ꓟꓲ ꓦꓲꓻ ꓕꓳꓽ ꓥꓳ ꓑꓶ. ꓓꓴ ꓟꓬ‐ꓟ ꓗꓴꓷꓼ ꓗꓪ ꓟꓶ ꓦ ꓦ ꓡ ꓓꓴ ꓙꓳˍ ꓟ ꓓꓳꓽ

7 ꓦ ꓟ 20 ꓠꓬꓲ 2025 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓟꓵꓽ ꓘꓳꓼ ꓔꓯ ꓟꓳ. ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓬꓲ ꓢꓯꓼ ꓮ ꓟꓬ, ꓙꓳ ꓟ ꓟꓲ ꓦꓲꓻ ꓕꓳꓽ ꓥꓳ ꓑꓶ. ꓓꓴ ꓟꓬ‐ꓟ ꓗꓴꓷꓼ ꓘꓴꓽ ꓗꓪ 7 ꓦ ꓟ 21 ꓠꓬꓲ ꓗꓪ ꓐꓰ 26 ꓠꓬꓲ ꓗꓪ ꓛꓲ ꓟꓶ ꓦ ꓦ ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ꓿

ꓬꓲꓻ ꓡꓳ ꓐꓱ ꓓꓽ ꓟ ꓗꓪ ꓒꓬꓱꓼ ꓔꓬ ꓟ ꓬꓲ ꓢꓯꓼ ꓮ ꓟꓬ, ꓙꓳ ꓟ ꓟꓲ ꓦꓲꓻ ꓕꓳꓽ ꓥꓳ ꓙꓱꓼ ꓔꓬ ꓟ ꓪꓴ. ꓠꓬꓲ ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓟꓶ ꓦ ꓦ ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓟꓶ ꓦ ꓦ ꓡ ꓓꓴ ꓙꓳˍ ꓟ ꓠꓬ ꓗ‐ꓛꓲ ꓗꓴꓷꓼ ꓫꓴ ꓢ‐ꓗꓮꓲ ꓟꓵꓽ꓾ ꓚꓧꓲꓠ ꓟꓵꓽ ꓐꓰ ꓠꓱ. ꓐꓯ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓥ ꓟꓲ ꓟꓶ ꓦ ꓦ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓟꓶ ꓦ ꓮ ꓟꓬ, ꓦ ꓡ ꓟ ꓙꓵ, ꓕꓯ ꓟꓵꓽ ꓖꓴ ꓑꓴꓻ ꓟ꓾ ꓟꓵꓽ ꓡꓶꓽ_ ꓟ꓾ ꓮ ꓟꓬ, ꓫꓵꓽ ꓗꓷ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓤ ꓟꓳ ꓠ, ꓟ ꓟꓬ‐ꓟ ꓗꓴꓷꓼ ꓟꓵꓽ ꓘꓳꓼ ꓢꓷ. ꓠꓲ, ꓔꓯ ꓟꓳ. ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ ꓐꓰ (Popular News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿