ꓮꓓ (50) ꓘꓳꓼ ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓕꓯ ꓚꓺ ꓟꓲ. ꓖꓶ ꓟ ꓚꓱ,
ꓮꓓ (50) ꓘꓳꓼ ꓕꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓚꓺ ꓟ. ꓖꓶ ꓗꓷ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓝꓲ ꓓꓴ ꓐꓴ ꓔꓯ ꓟꓵꓽ ꓗꓳ ꓓꓵ ꓓꓵ ꓗꓪ ꓙꓰ ꓢꓲ ꓠꓬꓲ ꓞꓳ ꓫꓵꓽ ꓞꓳ ꓙꓵꓽ ꓮ ꓙꓵꓽ ꓔꓯ ꓪꓴ‐ꓢ ꓶ ꓓꓳꓽ ꓫꓱ, ꓓꓳ ꓚꓺ ꓟ. ꓖꓶ ꓠ, ꓟ ꓬꓲ ꓝꓲ ꓓꓴ ꓒꓬꓱꓼ ꓠ,ꓟ ꓐꓯ ꓔ ꓟ ꓥ ꓡꓳ꓿
ꓕꓱ ꓡꓱ ꓐꓰ ꓝꓲ ꓓꓴ ꓐꓴ ꓗꓪ ꓐꓰ ꓕꓲ ꓝ ꓗꓪ ꓕꓲ ꓝ ꓙꓵꓽ ꓪ ꓘꓳ, ꓣꓴ ꓟꓶ ꓡꓰ ꓢꓴ ꓐꓴ ꓥ ꓟ ꓔꓲꓺ ꓒ ꓓꓽ ꓐꓰ ꓔꓲꓺ ꓒ ꓐꓴ ꓠꓬ ꓪꓴ‐ꓢ ꓐꓯ ꓘꓶꓽ ꓶ ꓓꓳꓽ ꓫꓱ, ꓓꓳ ꓔꓯ ꓟꓽ ꓠꓽ ꓠꓽ ꓚꓺ ꓟ. ꓖꓶ ꓗꓷ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓕꓯ ꓢꓲꓽ ꓫꓬ ꓕꓳ ꓶ ꓐꓳ ꓒꓽ ꓐꓴ ꓐꓰ ꓝꓲ ꓓꓴ ꓐꓴ ꓡꓰ ꓐꓳ ꓔ ꓟ ꓥ ꓟꓲ ꓮ ꓙꓵꓽ ꓔꓯ ꓐꓳ ꓔ ꓟ ꓟꓽ ꓥ꓿
ꓕꓱ ꓡꓰ ꓐꓰ ꓮ ꓠꓱ ꓟ ꓝꓲ ꓓꓴ ꓐꓴ ꓐꓰ ꓬꓲ ꓪ ꓕꓯ ꓛꓳꓽ ꓢꓴ ꓐꓴ ꓔꓯ ꓔꓲꓺ ꓒ ꓓꓽ ꓐꓴ ꓐꓰ ꓟꓬꓱꓽ ꓙ ꓢꓴ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓔꓯ ꓟꓷ ꓠꓯ ꓘꓶꓽ ꓗꓪ ꓐꓰ ꓟ. ꓖꓶ ꓔ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓠ, ꓟ ꓕꓳ ꓶ ꓐꓳ ꓠ, ꓟ ꓢꓯꓼ ꓖꓶ ꓗꓷ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓙꓵꓻ ꓠꓲ, ꓚꓱ, ꓐꓰ ꓪꓴ‐ꓢ ꓐꓯ ꓘꓶꓽ ꓔꓯ ꓐꓳ ꓢꓴ ꓐꓴ ꓔꓯ ꓮꓑꓳꓢꓔꓳꓡꓲꓚ ꓝꓮꓔꓧꓰꓣ ꓐꓰ ꓙꓵꓻ ꓠꓲ, ꓐ, ꓐ ꓐꓴ ꓐꓰ ꓘꓴ ꓟ ꓥ ꓡꓳ꓿
ꓬꓲ ꓪ ꓠꓬ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓐꓰ ꓝꓮꓲ ꓝꓲ ꓓꓴ ꓐꓴ ꓔꓯ ꓛꓳꓽ ꓢꓴ ꓐꓴ ꓗꓪ ꓐꓰ ꓟ. ꓖꓶ ꓟ ꓙꓵꓻ ꓠꓲ, ꓔꓯ ꓠ ꓡꓳ ꓪ ꓢꓴ ꓐꓴ ꓥ ꓡꓳ꓿
ꓬꓲ ꓪ ꓜꓴꓻ ꓡꓰ ꓐꓳ ꓔ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓓꓽ ꓪꓴ. ꓦꓻ ꓡꓱ ꓢꓴ ꓐꓴ ꓮ ꓡꓰ ꓐꓰ ꓛꓳꓽ ꓫꓱ, ꓚꓱ, ꓐꓰ ꓘꓴ ꓜꓲꓼ ꓞꓳ ꓗꓪ ꓮ ꓡꓰ ꓛꓳꓽ ꓠ, ꓟ ꓙꓵꓽ ꓗꓽ ꓐꓴ ꓥ ꓡꓳ꓿
ꓕꓳ ꓶ ꓐꓳ ꓢꓴ ꓐꓴ ꓗꓪ ꓐꓰ ꓮꓓ (90) ꓘꓳꓼ ꓕꓯ ꓢꓯ. ꓔꓬ ꓗꓷ ꓢꓴ ꓔꓲꓺ ꓒ ꓪ ꓔꓲ ꓚꓡꓰꓟꓰꓠꓔ ꓠꓬ ꓮ ꓘꓶ. ꓛꓲ ꓟꓬꓱꓺ ꓓꓳꓽ ꓙꓳ ꓢꓴ ꓕꓲ ꓣꓳ ꓥ ꓡꓳ꓿ ꓙꓲꓻ ꓫꓬ ꓢꓴ ꓚꓡꓰꓟꓰꓠꓔ ꓡꓰ ꓘꓳ‐ꓡꓲ‐ꓕꓵ ꓡꓳ ꓒꓱ ꓗꓪ ꓔꓬ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓕꓳ ꓶ ꓐꓳ ꓟ ꓙꓵ, ꓕꓯ ꓐꓲꓢꓧꓳꓑ ꓳꓝ ꓣꓳꓟꓰ ꓐꓰ ꓣꓱ ꓢꓲ ꓠꓬꓲ ꓕꓳ ꓶ ꓐꓳ ꓗꓷ ꓟ ꓔꓯ ꓡꓳ. ꓟꓳ ꓪ ꓟ ꓥ ꓡꓳ꓿ ꓣꓳ‐ꓟ ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓟꓬꓱꓺ ꓣꓱ ꓢꓲ ꓠꓬꓲ ꓕꓳ ꓶ ꓐꓳ ꓟ ꓔꓯ ꓡꓳ. ꓟꓳ ꓪ ꓟ ꓥ ꓡꓳ꓿
ꓮꓓ (50) ꓘꓳꓼ ꓕꓯ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓗꓷ ꓢꓴ St Anastasius ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓙꓱꓽ ꓤ ꓜꓻ ꓖꓶ ꓜꓽ ꓗꓷ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓛꓲ ꓔꓬ ꓫ. ꓡꓰ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ St Anastasius ꓡꓰ ꓐꓳ ꓔ ꓟ ꓠꓬ ꓘꓴ ꓜꓲꓼ ꓞꓳ ꓡꓰ ꓟ. ꓖꓶ ꓡ ꓟ ꓙꓵꓻ ꓠꓲ, ꓚꓱ, ꓠꓬ ꓟꓽ ꓥꓳꓽ ꓡꓰ ꓐꓰ ꓐꓳ ꓔ ꓟ ꓥ ꓡꓳ꓿
ꓬꓲ ꓡꓰ ꓐꓯ ꓔ ꓟ ꓠꓬ ꓘꓴ ꓜꓲꓼ ꓞꓳ ꓠꓬ ꓢꓲꓽ ꓫꓬ ꓟ ꓘꓴ ꓜꓲꓼ ꓞꓳ ꓥ ꓟ ꓐꓰ ꓣꓳ‐ꓟ ꓡꓳ ꓒꓱ ꓗꓪ ꓐꓰ ꓟꓵ ꓗꓳ ꓓꓵ ꓓꓵ ꓗꓪ ꓔꓬ ꓟ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓔꓯ ꓕꓳ ꓶ 7 ꓑꓷꓠ ꓐꓳ ꓖꓶ ꓟ ꓥ ꓡꓳ꓿ ꓕꓱ ꓡꓱ ꓮ ꓠꓱ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓘꓶ. ꓛꓲ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓥ ꓟꓲ ꓠꓲ, ꓟ ꓟꓽ ꓐꓬ ꓡꓰ ꓕꓲ ꓞꓲꓼ ꓢꓯꓼ ꓟꓬ ꓐꓱ ꓶ ꓢꓯꓼ ꓕꓵꓼ ꓗꓷꓳ꓿
