ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓖ‐ꓜ ꓟꓵꓽ ꓗꓪ ꓟꓯꓼ ꓘꓰ ꓟꓯꓼ ꓑꓬ ꓔꓬ ꓢꓴ ꓐꓱ ꓶ ꓠꓲ, ꓫ. ꓟꓬ ꓫ. ꓔꓬ ꓡꓳ ꓐꓰ ꓐꓯ ꓔ ꓟ ꓓꓳꓽ

7 ꓦ ꓟ 27 ꓠꓬ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓖ‐ꓜ ꓟꓵꓽ ꓗꓪ ꓟꓯꓼ ꓘꓰ ꓟꓯꓼ ꓑꓬ ꓔꓬ ꓢꓴ ꓐꓴ ꓐꓱ ꓶ ꓠꓲ, ꓫ. ꓟꓬ ꓫ. ꓔꓬ ꓡꓳ ꓐꓰ ꓫ. ꓕꓱ ꓔ ꓟ ꓥ ꓡꓳ꓿ ꓟꓵꓽ ꓗꓳ ꓓꓵ ꓓꓵ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓑꓶ. ꓓꓴ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓮ ꓙꓵꓽ ꓐꓱ ꓶ ꓜꓽ ꓓꓴ ꓓꓳ ꓓꓴ ꓔꓬ ꓔꓶ. ꓐꓶ ꓶ ꓬꓰ ꓙ ꓔꓳ, ꓙ ꓠ, ꓟ ꓓꓰꓽ ꓖꓶ ꓔ ꓟ ꓥ ꓡꓳ꓿

ꓝꓮꓲ ꓮ ꓟꓶ ꓟ ꓙꓵ, ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓖ‐ꓜ ꓟꓵꓽ ꓗꓪ ꓔꓬ ꓢꓴ ꓟꓯꓼ ꓘꓰ ꓟꓯꓼ ꓑꓬ ꓔꓬ ꓢꓴ ꓐꓴ ꓐꓱ ꓶ  ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓜꓽ ꓓꓴ ꓓꓳ ꓓꓴ ꓔꓬ ꓔꓶ. ꓬꓰ ꓙ ꓠ, ꓟ ꓞꓳ ꓜꓴꓻ ꓗꓴꓷꓼ ꓔꓯ ꓓꓰꓽ ꓔ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓓꓰꓽ ꓔ ꓟ ꓠꓬ ꓟꓵ ꓗꓳ ꓓꓵ ꓓꓵ ꓗꓪ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ ꓝꓮꓲ ꓟꓯꓼ ꓢꓰꓼ ꓡꓯꓽ ꓘꓳ ꓔꓬ ꓟ ꓔꓶ. ꓗꓪ ꓔꓬ ꓟ ꓑ ꓫꓬ ꓐꓴ ꓟꓯꓼ ꓘꓰ ꓟꓯꓼ ꓑꓬ ꓔꓬ ꓢꓴ ꓔꓬ ꓖꓴ ꓟꓽ ꓙꓳ ꓔꓬ ꓢꓴ ꓐꓴ ꓐꓱ ꓶ ꓥ ꓟꓲ ꓠꓲ, ꓫ. ꓟꓬ ꓫ. ꓔꓬ ꓟ ꓐꓰ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓓꓰꓽ ꓔ ꓟ ꓥ ꓡꓳ꓿

ꓝꓮꓲ ꓟꓯꓼ ꓢꓰꓼ ꓡꓯꓽ ꓘꓳꓽ ꓔꓬ ꓟ ꓔꓯ ꓠꓽ ꓗꓷ ꓢꓲ ꓠꓬꓲ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓢꓯꓼ ꓕꓵꓼ ꓠ, ꓟ ꓞꓳ ꓜꓴꓻ ꓗꓴꓷꓼ ꓔꓯ ꓓꓰꓽ ꓔ ꓟ ꓥ ꓡꓳ꓿ ꓝꓮꓲ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓮ ꓟꓬ, ꓪꓽ ꓘꓴ ꓠ, ꓟ ꓐꓯ ꓔ ꓡꓳ ꓐꓰ (Vatican News ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿