ꓖꓴ ꓟꓶ. ꓗꓳꓣꓰꓮꓠ ꓗꓴꓷꓼ ꓗꓪ ꓙꓵꓻ ꓠꓲ, ꓑꓶ. ꓓꓴ ꓢꓰꓼ ꓡꓰ ꓢꓴ ꓐꓴ (103) ꓣꓳ ꓔꓯ ꓙꓲꓻ ꓫꓬ ꓢꓴ ꓐꓰ ꓟꓬꓱꓺ ꓓꓳꓽ ꓖꓶ ꓗꓷ ꓟ ꓑꓮꓲꓽ ꓓꓽ ꓬꓰˍ ꓟ

7 ꓦꓟ 10 ꓠꓬꓲ 2025 ꓘꓳꓼ ꓔꓯ ꓖꓴ ꓟꓶ. ꓗꓴꓷꓼ ꓗꓪ  ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓗꓷ ꓢꓴ (79) ꓣꓳ ꓔꓯ ꓙꓲꓻ ꓫꓬ ꓢꓴ ꓐꓰ ꓟꓬꓱꓺ ꓓꓳꓽ ꓖꓶ ꓒꓴ ꓗ ꓬꓰ ꓟ (100) ꓐꓲ ꓙꓴ‐ꓐꓲ‐ꓡꓲ ꓑꓮꓲꓽ  ꓓꓽ ꓔꓯ ꓬꓰ ꓗꓷꓳ ꓐꓰ ꓢꓷ. ꓪ ꓡꓳ꓿

ꓕꓱ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓡꓰ ꓢꓴ ꓐꓴ ꓠꓬ (1836) ꓘꓳꓼ ꓕꓯ ꓖꓴ ꓟꓶ ꓗꓳꓣꓰꓮꓠ ꓗꓴꓷꓼ (Gihae) ꓟꓬꓱꓺ ꓔ ꓟ ꓟꓵꓽ ꓗꓪ ꓙꓵꓻ ꓠꓲ, ꓑꓶ. ꓓꓴ ꓟꓽ ꓙꓲ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓟꓶ ꓢꓴ ꓐꓴ ꓥ ꓡꓳ꓿

ꓕꓱ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓡꓰ ꓢꓴ ꓐꓴ ꓘꓴꓽ ꓗꓪ ꓐꓰ (79) ꓣꓳ ꓔꓯ (1925) ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓑꓳꓑꓰ ꓑꓲꓴꓢ ꓫꓲ ꓠꓬ ꓙꓲꓻ ꓫꓬ ꓢꓴ ꓐꓰ ꓟꓬꓱꓺ ꓓꓳꓽ ꓖꓶ ꓟꓶ ꓡꓰ ꓢꓴ ꓐꓴ ꓥ ꓡꓳ꓿

ꓝꓮꓲ ꓔꓲꓺ ꓒ (7) ꓣꓳ ꓐꓰ ꓜꓲ ꓤ ꓢꓴ ꓐꓴ ꓔꓯ ꓠꓬ ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓡꓰ (1984) ꓘꓳꓼ ꓕꓯ ꓙꓲꓻ ꓫꓬ ꓢꓴ ꓡ ꓞꓳ ꓐꓴ ꓟꓬꓱꓺ ꓓꓳꓽ ꓖꓶ ꓒꓵꓽ ꓗ ꓬꓰ ꓖꓶ ꓗꓷꓳ꓿ ꓕꓱ ꓙꓲꓻ ꓫꓬ ꓢꓴ (79) ꓣꓳ ꓗꓪ ꓐꓰ (41) ꓣꓳ ꓠꓬ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓡꓰ ꓢꓴ ꓐꓴ ꓥ ꓢꓲ ꓠꓬꓲ ꓬꓲ ꓪ ꓔꓯ ꓗꓳꓣꓰꓮꓠ ꓗꓴꓷꓼ ꓢꓰꓳꓴꓡ ꓡꓳ ꓒꓱ ꓗꓪ ꓙꓳˍ ꓟ ꓚꓺ ꓟꓲꓽ ꓦꓲꓻ ꓘꓴꓽ ꓗꓪ ꓬꓲ ꓪ ꓚꓱ, ꓔꓯ ꓟ. ꓖꓶ ꓔ ꓟ  ꓥ ꓡꓳ꓿

ꓗꓳꓣꓰꓮꓠ ꓗꓴꓷꓼ ꓘꓴꓽ ꓗꓪ (1900) ꓘꓳꓼ ꓘꓴꓽ ꓗꓪ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓙꓲ‐ꓢꓴ ꓢꓲꓺ ꓤ (16000) ꓣꓳ ꓟꓽ ꓙꓲ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓔꓯ ꓔꓳ, ꓜꓳ ꓡꓰ ꓟ ꓥ ꓡꓳ꓿ ꓠꓬꓲ. ꓠꓬꓲ ꓗꓪ ꓗꓳꓣꓰꓮꓠ ꓗꓴꓷꓼ ꓗꓪ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬ ꓡ ꓟ ꓗꓴꓷꓼ ꓥ ꓡꓳ꓿