ꓪꓴ-ꓢ ꓠꓯꓼ ꓗꓪ ꓝꓮꓲ ꓒꓳꓹ ꓡ ꓢꓲ ꓠꓬꓲ ꓣꓳ ꓤꓶꓻ ꓬꓲ ꓔꓶꓻ ꓙꓱꓼ ꓔꓯ ꓧꓪ ꓠꓹ ꓟ꓾
ꓕꓲ ꓠ ꓡꓲ ꓕꓲ ꓠ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐꓰ ꓜꓲ ꓡꓯ ꓘꓳ ꓟ ꓙꓵꓹ ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓣꓳ ꓤꓶꓻ ꓬꓲ ꓔꓶꓻ ꓙꓱꓼ ꓔꓯ ꓧꓪ ꓔꓬ ꓟ ꓞꓳ ꓡꓱ ꓤ ꓐꓴ ꓔꓯ ꓐꓲ ꓜꓲꓼ ꓟ ꓤꓶꓻ ꓔꓯ ꓠꓬ ꓪꓴ-ꓢ ꓡꓰ ꓖꓶ ꓡ ꓥꓳ= ꓮ ꓕꓯ ꓥ ꓟꓲ ꓠꓲꓹ ꓟ ꓟꓽ ꓐꓬ ꓡꓰ ꓠꓹ ꓟ ꓐꓰ ꓪꓴ-ꓢ ꓘꓴ_ ꓟ ꓢꓯꓼ ꓔꓯ ꓣꓳ ꓝꓮꓲ ꓒꓳꓹ ꓡ ꓠꓹ ꓟ ꓠ ꓠꓹ ꓠꓹ ꓟ꓾ ꓬꓲ ꓙꓵꓹ ꓞꓰ ꓡꓰ ꓥ ꓟꓲ ꓪꓴ-ꓢ ꓠꓬ ꓣꓳ ꓔꓯ ꓠꓲꓹ ꓡꓱ ꓘꓳꓹ ꓣꓴ ꓔꓬ ꓟ ꓔꓯ ꓓꓵꓽ ꓙ ꓠꓹ ꓟ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓔ ꓟ ꓥꓳ=
ꓣꓳ ꓤꓶꓻ ꓠꓬ ꓮ ꓟꓬ ꓛꓲ ꓥꓳ ꓡꓳꓸ ꓓꓴ ꓟꓽ ꓙꓳ ꓗꓷ ꓔꓬ ꓥ ꓟꓲ ꓪꓴ-ꓢ ꓠꓬ ꓣꓳ ꓔꓯ ꓐꓲ ꓜꓲꓼ ꓟ ꓤꓶꓻ ꓐꓰ ꓥꓳ ꓡꓳꓸ ꓓꓴ ꓔꓯ ꓖꓶ ꓠꓹ ꓟ ꓮ ꓕꓯ ꓟꓲ ꓟꓽ ꓠ ꓠ꓾ ꓠꓲꓹ ꓟ ꓟꓽ ꓐꓬ ꓡꓰ ꓮ ꓕꓯ ꓟꓲ ꓖꓶ ꓠꓹ ꓟ ꓐꓱ ꓶ ꓬꓲ ꓠꓬ ꓡꓳꓸ ꓔꓬ ꓟ ꓥ ꓡꓳ꓾ ꓔꓲꓺ ꓒ ꓪ ꓔꓲ ꓡꓰ ꓙꓴꓐꓲꓡꓰꓰ ꓘꓳꓼ ꓬꓲ ꓕꓲ ꓟꓴ ꓥ ꓟ꓾ ꓢꓲ ꓒ ꓬꓰ-ꓢꓴ ꓠꓬ ꓣꓳ ꓥꓳ ꓡꓳꓸ ꓓꓴ ꓐꓯ_ ꓟ ꓬꓲ ꓕꓲ ꓟꓴ ꓗꓪ ꓐꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓔꓯ ꓢꓯꓼ ꓖꓶ ꓗꓷ ꓟ ꓥꓳ=
ꓟ-ꓕꓲ ꓕꓳ ꓶ ꓠꓯꓼ ꓗꓪ ꓕꓲ ꓠꓬꓲ ꓡꓱꓼ ꓟꓬꓱꓽ ꓬꓰ ꓢꓴ ꓐꓰ ꓕꓲ ꓠ ꓣꓲ ꓡꓰ ꓟꓬꓱꓽ ꓬꓰ ꓢꓴ ꓟꓬꓱꓽ ꓬꓰ ꓢꓴ ꓮ ꓙꓵ ꓔꓯ ꓬꓲ ꓪ ꓒꓵꓽ ꓕꓲ ꓪ ꓡꓰ ꓖꓶ_ ꓟ ꓕꓱ ꓢꓲ ꓫꓬ ꓕꓳ ꓶ ꓗꓪ ꓐꓰ ꓪꓴ-ꓢ ꓬꓲ ꓠꓵꓻ ꓠꓲꓹ ꓪꓴꓽ ꓓꓰ ꓡꓰ_ ꓟ ꓚꓱꓹ ꓔꓯ ꓟꓳꓸ ꓢꓯꓼ ꓖꓶ ꓔꓱꓹ ꓕ ꓟꓸ ꓖꓶ ꓗꓷ ꓟ ꓥꓳ=
ꓟꓬꓱꓽ ꓟꓬ ꓠꓬꓲ ꓬꓰ ꓢꓴ ꓠꓬ ꓟꓬꓱꓽ ꓬꓲ ꓙꓵꓹ ꓕꓲ ꓑꓹ ꓞ ꓡꓰ ꓬꓰ ꓢꓴ ꓐꓰ ꓪꓽ ꓒꓵꓽ ꓕꓲ ꓪ ꓪ ꓟ ꓠꓬ ꓠꓲꓹ ꓟ ꓐꓬ ꓡꓰ ꓓꓴ ꓥ ꓥ ꓟꓲ ꓟꓬꓱꓽ ꓢꓲ ꓒꓽ ꓬꓲ ꓠꓲꓹ ꓡꓱ ꓟ ꓔꓯ ꓬꓲ ꓪ ꓟꓽ ꓟꓳ꓾ ꓕꓱ ꓟ ꓠꓬ ꓟꓬꓱꓽ ꓢꓲ ꓒꓽ ꓬꓲ ꓟꓽ ꓔꓱꓹ ꓟ ꓟꓽ ꓬꓰ꓾ ꓟꓬꓱꓽ ꓢꓲ ꓒꓽ ꓬꓲ ꓠꓲꓹ ꓡꓱ_ ꓟ ꓡꓰ ꓥ ꓡꓳ= ꓖꓳ ꓟ ꓑꓶ ꓓꓴ ꓪꓴ-ꓢ ꓠꓬ ꓠꓴ ꓙꓲ_ ꓟ ꓟꓬꓱꓽ ꓮ ꓟꓬ ꓛꓲ ꓬꓰ ꓗꓷ ꓟ ꓔꓯ ꓡꓰ ꓟꓽ ꓠꓬꓲꓸ ꓠꓸ꓾ ꓣꓱꓽ ꓬꓯꓼ ꓢꓴ ꓔꓯ ꓬꓰ ꓙ_ ꓟ ꓔꓯ ꓥ ꓟꓲ ꓠꓬꓲꓸ ꓠꓸ ꓔ ꓡꓳ=
ꓪꓴ-ꓢ ꓠꓬ ꓡ ꓞꓳ ꓮ ꓙꓵ ꓔꓯ ꓐꓲ ꓞꓲꓼ ꓟ ꓢꓯꓸ ꓔꓬ ꓠꓹ ꓟ ꓤꓶꓻ ꓖꓶ ꓔ ꓡꓳ= ꓕꓱ ꓟꓬꓱꓽ ꓬꓰ ꓢꓴ ꓔꓯ ꓥꓳꓽ ꓗꓪ ꓐꓰ ꓮꓽ ꓟ ꓠꓬ ꓚꓵ ꓚꓵ ꓔꓱꓹ ꓟ ꓥ ꓡ ꓐꓯ ꓟ ꓔꓯ ꓔꓱꓹ ꓕ ꓓꓴ ꓬꓰ ꓡꓯ= ꓔꓱꓹ ꓜꓳ ꓟ ꓠꓬ ꓞꓳ ꓤ ꓮ ꓙꓵ ꓢꓯꓸ ꓔꓬ ꓠꓹ ꓟ ꓐꓱ ꓶ ꓣꓱ ꓬꓯꓼ_ ꓟ ꓔꓯ ꓪ ꓟ ꓥ ꓡꓳ= ꓕꓱ ꓗꓪ ꓣꓳ ꓢꓷꓸ ꓡꓰ ꓠꓹ ꓟ ꓠꓬ ꓟꓬꓱꓽ ꓬꓰ ꓢꓴ ꓮ ꓙꓵ ꓬꓲ ꓪ ꓟꓬꓱꓺ ꓓꓳꓽ ꓔꓯ ꓒꓵꓽ ꓗꓹ ꓬꓰ ꓢꓲ ꓠꓬꓲ ꓕꓱ ꓟ ꓡꓰ ꓐꓰ ꓖꓶ ꓠ ꓔ ꓡꓳ= ꓪꓴ-ꓢ ꓠꓬ ꓣꓳ ꓮ ꓙꓵ ꓔꓯ ꓐꓲ ꓜꓲꓼ ꓟ ꓗꓹ ꓛꓲ_ ꓟ ꓤꓶꓻ ꓔꓯ ꓖꓶ ꓠꓲꓹ ꓫꓵ_ ꓟ ꓥ ꓡꓳ=
ꓕꓱ ꓟ ꓠꓬ ꓢꓲ ꓒ ꓬꓰ-ꓢꓴ ꓡꓰ ꓬꓰ ꓔ ꓟ ꓟꓲ ꓥ ꓡꓳ= ꓢꓲ ꓒ ꓬꓰ-ꓢꓴ ꓠꓬ ꓬꓲ ꓔꓯ ꓠꓲꓹ ꓟ ꓒꓴ ꓢꓲ ꓘꓳꓹ ꓣꓴ ꓢꓴ ꓮ ꓙꓵ ꓔꓯ ꓬꓲ ꓕꓲ ꓤꓶꓻ ꓡꓱꓼ ꓖꓶ ꓔ ꓡꓳ= ꓕꓱ ꓟꓬꓱꓽ ꓬꓰ ꓢꓴ ꓔꓯ ꓥꓳꓽ ꓗꓪ ꓡꓰ ꓐꓰ ꓮ ꓟꓶ ꓙꓲ ꓢꓴ ꓢꓲ ꓤ ꓐꓴ ꓠꓬ ꓪꓽ ꓒꓵ ꓕꓲ ꓪ ꓡꓰ ꓪ ꓠꓬ ꓮ ꓫꓵ ꓑꓶ ꓓꓴ ꓟꓬꓱꓽ ꓟꓬ ꓠꓬꓲ ꓬꓰ ꓠꓯꓹ ꓡ ꓐꓰ ꓓꓵ ꓙ ꓗꓴꓸ ꓡꓳ=
ꓢꓲ ꓫꓬ ꓢꓴ ꓮꓴꓖꓴꓢꓔꓲꓠꓰ ꓬꓲ ꓐꓯ ꓘꓶꓽ ꓗꓪ ꓐꓰ “ꓦꓬꓼ ꓠꓬꓲ ꓬꓲ ꓙꓵꓹ ꓠꓬ ꓚꓬꓹ ꓟꓽ ꓐ ꓡ꓾ ꓖꓳ ꓡꓱ ꓥ ꓟꓲ ꓣꓳ ꓪ ꓠ ꓔ ꓟ ꓡꓯ ꓫꓴ ꓠꓬ ꓗꓼ ꓢꓷꓸ ꓠꓬ ꓣꓳ ꓔꓯ ꓘꓴ ꓢꓴ ꓠꓯꓼ ꓗꓪ ꓮ ꓫꓵ ꓑꓶ ꓓꓴ ꓛꓳ ꓠꓹ ꓟ ꓓꓵꓽ ꓙ ꓟꓬ ꓓꓴ ꓙꓳ_ ꓡ” ꓐꓰ ꓥ ꓡꓳ꓾ ꓪꓴ-ꓢ ꓡꓰ ꓕꓵꓼ ꓪ ꓖꓶ ꓔ ꓟ ꓔꓯ ꓣꓳ ꓓꓵ ꓙ ꓟꓬ ꓓꓴ ꓟꓶ ꓫꓵ ꓔꓬ ꓟ ꓑꓶ ꓓꓴ ꓕꓽ ꓞꓳꓸ ꓡꓰ ꓝꓲ꓾ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓤ ꓐꓴ ꓔꓯ ꓬꓲꓸ ꓙꓵꓹ ꓮ ꓔꓳ ꓕꓽ ꓖꓴ ꓡꓰ ꓝꓲ꓾ ꓪꓴ-ꓢ ꓡꓰ ꓚꓲ ꓛꓬ ꓔꓯ ꓟꓬꓱꓽ ꓬꓰ ꓠꓹ ꓟ ꓘꓴ ꓔ ꓕꓯ ꓠꓲꓹ ꓡꓱ ꓢꓯꓼ ꓕꓵꓼ ꓢꓲ ꓬꓰ ꓓꓴ ꓬꓰ ꓡꓯ= ꓬꓲꓸ ꓙꓵꓹ ꓟꓽ ꓣꓴ ꓣꓴ ꓙꓰ ꓓꓴ ꓬꓰ ꓡꓯ= ꓪꓴ-ꓢ ꓠꓬ ꓠꓲꓹ ꓡꓱ ꓢꓴ ꓥ ꓟ ꓑꓶ ꓓꓴ ꓚꓲ ꓛꓬ ꓔꓯ ꓮ ꓕꓯ ꓟꓲ ꓠꓲꓹ ꓟ ꓐꓬ ꓡꓰ ꓓꓴ ꓟꓽ ꓔꓳꓹ ꓜꓳ ꓡꓰ ꓝꓲ꓾
ꓚꓲ ꓛꓬ ꓢꓯꓸ ꓔꓬ ꓟ ꓤꓶꓻ ꓠꓬ ꓮ ꓫꓵ ꓑꓶ ꓓꓴ ꓢꓯꓸ ꓔꓬ ꓡ ꓐꓯ_ ꓟ ꓔꓯ ꓚꓲ ꓛꓬ ꓠꓲꓹ ꓟ ꓗꓪ ꓗꓷ ꓔ ꓟ ꓠ ꓠꓬꓲ ꓘꓶꓽ ꓔꓯ ꓪꓴ-ꓢ ꓡꓰ ꓒꓳꓹ ꓖꓶ ꓡ ꓥꓳ= ꓣꓳ ꓤꓶꓻ ꓮ ꓘꓶꓸ ꓠꓯ ꓞꓲꓹ ꓟ ꓬꓲ ꓙꓵꓹ ꓔꓳꓹ ꓜꓳ ꓡ ꓕꓯ ꓥ ꓟꓲ ꓠꓲꓹ ꓟ ꓕꓽ ꓐꓬ ꓡꓰ꓾ ꓢꓲ ꓒꓽ ꓝꓮꓲ ꓕꓲ ꓧꓪꓹ ꓡ ꓢꓲ ꓠꓬꓲ ꓥꓪ ꓠꓴ ꓠꓯꓼ ꓗꓪ ꓔꓬ ꓡꓯ ꓐꓰ ꓪꓽ ꓘꓴ ꓠꓬꓲ ꓓꓴ ꓬꓰ ꓡꓯ= ꓬꓲ ꓔꓬ ꓡ ꓥꓳ꓾ ꓠꓲꓹ ꓡꓱ ꓡꓱ ꓐꓰ ꓔꓬ ꓡ ꓥꓳ꓾
