ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓐꓰ ꓮ ꓟꓶ ꓟ ꓙꓵ, ꓗꓪ ꓣꓳ‐ꓟ ꓡꓳ ꓒꓱ ꓓꓽ ꓗꓪ ꓛꓲ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ  ꓝꓲ ꓓꓴ ꓒꓲ‐ꓕꓱ ꓡꓱꓼ ꓜꓳ ꓒꓻ ꓕꓲ ꓟꓲ‐ꓢ ꓔꓶ ꓖꓶ ꓓꓴ ꓬꓰ ꓗꓷ ꓟ

6 ꓦ ꓟ 29 ꓠꓬꓲ 2025 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓐꓰ ꓮ ꓟꓶ ꓟ ꓙꓵ, ꓗꓪ ꓣꓳ‐ꓟ ꓡꓳ ꓒꓱ ꓓꓽ ꓗꓪ ꓙꓳˍ ꓟ ꓝꓲ ꓓꓴ ꓒꓲ‐ꓕꓱ ꓡꓱꓼ ꓜꓳ ꓒꓻ ꓕꓲ ꓗꓪ ꓗ‐ꓛꓲ ꓥꓳꓽ ꓫꓵꓽ ꓗꓪ ꓐꓰ ꓟꓲ‐ꓢ ꓔꓶ ꓓꓴ ꓔꓯ ꓬꓰ ꓪ ꓡꓰꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓣꓳ‐ꓟ ꓡꓳ ꓒꓱ ꓗꓪ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓐꓰ ꓣꓳ‐ꓟ ꓡꓳ ꓒꓱ ꓓꓽ ꓗꓪ ꓪꓴ‐ꓢ ꓐꓯ ꓘꓶꓽ ꓢꓳꓻ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ ꓡꓰ ꓣꓳ‐ꓟ ꓡꓳ ꓒꓱ ꓗꓪ ꓙꓳ ꓟ ꓝꓲ ꓓꓴ ꓒꓲ‐ꓕꓱ ꓡꓱꓼ ꓜꓳ ꓒꓻ ꓕꓲ ꓗꓪ ꓗ‐ꓛꓲ ꓥꓳꓽ ꓫꓵꓼ ꓗꓪ ꓐꓰ ꓟꓲ‐ꓢ ꓔꓶ ꓖꓶ ꓓꓴ ꓔꓯ ꓬꓰ ꓗꓷ ꓟ ꓥ ꓡꓳ꓿

ꓟꓲ‐ꓢ ꓔꓶ ꓓꓴ ꓗꓪ  ꓮ ꓟꓶ ꓟ ꓙꓵ, ꓗꓪ  ꓟꓬ‐ꓟ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓪꓽ ꓘꓴ ꓙ ꓗꓷ ꓟ ꓥ ꓡꓳ꓿ ꓝꓮꓲ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓪꓴ. ꓠꓬꓲ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓟ ꓬꓲ ꓤ ꓠꓬꓲ ꓤ ꓐꓴ ꓮ ꓙꓵꓽ ꓢꓴ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓒꓲ‐ꓕꓱ ꓔꓵꓼ ꓔ ꓟ ꓡꓱꓼ ꓜꓳ ꓗꓪ ꓟꓲ‐ꓢ ꓔꓶ ꓖꓶ ꓟꓶ ꓠ, ꓟ ꓐꓱ ꓶ ꓬꓰ ꓙ ꓢꓴ ꓠꓬ ꓣꓳ‐ꓟ ꓗꓪ ꓪꓴ‐ꓢ ꓟꓬꓱꓽ ꓟꓯ, ꓔꓬ ꓟ ꓔꓲꓺ ꓒ ꓔꓮꓠꓖ‐ꓖꓴꓠ ꓡꓰ ꓬꓰ ꓙ ꓟ ꓑꓶ. ꓓꓴ ꓬꓰ ꓒꓬꓱꓼ ꓡ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿

ꓝꓮꓲ ꓣꓳ‐ꓟ ꓡꓳ ꓒꓱ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻꓗꓪ ꓠꓬ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓔꓯ ꓔꓵꓼ ꓔ ꓟ ꓡꓱꓼ ꓜꓳ ꓙꓳ ꓟ ꓥ ꓡꓳ꓿ ꓝꓮꓲ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓫꓵꓻ ꓡꓰ ꓟ ꓙꓵ, ꓕꓯ ꓔꓵꓼ ꓔ ꓟ ꓡꓱꓼ ꓜꓳ ꓐꓰ ꓔꓲꓺ ꓒ ꓪ ꓔꓲ ꓐꓴ ꓔꓯ ꓔꓵꓼ ꓔ ꓟ ꓡꓱꓼ ꓜꓳ ꓮ ꓟꓬ, ꓙꓳ ꓟ ꓔꓶ. ꓟꓲ ꓥ ꓡꓳ ꓐꓰ ꓔꓲꓺ ꓒ ꓬꓳ‐ꓦ ꓮꓴꓠꓖ‐ꓧꓔꓳꓲ ꓡꓰ ꓖꓶ ꓩꓴ ꓡ ꓟ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿