ꓴꓗꓣꓮꓲꓠꓰ ꓗꓴꓷꓼ ꓗꓪ ꓐꓰ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓟ ꓔꓯ ꓢꓷ. ꓡꓰ ꓠ, ꓟ ꓗꓴꓷꓼ ꓘꓴꓽ ꓗꓪ ꓙ ꓖꓴ ꓫꓱ, ꓟ ꓓꓳꓽ

 7 ꓦ ꓟ 13 ꓠꓬꓲ 2025 ꓘꓳꓼ ꓕꓯ ꓴꓗꓣꓲꓠꓰ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ Archbishop Gudziak ꓠꓬ ꓗꓴꓷꓼ ꓘꓴꓽ ꓗꓪ ꓔꓳ, ꓜꓳ ꓔꓬ ꓟ ꓠꓲ, ꓫ. ꓟꓬ, ꓫ. ꓓꓴ ꓔꓯ ꓙꓲ ꓢꓴ ꓢꓲꓺ ꓤ ꓐꓴ ꓐꓰ ꓕꓲ ꓪ ꓔꓬ ꓡꓳ ꓐꓰ ꓢꓷ.  ꓡꓰ ꓠ, ꓟ ꓗꓴꓷꓼ ꓘꓴꓽ ꓗꓪ ꓙ ꓖꓴ ꓫꓱ, ꓢꓲ ꓠꓬꓲ ꓟ. ꓖꓶ ꓗꓷ ꓟ ꓥ ꓡꓳ꓿

ꓬꓲ ꓡꓰ ꓫ. ꓕꓱ ꓟ ꓠꓬ ꓗꓴꓷꓼ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓮ ꓟꓬ, ꓙꓳ ꓥ ꓟꓲ ꓠꓲ, ꓟ ꓟꓽ ꓐꓬ ꓡꓰ ꓠꓲ, ꓫ. ꓟꓬ, ꓫ. ꓓꓴ ꓔꓯ ꓥꓳ ꓡꓳ ꓓꓴ ꓙꓳ ꓠ, ꓟ ꓙꓵꓻ ꓠꓲ, ꓙꓳ ꓠ, ꓟ ꓦꓮꓔꓲꓚꓮꓠ ꓓꓳꓽ ꓫꓵꓽ ꓐꓴ ꓐꓰ ꓜꓲꓼ ꓗꓷ ꓕꓯ ꓫ. ꓕꓱ ꓗꓷꓳ꓿

ꓴꓗꓣꓲꓠꓰ ꓔꓲꓺ ꓒ ꓓꓽ ꓠꓬ ꓔꓲꓺ ꓒ ꓓꓽ ꓐꓴ ꓠꓬ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓡ ꓞꓳ ꓢꓷ. ꓡꓲ ꓠ, ꓟ ꓮ ꓟꓬ, ꓬꓰ ꓟꓽ ꓐ ꓡ ꓐꓰ ꓓꓵ ꓙ ꓥ ꓟꓲ꓾ ꓬꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓫ. ꓓꓴ ꓟꓷꓽ ꓓꓴ ꓠꓲ, ꓫ. ꓟꓬ, ꓫ. ꓓꓴ ꓔꓯ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓕꓲ ꓪ ꓔꓳ, ꓜꓳ ꓔꓬ ꓡꓳ ꓐꓰ ꓢꓷ. ꓡꓰ ꓠ, ꓟ ꓙ ꓖꓴ ꓫꓱ, ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓴꓗꓣꓲꓠꓰ ꓗꓴꓷꓼ ꓗꓪ 2022 ꓘꓳꓼ ꓗꓪ ꓐꓰ ꓑ ꓫꓬ ꓐꓴ ꓮ ꓟꓬ, ꓟꓯꓼ ꓘꓰ ꓟꓯꓼ ꓑꓬ ꓔꓶ. ꓗꓪ ꓔꓬ ꓠ, ꓗꓷ ꓡꓰ ꓟ ꓥ ꓡꓳ꓿ ꓕꓱ ꓑ ꓫꓬ ꓐꓴ ꓘꓴꓽ ꓗꓪ ꓐꓰ ꓕꓲ ꓐꓱ ꓠꓬ ꓚꓲ. ꓛꓬ ꓦꓲꓻ ꓗꓪ ꓡ ꓡ ꓢꓲ ꓠꓬꓲ ꓔꓬ ꓢꓴ ꓙꓳ ꓟ ꓡꓰ ꓐꓰ ꓠꓱ. ꓐꓯꓼ ꓗꓴꓷꓼ ꓗꓪ ꓔꓬ ꓡꓰ ꓢꓴ ꓐꓴ ꓟꓲ ꓙꓳ ꓟ ꓥ ꓡꓳ꓿

ꓴꓗꓣꓲꓠꓰ ꓗꓴꓷꓼ ꓗꓪ ꓑ ꓫꓬ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓠꓬ ꓠꓲ, ꓟ ꓫ. ꓓꓴ ꓓꓴ ꓙ ꓪꓴꓽ ꓧꓶꓻ ꓓꓴ  ꓔꓯ ꓔꓳ, ꓜꓳ ꓔꓬ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓓꓽ ꓠꓬ ꓑ ꓫꓬ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓮ ꓟꓬ, ꓪꓽ ꓘꓴ ꓙ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ ꓪꓽ ꓘꓴ ꓙ ꓟ ꓪꓴ. ꓠꓬꓲ ꓟꓯꓼ ꓢꓰꓼ ꓡꓯꓽ ꓘꓳ, ꓓꓴ ꓔꓯ ꓠꓽ ꓗꓷ ꓝꓲ ꓐ ꓡ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓵꓽ ꓗꓳ ꓓꓵ ꓓꓵ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓴꓗꓣꓲꓠꓰ ꓗꓴꓷꓼ ꓐꓱ ꓶ ꓮ ꓟꓬ, ꓪꓽ ꓘꓴ  ꓙ ꓠ, ꓟ ꓓꓰꓽ ꓔ ꓡꓳ ꓐꓰ (ꓦꓮꓔꓲꓚꓮꓠ ) ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿