ꓚꓧꓲꓠ‐ꓓꓪꓲꓠ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜꓽ ꓓꓴ ꓓꓳ ꓓꓴ ꓫ. ꓔꓬ ꓟ

7 ꓦ ꓟ 14 ꓠꓬꓲ 2025 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓘꓴPꓽ ꓗꓪ ꓬꓲ ꓔꓬ ꓟ ꓚꓧꓲꓠꓰ‐ꓓꓪꓰꓰ‐ꓟꓬꓲꓔ ꓬꓲꓻ ꓙꓬ ꓡꓳ ꓠꓬ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓐꓰ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓱ ꓗꓷ ꓡꓰ ꓟ ꓠꓬ ꓚꓧꓲꓠꓰ‐ꓓꓪꓰꓰ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓟꓳ‐ꓬꓳ ꓞꓳ ꓘ, ꓒ ꓕꓲ ꓗꓪ ꓙꓳ ꓟ ꓞꓳ ꓘ, ꓮ ꓟꓬ, ꓗꓪ ꓐꓰ ꓑ ꓫꓬ ꓐꓴ ꓬꓲꓻ ꓙꓬ ꓟꓽ ꓛꓲ ꓡ ꓟ ꓔꓶ. ꓗꓪ ꓘꓰ ꓙꓰ ꓗꓷꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓟꓽ ꓓꓵ ꓙ ꓔ ꓟ ꓙꓵ, ꓕꓯ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓦꓲꓻ ꓘꓴꓽ ꓗꓪ ꓙꓳ ꓟ ꓮ ꓙꓵꓽ ꓠꓬ ꓬꓲꓻ ꓙꓬ ꓙꓵꓽ ꓟꓶ. ꓡꓰꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓜ ꓓꓴ ꓓꓳ ꓓꓴ ꓫ. ꓡ ꓓꓴ ꓙꓳ ꓡꓳ ꓐꓰ ꓫ. ꓕꓱ ꓔ ꓡꓳ꓿

ꓝꓮꓲ ꓑ ꓫꓬ ꓐꓴ ꓔꓶ. ꓔ ꓟ ꓦꓻ ꓟꓲ ꓮ ꓟꓬ, ꓥ ꓟꓲ ꓐꓬ ꓡꓰꓳ ꓐꓰ  ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓥ ꓡꓳ꓿ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓞꓳ ꓘ, ꓮ ꓙꓵꓽ ꓠꓬ (25) ꓡꓰ ꓔꓶ ꓔ ꓟ ꓦ ꓟꓲ ꓐꓬ ꓡꓰ ꓟ ꓪꓴ. ꓠꓬꓲ ꓜ ꓓꓴ ꓓꓳ ꓓꓴ ꓮ ꓘꓶ. ꓫ. ꓡ ꓓꓴ ꓙꓳ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓡꓳ ꓐꓰ (Popular News journal)