7 ꓦ (28)ꓠꓬꓲ ꓗꓪ ꓐꓰ 8 ꓦ (3)ꓠꓬꓲ ꓗꓪ ꓛꓲ ꓬꓰˍ ꓟ ꓞꓳ ꓡꓱ ꓙꓴꓐꓲꓡꓰꓰ ꓑꓮꓲꓽ ꓬꓰ ꓠꓹ ꓟ ꓐꓱ ꓶ꓾ꓮ ꓟꓶ ꓕꓯ ꓟꓵ: ꓗꓳꓹ ꓓꓵ ꓓꓵ ꓗꓪ ꓟ ꓗ-ꓕꓳ-ꓡꓲꓗ ꓞꓳ ꓡꓱ ꓐꓴ ꓠꓬ ꓣꓳ-ꓟ ꓡꓳ ꓒꓱ ꓗꓪ ꓛꓲ ꓔꓬ ꓟ ꓥ ꓡꓳ=ꓖꓳ ꓟ ꓡꓰ ꓐꓰ ꓮ ꓟꓰ ꓕꓯ Saint Paul ꓪ: ꓘꓴ ꓦꓲꓻ ꓗꓪ ꓓꓵ: ꓡꓰ ꓢꓲ꓾ Korea ꓥꓳ: ꓫꓵ: ꓗꓪ ꓐꓰ ꓟꓲ-ꓢ ꓪ: ꓘꓴˍ ꓟ ꓔꓯ ꓗꓹ ꓛꓲ ꓛꓲ ꓬꓰ ꓗꓷ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ=ꓠꓬꓲ. ꓠꓬꓲ ꓗꓪ ꓐꓰ ꓪꓴ. ꓔꓴ ꓢꓲ꓾ ꓙꓴꓐꓲꓡꓰꓰ ꓗꓹ ꓘꓶ: ꓒꓴ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ=ꓖꓳ ꓟ ꓡꓰ: ꓟ: ꓞꓲ ꓣꓳ-ꓟ ꓡꓳ ꓒꓱ ꓗꓪ ꓮ ꓘꓶ. ꓞꓻ ꓟ ꓑꓶ. ꓓꓴ ꓞꓳ ꓡꓱ ꓐꓴ ꓙꓴꓐꓲꓡꓰꓰ ꓑꓮꓲ: ꓔꓯ ꓗꓹ ꓛꓲ ꓛꓲ ꓬꓰ ꓐ ꓡ ꓠꓹ ꓟ ꓪ: ꓘꓴ ꓙ ꓡꓯ ꓾ꓐꓰ ꓓꓰ: ꓔ ꓟ ꓥ ꓡꓳ=

ꓡꓳ, ꓬꓰˍ ꓟ ꓕꓲ ꓠꓬꓲ ꓗꓪ ꓐꓰ ꓞꓳ ꓡꓱ ꓐꓴ ꓔꓯ ꓘꓳ ꓣꓴˍ ꓟ ꓟꓲ‐ꓢ ꓔꓯ ꓦꓮꓔꓲꓚꓮꓠ St. Peter Square ꓗꓪ ꓟꓶꓽ ꓘꓶꓽ 7ꓽ00 ꓙꓵ, ꓕꓯ ꓬꓰ ꓓꓴ ꓥ ꓢꓲ ꓠꓬꓲ꓾ 8 ꓦ 1 ꓠꓬꓲ ꓠꓽ‐ꓥꓪꓽ‐ꓠꓬꓲ ꓕꓯ ꓠꓬ ꓞꓳ ꓡꓱ ꓐꓴ ꓝꓴꓲ. ꓣꓷꓠ. ꓟꓶ ꓠ, ꓟ ꓐꓱ ꓶ ꓔꓲꓺ ꓒ 200 ꓣꓳ ꓐꓴ ꓥˍ ꓟꓲ ꓬꓰ ꓙ ꓓꓴ ꓥ ꓢꓲ꓾ 8 ꓦ 2 ꓠꓬꓲ ꓞꓳ ꓡꓱ ꓐꓴ ꓑꓮꓲꓽ ꓓꓽ ꓟ ꓔꓯ 2000 ꓘꓳꓼ ꓕꓯ ꓞꓳ ꓡꓱ ꓑꓮꓲꓽ ꓬꓰ ꓗꓷ ꓟ Tor Vergata ꓗꓪ ꓑꓮꓲꓽ ꓬꓰ ꓓꓴ ꓥ ꓡꓳ꓿ ꓑꓮꓲꓽ ꓖꓳ ꓟ ꓗꓪ ꓔꓲꓺ ꓒ ꓪ ꓔꓲ. ꓡꓰꓳ(14) ꓬꓲ ꓚꓲ. ꓛꓬ ꓡꓰ ꓞꓳ ꓡꓱ ꓬꓲ ꓜꓴ ꓬꓲ ꓟꓯꓼ ꓐꓰ ꓕꓲꓽ ꓪˍ ꓪꓽ ꓘꓴˍ ꓟ ꓗꓪ ꓐ ꓓꓴ ꓥ ꓢꓲ ꓟꓮꓫꓲꓚꓳ꓾ ꓴꓢ ꓐꓰ ꓲ‐ꓔ‐ꓡꓲ ꓗꓴꓷꓼ ꓐꓴ ꓗꓪ ꓟ ꓞꓳ ꓡꓱ 3 ꓣꓳ ꓗꓪ ꓐꓰ ꓔꓲꓺ ꓒ ꓪ ꓔꓲ. ꓔꓯ ꓠꓺ ꓠꓬꓲ ꓘꓶꓽ ꓠꓺ ꓠꓬꓲ ꓓꓴ ꓥꓳ꓿

ꓞꓳ ꓡꓱ ꓙꓴꓐꓲꓡꓰꓰ ꓡꓳ, ꓬꓰˍ ꓟ ꓟꓲ‐ꓢ ꓔꓯ ꓔꓲꓺ ꓒ ꓪ ꓔꓲ. ꓡꓰꓳ (14) ꓡꓰ 8 ꓦ 3 ꓠꓬꓲ ꓕꓯ ꓧꓳꓽ ꓪꓴ. ꓟꓳ ꓢꓲ ꓟꓲ‐ꓢ ꓪꓽ ꓘꓴˍ ꓥꓳ꓾ ꓐꓰ ꓦꓮꓔꓲꓚꓮꓠ ꓓꓳꓽ ꓐꓯ ꓒꓬꓱ ꓔꓶ. ꓗꓪ ꓐꓯ ꓔ ꓡꓳ꓿

#rvalisu#lisu

#crdphoto

30.7.2025