓠꓹ ꓟ꓾ ꓫꓱꓸ ꓤ_ ꓟ ꓐꓰ ꓒꓵꓽ ꓛꓳ_ ꓟ ꓐꓰ ꓕꓲ ꓠꓲꓹ ꓕꓲ ꓪ ꓙꓻ ꓫꓱꓽ ꓔꓬ ꓗꓴꓸ_ ꓟ ꓠꓲꓹ ꓡꓶꓽ ꓔꓬ ꓡꓰ ꓝꓲ ꓡꓯ=ꓐꓯ ꓔꓳꓹ ꓡꓯ ꓘꓳ_ ꓟ꓾ ꓛꓴꓽ ꓙꓳ ꓟ ꓠꓲꓹ ꓟ ꓔꓯ ꓬꓲꓼ ꓠꓬꓲ ꓤ ꓠꓵꓻ ꓠꓲꓹ ꓐꓰ ꓖꓪ ꓙꓱ ꓡꓯ ꓘꓳ ꓠꓹ ꓟ ꓢꓯꓼ ꓪ ꓥꓪ ꓠꓴ ꓔꓯ ꓡꓵꓽ ꓖꓶ ꓡ ꓢꓲ ꓠꓬꓲ ꓟꓽ ꓫꓱꓹ ꓟ ꓔꓯ ꓟꓽ ꓙꓳꓺ ꓙꓳꓺ ꓕꓲ ꓣꓳ ꓐꓰ ꓕꓲ ꓣꓳ ꓠꓲꓹ ꓟ ꓗꓹ ꓘꓶꓽ ꓒꓴ ꓖꓶ ꓐ ꓡ ꓠꓹ ꓟ ꓢꓯꓼ ꓪ ꓡꓵ ꓖꓶ ꓡꓯ=ꓣꓳ ꓓꓵ ꓙ_ ꓟ꓾ ꓔꓬ ꓟ ꓗꓪ ꓐꓰ ꓙꓻ ꓡꓰ ꓠꓹ ꓟ ꓥꓪ ꓠꓴ ꓔꓯ ꓓꓽ ꓖꓴ ꓫꓬꓹ ꓢꓴ ꓒꓬꓱꓼ ꓡꓰ ꓝꓲ ꓡꓯ=ꓠꓱꓸ ꓐꓯꓼ ꓢꓴ ꓔꓯ ꓠꓵꓻ ꓠꓲꓹ ꓟꓬ ꓢꓶꓽ ꓐꓰ ꓠꓬꓲꓸ ꓠꓸ ꓢꓲꓕꓲ ꓣꓳ ꓛꓳ ꓕꓲ ꓣꓳ ꓠꓯꓼ ꓗꓪ ꓒꓵ_ ꓟ ꓟꓬꓱꓺ ꓓꓳ ꓙꓳ_ ꓟ ꓔꓯ ꓢꓷꓸ ꓡꓰ ꓝꓲ ꓡꓯ=ꓥꓳ ꓡꓳꓸ ꓓꓴ ꓟꓬ ꓡ ꓠꓹ ꓟ ꓬꓲꓸ ꓔꓶꓸ ꓒꓬꓱꓼ ꓡ ꓠꓹ ꓟ ꓥꓪ ꓠꓴ ꓔꓯ ꓬꓰ ꓙ ꓔꓳꓹ ꓙ ꓢꓲ ꓟꓽ ꓫꓱꓹ ꓟ ꓠꓬ ꓥꓪ ꓠꓴ ꓟꓲ ꓠꓯ ꓡ ꓞꓳ ꓔꓯ ꓟꓬ ꓠꓬꓲ ꓛꓳ ꓙꓳ ꓡꓰ ꓝꓲ ꓢꓲ ꓠꓬꓲ ꓕꓱ ꓟ ꓠꓬ ꓙꓴꓻ ꓚꓳꓹ ꓟ ꓟꓽ ꓥ ꓟ ꓔꓯ ꓢꓷꓸ ꓡꓰ ꓝꓲ ꓡꓯ=ꓮꓟꓰꓠꓸ
