Carthage ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyprians ꓚꓺ ꓟꓲꓽ (Church history)
ꓘꓴ ꓜꓲꓼ ꓞꓳ ꓚꓺ ꓟꓲꓽ ꓗꓪ ꓐꓰ Carthage ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyprians ꓚꓺ ꓟꓲꓽ ꓥ ꓡꓳ꓿ Carthage ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyprians ꓔꓯ ꓒꓴ ꓫꓵꓺ ꓮ ꓟꓬ, ꓙꓳ ꓟ ꓕꓲ ꓦꓲꓻ ꓗꓪ ꓐꓰ Carthage ꓡꓳ ꓒꓱ ꓗꓪ ꓦꓵꓻ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓟꓲ ꓠꓯ ꓢꓷ. ꓠꓲ, ꓔꓯ ꓢꓳꓻ ꓣꓴ ꓟꓶ ꓡꓰ ꓗ. ꓠꓯ ꓮ ꓘꓶ. ꓓ ꓟ ꓟ. ꓒ ꓓꓽ ꓕꓲ ꓣꓳ ꓒꓬꓱꓼ ꓡ ꓟ ꓥ ꓡꓳ꓿ Carthage ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyprians ꓠꓬ ꓮꓓ (245) ꓘꓳꓼ ꓕꓯ ꓪꓴ‐ꓢ ꓦꓻ ꓡꓱ ꓡ ꓢꓴ ꓕꓲ ꓣꓳ ꓒꓬꓱꓼ ꓡ ꓗꓷꓳ꓿
ꓝꓮꓲ ꓬꓲ ꓠꓬ ꓬꓲ ꓠꓯ, ꓗꓪ ꓙꓳˍ ꓟ ꓮ ꓙꓵꓽ ꓔꓯ ꓪꓴꓽ ꓗꓷ ꓢꓲ ꓠꓬꓲ ꓒꓴ ꓫꓵˍ ꓔꓯ ꓠꓬ ꓫ. ꓢꓴ ꓟꓷꓽ ꓢꓴ ꓐꓴ ꓔꓯ ꓬꓰ ꓙ ꓗꓷ ꓟ ꓥ ꓡꓳ꓿ ꓕꓲ ꓐꓱ ꓔꓯ ꓠꓬ ꓘꓴ ꓜꓲꓼ ꓞꓳ ꓠꓯ, ꓗꓪ ꓣꓱ ꓬꓯꓼ ꓔꓬ ꓟ ꓔꓶ. ꓗꓪ ꓣꓱ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓪꓴ‐ꓢ ꓐꓯ ꓘꓶ. ꓢꓳꓻ ꓣꓴ ꓗꓷ ꓢꓲ ꓠꓬꓲ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓗꓷꓳ꓿ ꓗ. ꓠꓯ, ꓬꓲ ꓠꓯ Carthage ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓕꓲ ꓪ ꓒꓬꓱꓼ ꓡ ꓡꓳ꓿
ꓬꓲ ꓠꓬ ꓘꓴ ꓜꓲꓼ ꓞꓳ ꓠꓯ, ꓗꓪ ꓐꓰ ꓕꓳ ꓶ ꓐꓳ ꓒꓽ ꓓꓽ ꓕꓲ ꓣꓳ ꓥ ꓟ Tertullian ꓡꓰ ꓐꓳ ꓔ ꓟ ꓕꓳ ꓶ ꓔꓯ ꓮ ꓕꓯ ꓥ ꓟꓲ ꓵꓻ ꓢꓴ ꓕꓲ ꓣꓳ ꓥ ꓡꓳ꓿ ꓝꓮꓲ ꓕꓳ ꓶ ꓐꓳ ꓒꓽ ꓓꓽ Tertullian ꓠꓬ ꓬꓲ. ꓟ. ꓒ ꓟꓲ ꓥ ꓡꓳ꓿
Carthage ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyprians ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓘꓴ ꓜꓲꓼ ꓞꓳ ꓠꓬ ꓢꓲꓺ ꓒ ꓬꓰ‐ꓢꓴ ꓠꓯ, ꓗꓪ ꓮ ꓕꓯ ꓥ ꓟꓲ ꓪꓽ ꓡꓯꓽ ꓘꓳ ꓫꓱ, ꓡꓯꓽ ꓘꓳ, ꓟ ꓚꓱ, ꓔꓯ (On the unity of Catholic Church) ꓕꓳ ꓶ ꓑꓷꓠ ꓗꓪ ꓐꓳ ꓔ ꓟ ꓥ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓢꓲꓺ ꓒ ꓬꓰ‐ꓢꓴ ꓡꓰ ꓔꓶ ꓔ ꓟ ꓘꓴ ꓜꓲꓼ ꓞꓳ ꓠꓬ ꓮ ꓟꓬ, ꓛꓲ ꓣꓳ ꓚꓵ, ꓟ ꓚꓱ, ꓔꓯ ꓥ ꓟꓲ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓗꓷ ꓟ ꓟ. ꓟꓲꓽ ꓔꓯ ꓙꓲ‐ꓢꓴ ꓢꓲꓺ ꓤ ꓐꓴ ꓢꓷ. ꓡꓰ ꓠ, ꓟ ꓕꓳ ꓶ ꓮ ꓟꓬ, ꓑꓷꓠ ꓐꓳ ꓖꓶ ꓗꓷ ꓟ ꓥ ꓡꓳ꓿
Carthage ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyprians ꓕꓯ ꓟꓽ ꓙꓲ ꓢꓴ ꓐꓴ ꓡꓰ (258) ꓢꓰꓼ ꓗꓷ ꓟ ꓥ ꓡꓳ꓿ Carthage ꓡꓳ ꓒꓱ ꓠꓬ ꓮ ꓟꓶ ꓟ ꓙꓵ, ꓗꓪ African ꓗꓴꓷꓼ ꓗꓪ ꓙꓳˍ ꓟ ꓡꓳ ꓒꓱ ꓓꓽ ꓕꓲ ꓡꓳ ꓒꓱ ꓥ ꓡꓳ꓿ ꓫ. ꓟꓳ꓿
