ꓗ‐ꓛꓲ ꓗꓴꓷꓼ ꓫꓴꓻ ꓟꓳ‐ꓢꓲ‐ꓢ ꓞꓳ ꓘ, ꓗꓪ ꓪꓰ. ꓑꓳ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓑꓳ ꓧꓪ ꓢꓴ (17) ꓣꓳ ꓫꓵꓻ ꓡꓰ ꓟ
7 ꓦ ꓟ 21 ꓠꓬꓲ 2025 ꓘꓳꓼ ꓠꓬꓲ. ꓠꓬꓲ ꓠꓯꓼ ꓠꓯꓼ ꓙꓵ, ꓕꓯ ꓗ‐ꓛꓲ ꓗꓴꓷꓼ ꓫꓴ ꓒ‐ꓗ ꓡꓳ ꓒꓱ ꓗꓪ ꓟꓳ‐ꓢꓲ‐ꓢ ꓞꓳ ꓘ, ꓗꓪ ꓙꓳˍ ꓟ ꓪꓰ. ꓑꓳ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓑꓳ ꓧꓪ ꓢꓴ (17) ꓣꓳ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓗꓷ ꓡꓰ ꓟ ꓠꓬ ꓒ‐ꓗ ꓡꓳ ꓒꓱ ꓟꓳ‐ꓢꓲ‐ꓢ ꓪꓰ. ꓑꓳ ꓚꓴ. ꓔꓶ. ꓬꓲ ꓡꓴ ꓗꓪ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓪꓰ. ꓑꓳ ꓧꓪ ꓔꓬ ꓢꓴ ꓑ ꓫꓬ ꓐꓴ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓫꓵꓻ ꓡꓰ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓢꓴ ꓜꓴꓻ ꓡꓰ ꓧꓪ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓒ‐ꓗ ꓟꓵꓽ ꓗꓪ ꓗꓳ. ꓗꓷ ꓟ 6 ꓦ ꓟ (14) ꓠꓬꓲ ꓕꓯ ꓥ ꓟꓲ ꓪꓰ. ꓑꓳ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫꓵꓻ ꓡꓰ ꓟ ꓙꓳ ꓗꓷ ꓐꓰ ꓢꓷ. ꓪ ꓡꓳ꓿
