ꓔꓲꓺ ꓒ ꓪ ꓔꓲ ꓡꓰꓳ (14) ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓚꓬꓴ ꓢꓲꓺ ꓒ ꓬꓰ‐ꓢꓴ ꓐꓰ ꓙ ꓡꓯꓽ ꓘꓳ, ꓟ ꓠꓬ ꓣꓳ ꓤꓶꓻ ꓠꓯ.ꓼ ꓗꓪ ꓗ, ꓛꓲ ꓓꓴ ꓒꓬꓱꓼ ꓡ ꓟ ꓓꓽ ꓪꓴ ꓥ ꓟ ꓐꓰ ꓣꓳꓺ ꓚꓵˍ ꓓꓰ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓟ꓿
7 ꓦ ꓟ 25 ꓠꓬꓲ 2025 ꓘꓳꓼ ꓕꓯ ꓠꓽ ꓥꓪ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓡꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓐꓰ ꓙ ꓡꓯꓽ ꓘꓳ, ꓟ ꓠꓬ ꓣꓳ ꓤꓶꓻ ꓠꓯ, ꓗꓪ ꓗ, ꓛꓲ ꓓꓴ ꓒꓬꓱꓼ ꓡ ꓟ ꓓꓽ ꓪꓴ. ꓣꓳꓺ ꓚꓵ ꓓꓰꓽ ꓡꓰ ꓟ ꓥ ꓡꓳ ꓐꓰ ꓫ. ꓕꓱ ꓔ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ ꓦꓮꓔꓲꓚꓮꓠ ꓡꓳ ꓒꓱ ꓗꓪ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓜꓲꓼ ꓛꓲ ꓡ ꓟ ꓙꓲꓻ ꓫꓬ ꓢꓴ (Xaverian) ꓜꓴꓻ ꓗꓪ ꓢꓳꓺ ꓤ ꓐꓴ ꓔꓯ ꓜꓲꓼ ꓗꓷ ꓟ ꓙꓵ, ꓕꓯ ꓫ. ꓕꓱ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓣꓳ ꓙꓲ‐ꓢꓴ ꓢꓲꓺꓤ ꓐꓴ ꓠꓬ ꓢꓲꓺ ꓒ ꓬꓰ‐ꓢꓴ ꓐꓰ ꓙ ꓡꓯꓽ ꓘꓳ, ꓟ ꓮ ꓘꓶ. ꓛꓲ ꓣꓳꓺ ꓚꓵˍ ꓟ ꓔꓯ ꓥ ꓟꓲ ꓐꓯ ꓟ. ꓖꓶ ꓗꓷꓳ꓿
ꓢꓲꓺ ꓒ ꓬꓰ‐ꓢꓴ ꓠꓵꓻ ꓠꓲ, ꓠꓬ ꓣꓳ ꓘꓳ, ꓣꓴ ꓟꓶ ꓠ, ꓟ ꓐꓰ ꓢꓷ. ꓡꓰ ꓠ, ꓟ ꓣꓳꓺ ꓚꓵˍ ꓟ ꓚꓱ, ꓔꓯ ꓫ. ꓕꓱ ꓔ ꓟ ꓥ ꓡꓳ꓿ ꓣꓳ ꓔꓯ ꓣꓱ ꓛꓰ ꓡꓯ ꓫꓴꓻ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓚꓬꓴ ꓔ ꓟ ꓔꓯ ꓢꓷ. ꓡꓰ ꓠ,ꓟ ꓥ ꓟꓲ ꓣꓳꓺ ꓚꓵˍ ꓟ ꓥ ꓡꓳ꓿
ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓮ ꓫꓵꓽ ꓣꓱ ꓬꓯꓼ ꓡ ꓐꓰ ꓐꓯ ꓗꓷ ꓟ ꓕꓯ ꓕꓲ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓐꓰ ꓮ ꓕꓯ ꓥ ꓟꓲ ꓙ ꓡꓯꓽ ꓘꓳꓼ ꓠ, ꓟ ꓐꓰ ꓕꓲ ꓣꓳ ꓛꓳꓽ ꓕꓲ ꓣꓳ ꓮ. ꓬꓲ ꓠꓬꓲ ꓤ ꓡꓰ ꓐꓰ ꓠꓲ, ꓠꓵ ꓡꓯꓽ ꓘꓳ ꓠ, ꓟ ꓣꓳꓺ ꓚꓵˍ ꓟ ꓥ ꓡꓳ꓿ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓠꓬ ꓜꓴꓻ ꓐꓰ ꓮ ꓕꓯ ꓥ ꓟꓲ ꓙ ꓡꓯꓽ ꓘꓳ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓣꓳꓺ ꓚꓵˍ ꓟ ꓚꓱ, ꓔꓯ ꓐꓯ ꓔ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ ꓝ. ꓢꓲ ꓠꓬꓲ ꓥ ꓟꓲ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓔꓯ ꓚꓺ ꓟ. ꓖꓶ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓢꓲꓺ ꓒ ꓢꓲ ꓡꓲ ꓟ ꓠꓬ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓡꓰ ꓟꓽ ꓞꓲ ꓙꓲ‐ꓢꓴ ꓢꓲꓺ ꓤ ꓐꓴ ꓝꓮꓲ ꓝꓲ ꓓꓴ ꓐꓴ ꓮ ꓙꓵꓽ ꓐꓱ ꓶ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰꓳ (14) ꓡꓰ ꓫ. ꓕꓱ ꓗꓷꓳ ꓐꓰ ꓦꓮꓔꓲꓚꓮꓠ ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
