ꓮ ꓟꓶ ꓟ ꓙꓵ, ꓗꓪ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓐꓰ ꓑ ꓫꓬ ꓮ ꓟꓬ, ꓠꓬ ꓛꓱꓻ ꓧꓶꓻ ꓠꓻ ꓓꓴ ꓒꓬ ꓢꓴ ꓐꓴ ꓮ ꓟꓬ, ꓙꓳ ꓡ ꓟ ꓪꓴ. ꓠꓬꓲ ꓠꓯꓻ ꓞꓲꓼ ꓪꓴꓽ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓟ ꓓꓳꓽ
6 ꓦ ꓟ 28 ꓠꓬꓲ 2025 ꓘꓳꓼ ꓕꓯ ꓗ, ꓛꓲ ꓗꓴꓷꓼ ꓫꓴꓻ ꓗꓪ ꓮ ꓟꓶ ꓟ ꓙꓵ, ꓗꓪ ꓟꓶ ꓦ ꓦ ꓙꓵ, ꓛꓲ ꓡ ꓟ ꓪꓴ. ꓠꓬꓲ ꓛꓱꓻ ꓧꓶꓻ ꓠꓻ ꓢꓴ ꓒꓬꓽ ꓢꓴ ꓐꓴ ꓮ ꓟꓬ ꓙꓳ ꓡ ꓟ ꓪꓴ. ꓠꓬꓲ ꓠꓯꓻ ꓞꓲꓼ ꓪꓴꓽ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓠꓻ ꓓꓴ ꓒꓬꓽ ꓢꓴ ꓐꓴ ꓔꓯ ꓠꓻ ꓓꓴ ꓚ ꓖꓶ ꓟ ꓙꓵ, ꓕꓯ ꓛꓱꓻ ꓧꓶꓻ ꓠꓻ ꓢꓴ ꓮ ꓟꓬ, ꓙꓳ ꓡ ꓟ ꓪꓴ. ꓠꓬꓲ ꓮ ꓟꓶ ꓟ ꓙꓵ, ꓗꓪ ꓠꓻ ꓫꓬ ꓠ ,ꓟ ꓠꓯꓻ ꓞꓲꓼ ꓟꓽ ꓙꓳ ꓗꓷ ꓡꓳ ꓐꓰ ꓠꓯꓻ ꓞꓲꓼ ꓫꓬ, ꓖꓶ ꓢꓴ ꓥ ꓟ Kachin Back pack Health worker team ꓬꓰ ꓙ ꓢꓴ ꓜꓴꓻ ꓕꓲ ꓣꓳ ꓡꓰ ꓫ. ꓕꓱ ꓔ ꓡꓳ꓿
ꓠꓻ ꓫꓬ ꓖꓶ ꓢꓴ ꓐꓴ ꓟ. ꓒ ꓐꓴ ꓠꓬ ꓗ‐ꓛꓲ ꓗꓴꓷꓼ ꓫꓴꓻ ꓞꓳ ꓘ, ꓒꓽ ꓗꓪ ꓙꓰ ꓢꓲ ꓠꓬꓲ ꓠꓻ ꓫꓬ, ꓖꓶ ꓟ ꓙꓵ, ꓕꓯ ꓠꓻ ꓢꓴ ꓒꓬꓽ ꓢꓴ ꓐꓴ ꓮ ꓟꓬ, ꓡ ꓡꓳ ꓐꓰ ꓐꓯ ꓔ ꓡꓳ꓿ ꓞꓲꓼ ꓣꓳ ꓟ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓥ ꓟꓲ ꓛꓱꓼ ꓧꓶꓼ ꓠꓻ ꓫꓵꓽ ꓙꓳ ꓢꓴ ꓮ ꓟꓬ, ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓮ ꓟꓶ ꓟ ꓙꓵ, ꓗꓪ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓟꓶ ꓦ ꓦ ꓙꓵ, ꓥ ꓟ ꓪꓴ. ꓠꓬꓲ ꓛꓱꓼ ꓧꓶꓼ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓢꓴ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓜ ꓟꓳ ꓠ, ꓟ ꓐꓯ ꓔ ꓡꓳ ꓐꓰ (Myitkyina News Journal ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
