ꓢꓲꓺ ꓒ ꓬꓰ‐ꓢꓴ ꓢꓯ. ꓐꓬꓱ ꓓꓱꓽ ꓢꓴ Jonathan Roomie ꓡꓰ ꓣꓳ ꓤꓶꓻ ꓗꓪ ꓢꓲꓺ ꓒ ꓬꓰ‐ꓢꓴ ꓐꓰ ꓕꓲ ꓪ ꓔꓬ ꓕꓯ ꓢꓲ ꓟꓬꓽ ꓠꓬ ꓙꓲ ꓟ ꓤꓶꓻ ꓒꓬꓱꓼ ꓡ ꓓꓴ ꓥꓳ ꓐꓰ ꓐꓯ ꓔ ꓟ
6 ꓦ ꓟ 27 ꓠꓬꓲ 2025 ꓘꓳꓼ ꓕꓯ (The Chosen ) ꓢꓲꓺ ꓒ ꓬꓰ‐ꓢꓴ ꓢꓲ. ꓐꓬꓱ ꓓꓱꓽ ꓢꓴ ꓙꓳꓠꓮꓔꓧꓮꓠ ꓠꓬ ꓬꓲ ꓮ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓢꓯ. ꓐꓬꓱ ꓔꓯ ꓮ ꓡꓰ ꓐꓰ ꓓꓱꓽ ꓗꓷ ꓟ ꓔꓯ ꓟ. ꓟꓲꓽ ꓚꓺ ꓗꓷ ꓟ ꓐꓰ ꓢꓲꓺ ꓒ ꓬꓰ‐ꓢꓴ ꓚꓱ, ꓔꓯ ꓮ ꓡꓰ ꓐꓰ ꓢꓯ. ꓐꓬꓱ ꓓꓱꓽ ꓚꓱ, ꓔꓯ ꓫ. ꓕꓱ ꓗꓷ ꓟ ꓥ ꓡꓳ꓿ꓙꓳꓠꓮꓔꓧꓮꓠ ꓠꓬ ꓔꓲꓺ ꓒ ꓪ ꓔꓲ ꓡꓰꓳ (14) ꓔꓯ ꓦꓮꓔꓲꓚꓮꓠ ꓡꓳ ꓒꓱ ꓗꓪ ꓡꓯꓽ ꓫꓴꓻ ꓥ ꓟꓲ ꓖꓶ ꓗꓷ ꓟ ꓥ ꓡꓳ꓿
ꓙꓳꓠꓮꓔꓧꓮꓠ ꓡꓰ ꓔꓲꓺ ꓒ ꓪ ꓔꓲ ꓔꓯ ꓖꓶ ꓟ ꓡꓯ ꓫꓴꓻ ꓠꓬ ꓗ, ꓤ ꓕꓲ ꓟ ꓘꓴꓽ ꓗꓪ ꓢꓲꓺ ꓒ ꓬꓰ‐ꓢꓴ ꓢꓯ. ꓐꓬꓱ ꓓꓱꓽ ꓟ ꓙꓵ, ꓕꓯ ꓣꓱ ꓗꓷ ꓟ ꓙꓵ, ꓕꓯ ꓣꓱ ꓗꓷ ꓟ ꓢꓲ, ꓗꓪ ꓐꓰ ꓫꓬ, ꓔ ꓟ ꓡꓯꓼ ꓐꓳ ꓔꓶ. ꓓꓴ ꓐꓰ ꓡꓯꓼ ꓐꓳ ꓔꓶ. ꓓꓴ ꓗꓪ ꓕꓯꓼ ꓔꓶ. ꓗꓷ ꓟ ꓙꓵ, ꓕꓯ ꓣꓱ ꓟ ꓧꓳ ꓝꓲ ꓔꓯ ꓡꓯ ꓫꓴꓻ ꓖꓶ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓢꓯ. ꓐꓬꓱꓽ ꓓꓱ ꓢꓴ ꓙꓳꓠꓮꓔꓧꓮꓠ ꓡꓰ ꓫ. ꓔꓱ ꓔ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓢꓯ. ꓐꓬꓱ ꓓꓱꓽ ꓟ ꓕꓯ ꓢꓲꓺꓒ ꓬꓰ‐ꓢꓴ ꓠꓬ ꓟꓲ ꓠꓯ ꓡ ꓞꓳ ꓕꓲ ꓒꓳ, ꓗꓪ ꓮ ꓡꓰ ꓐꓰ ꓢꓯ. ꓔꓬ ꓗꓷ ꓟ ꓔꓯ ꓮ ꓘꓶ. ꓢꓯꓼ ꓕꓵꓼ ꓢꓴ ꓓꓱꓽ ꓗꓷ ꓐꓰ ꓐꓯ ꓔ ꓡꓳ꓿ ꓝꓮꓲ ꓬꓲ ꓡꓰ ꓡꓯꓼ ꓐꓳ ꓔꓶ. ꓓꓴ ꓗꓪ ꓕꓯꓼ ꓔꓶ. ꓗꓷ ꓟ ꓔꓯ ꓓꓱꓽ ꓟ ꓙꓵ, ꓕꓯ ꓮ ꓘꓶ. ꓫ. ꓓꓴ ꓙꓳ ꓥ ꓟꓲ ꓪꓴ‐ꓢ ꓣꓱ ꓛꓰ ꓑꓶ. ꓓꓴ ꓡꓰꓳ ꓐꓰ ꓫ. ꓕꓱ ꓔ ꓡꓳ꓿
ꓝꓮꓲ ꓬꓲ ꓠꓬ ꓢꓯ. ꓐꓬꓱ ꓗꓪ ꓐ ꓢꓴ ꓐꓴ ꓮ ꓙꓵꓽ ꓔꓯ ꓥ ꓟꓲ ꓠꓲ, ꓠꓵ ꓢꓲ ꓠꓬꓲ ꓮ ꓘꓶ. ꓛꓲ ꓙꓲ ꓟ ꓙ ꓡꓯꓽ ꓘꓳ, ꓓꓴ ꓙꓳ ꓡꓰꓳ ꓐꓰ ꓐꓯ ꓔ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓮ ꓙꓵꓽ ꓔꓯ ꓠꓲ, ꓠꓵ ꓟ ꓡꓰ ꓐꓰ ꓬꓲ ꓠꓬ ꓡ ꓞꓳ ꓮ ꓙꓵꓽ ꓔꓯ ꓠꓲ, ꓠꓵ ꓗꓴ ꓢꓴ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓗꓷꓳ ꓐꓰ ꓙꓳꓠꓮꓔꓧꓮꓠ ꓡꓰ ꓫ. ꓕꓱ ꓔ ꓡꓳ꓿
ꓝꓮꓲ ꓢꓲꓺ ꓒ ꓬꓰ‐ꓢꓴ ꓢꓯ. ꓐꓬꓱ ꓠꓬ ꓲꓔꓮꓡꓬ ꓗꓴꓷꓼ ꓟꓮꓔꓰꓣꓮ ꓡꓳ ꓒꓱ ꓗꓪ ꓓꓱꓽ ꓔ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓢꓯ. ꓐꓬꓱ ꓠꓬ ꓮꓟꓮꓜꓳꓠ ꓑꓣꓲꓟꓰ ꓦꓲꓓꓰꓳ ꓗꓪ ꓡ ꓞꓳ ꓮ ꓟꓬ, ꓡꓳ. ꓠꓬꓲ ꓟ ꓛꓳꓽ ꓟ ꓢꓯ. ꓐꓬꓱꓼ ꓒꓬꓱꓼ ꓡ ꓟ ꓥ ꓡꓳ ꓐꓰ Vatican News ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
