ꓟꓲ‐ꓛꓲ‐ꓠ ꓔꓲꓺ ꓒ ꓓꓽ ꓙꓳꓧꓠ꓾ ꓟꓴꓠꓖ ꓠꓖꓮꓪꓠ ꓡꓮ‐ꓢꓮꓠ ꓠꓬ ꓔ‐ꓠꓮꓲ. ꓡꓳ ꓒꓱ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓜꓲꓼ ꓗꓷ ꓟ
6 ꓦ ꓟ 28 ꓠꓬꓲ 2025 ꓘꓳꓼ ꓕꓯ ꓟꓲ‐ꓛꓲ‐ꓠ ꓢ‐ꓢꓲ‐ꓠ ꓗꓪ ꓐꓰ ꓔꓲꓺ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡ‐ꓢꓮꓟ ꓠꓬ ꓕ‐ꓠꓮꓲ ꓡꓳ ꓒꓱ ꓗꓪ ꓙꓰ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓜꓲꓼ ꓡꓰꓳ ꓐꓰ ꓐꓯ ꓔ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓬꓲ. ꓔꓲꓺ ꓒ ꓓꓽ ꓒꓬꓱꓼ ꓡ ꓗ. ꓠꓯ ꓬꓲ ꓪꓴ. ꓕꓲ ꓧꓪ, ꓟ ꓕ‐ꓠꓮꓲ. ꓡꓳ ꓒꓱ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓜꓲꓼ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓓꓽ ꓕ‐ꓠꓮꓲ. ꓡꓳ ꓒꓱ ꓗꓪ ꓡ ꓗꓷ ꓟ ꓙꓵ, ꓕꓯ ꓕ‐ꓠꓮꓲ ꓔꓲꓺ ꓒ ꓑꓰꓔꓰꓣ‐ꓡꓮ ꓐꓴ‐ꓠꓮꓪ‐ꓢꓮꓠ ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓘꓳ, ꓣꓴ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓟ. ꓒ ꓟ. ꓟ ꓐꓴ ꓮ ꓟꓬ, ꓠꓬ ꓕ‐ꓠꓮꓲ ꓡꓳ ꓒꓱ ꓗꓪ ꓫꓬ, ꓔ ꓟ ꓢꓲꓽ ꓫꓬ ꓢꓴ ꓑꓮꓔꓣꓲꓚꓗ ꓪꓽ ꓘꓴ ꓦꓲꓻ ꓗꓪ ꓜꓲꓼ ꓢꓲ ꓠꓬꓲ ꓔꓲꓺ ꓒ ꓓꓽ ꓡꓰ ꓢꓯꓼ ꓖꓶ ꓪꓽ ꓖꓶ ꓗꓷꓳ ꓐꓰ (RVA KACHIN) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
ꓔꓲꓺ ꓒ ꓓꓽ ꓠꓬ ꓟꓲ‐ꓛꓲ‐ꓠ ꓢ‐ꓢꓲ‐ꓠ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓡꓳ ꓒꓱ꓾ ꓞꓳ ꓘ, ꓮ ꓟꓬ, ꓗꓪ ꓙꓰ ꓢꓲ ꓠꓬꓲ ꓢꓯꓼ ꓖꓶ ꓪ ꓖꓶ ꓔꓬ ꓟ ꓥ ꓡꓳ꓿
