ꓔꓲꓺ ꓒ ꓪ ꓔꓲ ꓡꓰꓳ (14) ꓡꓰ ꓞꓳ ꓡꓱ ꓞꓳ ꓡꓯ. ꓐꓴ ꓔꓯ ꓫ. ꓕꓱ ꓗꓷ ꓟ ꓠꓬ ꓣꓳ ꓮ ꓙꓵꓽ ꓠꓬ ꓪꓴ‐ꓢ ꓔꓯ ꓧꓪ ꓢꓴ ꓐꓴ ꓥ ꓢꓲ ꓠꓬꓲ꓾ ꓮ ꓕꓱ ꓥ ꓟꓲ ꓪꓴ‐ꓢ ꓔꓯ ꓧꓪ ꓠ, ꓟ ꓶꓻ ꓙꓳ_ ꓡꓳ ꓐꓰ ꓐꓯ ꓔ ꓟ꓾
7 ꓦ ꓟ 5 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓞꓳ ꓡꓱ ꓞꓳ ꓡꓯ. ꓐꓴ ꓔꓯ ꓜꓲꓼ ꓟ ꓙꓵ, ꓕꓯ ꓫ. ꓕꓱ ꓟ ꓠꓬ ꓣꓳ ꓮ ꓙꓵꓽ ꓠꓬ ꓪꓴ‐ꓢ ꓔꓯ ꓧꓪ ꓢꓴ ꓐꓴ ꓥ ꓢꓲ ꓠꓬꓲ ꓮ ꓕꓯ ꓥ ꓟꓲ ꓪꓴ‐ꓢ ꓔꓯ ꓧꓪ ꓠ, ꓟ ꓶꓻ ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓔꓲꓺ ꓒ ꓪ ꓔꓲ ꓐꓰ ꓰꓠꓖꓡꓮꓠꓖ꓾ ꓓꓰꓟꓮꓣꓗ꓾ ꓢꓚꓳꓔꓡꓮꓠꓓ꓾ ꓗꓴꓷꓼ ꓮ ꓟꓬ, ꓗꓪ ꓐꓰ ꓞꓳ ꓡꓱ ꓐꓴ ꓐꓰ ꓔꓲꓺ ꓒ ꓓꓽ ꓐꓴ ꓔꓯ ꓕꓲ ꓪ ꓦꓲꓔꓲꓚꓮꓠ ꓡꓳ ꓒꓱ ꓗꓪ ꓙꓴ‐ꓐꓲ‐ꓡꓲ ꓘꓳꓼ ꓐꓱ ꓶ ꓚꓳ ꓡ ꓟ ꓙꓵ, ꓕꓯ ꓞꓳ ꓡꓱ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓗꓷ ꓟ ꓠꓬ ꓿
ꓣꓳ ꓙꓲ‐ꓢꓴ ꓢꓲꓺꓤ ꓐꓴ ꓐꓱ ꓶ ꓣꓳ‐ꓟ ꓡꓳ ꓒꓱ ꓠꓬ ꓮ ꓘꓶ. ꓛꓲ ꓣꓳ ꓚꓵ_ ꓟ ꓬꓲ ꓔꓶ. ꓕꓲ ꓔꓶ. ꓥ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓥ ꓟ ꓝꓲ ꓓꓴ ꓒꓲ‐ꓕꓱ ꓐꓰ ꓝꓲ ꓓꓴ ꓒꓳ‐ꓡꓳ ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓫꓵꓻ ꓢꓲ ꓠꓬꓲ ꓔꓵꓼ ꓔ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓞꓳ ꓡꓯ. ꓐꓴ ꓔꓯ ꓢꓯꓼ ꓖꓶ ꓟ ꓠꓬ ꓪꓴ‐ꓢ ꓠꓬ ꓠꓴ ꓪ ꓞꓳ ꓡꓯ. ꓐꓴ ꓕꓲ ꓣꓳ ꓛꓳꓽ ꓕꓲ ꓣꓳ ꓠꓯꓼ ꓗꓪ ꓬꓲ ꓔꓶꓻ ꓙꓱꓼ ꓙꓳ ꓡꓳ ꓐꓰ ꓐꓯ ꓔ ꓡꓳ꓿ ꓟ. ꓒꓽ ꓐꓴ ꓔꓯ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓛꓲ ꓡ ꓟ ꓤꓶꓻ ꓦꓬꓼ ꓠꓬꓲ ꓗꓪ ꓘꓴ ꓜꓲꓼ ꓞꓳ ꓐꓱ ꓶ ꓗꓴꓷꓼ ꓐꓱ ꓶ ꓮ ꓙꓵꓽ ꓣꓳꓺ ꓚꓵ_ ꓟ ꓠꓬ ꓞꓳ ꓡꓯ. ꓐꓴ ꓥ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓗꓪ ꓧꓳꓽ ꓪꓴ. ꓟꓴ ꓢꓴ ꓐꓴ ꓔꓯ ꓥ ꓟꓲ ꓮ ꓘꓶ. ꓛꓲ ꓫ. ꓟꓳ ꓔꓬ ꓟ ꓔꓯ ꓫ. ꓕꓱ ꓗꓷꓳ꓿
ꓬꓲ ꓟꓶ ꓗꓪ ꓞꓳ ꓡꓯ. ꓐꓴ ꓔꓯ ꓣꓳ ꓠꓬ ꓪꓴ‐ꓢ ꓔꓯ ꓧꓪ ꓡ ꓟ ꓗꓪ ꓐꓰ ꓝꓲ ꓓꓴ ꓐꓴ ꓫꓵꓻ ꓔꓶ. ꓗꓪ ꓡꓳ. ꓠꓬꓲ ꓡ ꓟ ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓡꓰ ꓟꓽ ꓡꓳ, ꓬꓰ_ ꓟ꓾ ꓣꓳ ꓙꓵꓻ ꓠꓲ, ꓗꓪ ꓐꓰ ꓣꓳ ꓢꓯ. ꓔꓬ ꓟ ꓤꓶꓻ ꓗꓪ ꓞꓳ ꓫꓱꓽ ꓠ, ꓟ ꓣꓳꓺ ꓚꓵ_ ꓟ ꓔꓯ ꓫ. ꓕꓱ ꓗꓷ ꓟ ꓥ ꓡꓳ ꓐꓰ (ꓦꓮꓔꓲꓚꓮꓠ) ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
