ꓢꓲ, ꓜꓲꓻ ꓢꓲ, ꓟꓲ ꓠꓬ ꓫ. ꓕꓱ ꓗꓴ ꓡꓳ (environment program)
ꓠꓬꓲ. ꓠꓬꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓢꓲ, ꓜꓲꓼ ꓡꓳ ꓜꓲ, ꓠꓬ ꓫ. ꓕꓱ ꓗꓴ. ꓡꓳ ꓐꓰ ꓐꓯ ꓟ ꓚꓱ, ꓗꓪ ꓐꓰ ꓣꓳ ꓡꓳ. ꓠꓬꓲ ꓓꓴ ꓬꓰ ꓡꓯ꓿ ꓢꓲ, ꓜꓲꓻ ꓡꓳ, ꓜꓲꓻ ꓡꓰ ꓫ. ꓕꓱ ꓟ ꓢꓯꓼ ꓔꓯ ꓠꓬ ꓫꓵꓽ ꓠꓬ ꓙꓱ ꓐꓰ ꓑꓶ ꓓꓰ ꓡꓯꓻ ꓓꓰ ꓠꓬ ꓠꓻ ꓡꓳ ꓑ ꓙ ꓗꓴ. ꓡꓳ ꓐꓰ ꓐꓯ ꓟ ꓔꓯ ꓠꓴ ꓘꓳ, ꓣꓴ ꓐ ꓡ ꓡ? ꓣꓳ ꓓꓵ ꓙ ꓠꓬꓲ ꓡꓯ꓿
ꓬꓯ‐ꓢꓲ‐ꓡꓲ ꓗꓴꓷꓼ ꓗꓪ ꓐꓰ ꓑꓶ ꓓꓰ ꓡꓯ ꓓꓰ ꓐꓰ ꓢꓲ, ꓜꓲꓻ ꓡꓳ ꓜꓲ, ꓔꓯ ꓧꓪ, ꓟꓲ ꓠꓬꓲ ꓢꓴ ꓢꓷ. ꓠꓲ, ꓙꓳ ꓒꓽ ꓐꓴ ꓡꓰ ꓢꓲ, ꓜꓲ, ꓡꓳ ꓜꓲꓻ ꓠꓬ ꓫ. ꓕꓱ ꓗꓴ. ꓟ ꓔꓯ ꓬꓲ ꓪ ꓡꓳ. ꓟꓳ ꓪ ꓡꓳ꓿ ꓢꓲ, ꓜꓲꓻ ꓕꓲ ꓐꓱ ꓠꓬ ꓠꓵꓻ ꓠꓵꓻ ꓡꓰ ꓫ. ꓕꓱ ꓟ ꓔꓯ ꓑꓶ ꓓꓰ ꓡꓯ ꓓꓰ ꓐꓴ ꓠꓬ ꓑ ꓙ ꓗꓴ. ꓡꓳ ꓐꓰ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓡꓳ. ꓟꓳ ꓗꓷꓳ꓿
ꓬꓯ‐ꓢꓲ‐ꓡꓲ ꓢꓷ. ꓠꓲ, ꓙꓳ ꓒꓽ ꓐꓴ ꓠꓬ ꓕꓱ ꓟ ꓔꓯ ꓮ ꓡꓰ ꓐꓰ ꓢꓷ. ꓡꓰ ꓠꓬ ꓐꓯ ꓠꓬ ꓢꓲ, ꓜꓲꓻ ꓓꓽ ꓟ ꓗꓪ ꓢꓲ, ꓜꓶꓽ ꓓꓱ ꓟ ꓐꓰ ꓢꓶ
ꓢꓶꓽ ꓮ ꓘꓶ. ꓟꓽ ꓓꓱ ꓟ ꓢꓲ, ꓜꓲ ꓔꓯ ꓬꓲ ꓪ ꓡꓳ ꓠꓬꓲ ꓚ ꓠꓬꓲ ꓗꓷ ꓟ ꓙꓵ, ꓕꓯ ꓡꓳ. ꓟꓳ ꓪ ꓡꓰ ꓟ ꓥ ꓡꓳ꓿ ꓬꓲ ꓪ ꓠꓬ ꓢꓲ, ꓢꓶ ꓢꓶꓽ ꓓꓱ ꓟ ꓢꓲ, ꓜꓲ ꓠꓬꓲ ꓜꓲꓻ ꓐꓰ ꓢꓶ ꓢꓶꓽ ꓟꓽ ꓮ ꓘꓶ. ꓟꓽ ꓓꓱ ꓟ ꓢꓲ, ꓜꓲ ꓗꓪ ꓢꓳꓠꓖ ꓐꓳꓫ ꓔꓯ ꓬꓲ ꓢꓯꓼ ꓮ ꓘꓶ. ꓟꓽ ꓒꓴ ꓒꓴ ꓙ ꓔ ꓟ ꓥ ꓡꓳ꓿ ꓖꓳ ꓕꓯ ꓟꓲ ꓠꓯ ꓞꓳ ꓤ ꓠ ꓑꓳ ꓗꓪ ꓐꓰ ꓑ ꓙ ꓟꓽ ꓓꓽ ꓟ ꓬꓲ ꓢꓯꓼ ꓔꓯ ꓑꓶ. ꓓꓰ ꓡꓯ ꓓꓰ ꓠꓬ ꓑ ꓙ ꓘꓴ ꓟ ꓥ ꓡꓳ ꓐꓰ ꓬꓲ ꓪ ꓠꓬ ꓢꓷ. ꓡꓰ ꓟ ꓥ ꓡꓳ꓿
ꓑꓶ ꓓꓰ ꓐꓴ ꓠꓬ ꓟꓬ ꓢꓶ ꓗꓪ ꓐꓰ ꓡꓳ. ꓟꓳ ꓟ ꓟꓽ ꓥ ꓥ ꓙꓲˍ ꓟ ꓢꓶ ꓢꓶꓽ ꓓꓱ ꓟ ꓢꓲ, ꓜꓲꓻ ꓗꓪ ꓙꓰ ꓢꓲ ꓠꓬꓲ ꓜꓽ ꓗꓷ ꓟ ꓔꓯ ꓡꓳ. ꓟꓳ ꓪ ꓡꓰ ꓟ ꓥ ꓡꓳ꓿ ꓕꓱ ꓟ ꓠꓬ ꓟꓲ ꓠꓯ ꓡ ꓞꓳ ꓐꓴ ꓐꓱ ꓶ ꓮ ꓙꓵꓽ ꓛꓲ ꓓꓵ ꓙ ꓟꓶ ꓓꓴ ꓒꓬꓱꓼ ꓡꓰ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓮ ꓟꓶ ꓗꓪ ꓐꓰ ꓢꓲ, ꓜꓲꓻ ꓡꓳ ꓜꓲꓻ ꓔꓯ ꓠꓲ, ꓠꓵ ꓞꓳ ꓒꓴ ꓠ, ꓟ ꓣꓳ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓬꓲ ꓢꓯꓼ ꓙꓳ ꓟ ꓑꓶ ꓓꓰ ꓡꓯ ꓓꓰ ꓐꓰ ꓢꓲ, ꓜꓲꓻ ꓡꓳ ꓜꓲꓻ ꓔꓯ ꓞꓳ ꓒꓴ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿
