ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓮꓝꓣꓲꓣꓲꓚꓮꓠ ꓗꓴꓷꓼ ꓐꓮꓠꓖꓴꓲ ꓢꓳꓻ ꓦꓲꓻ (ꓙꓳ ꓦꓲꓻ) ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓢꓳꓻ ꓤ ꓮ ꓟꓬ, ꓔꓯ ꓢꓰꓼ ꓗꓷ ꓟ ꓪꓴ. ꓠꓬꓲ ꓠꓲ, ꓟ ꓫ. ꓔꓬ ꓟ ꓐꓰ ꓟꓲ ꓠꓯ ꓢꓲ ꓡꓲ ꓓꓴ ꓟꓶ ꓠ, ꓟ ꓔꓯ ꓓꓰꓽ ꓔ ꓟ
6 ꓦ ꓟ 30 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓦꓮꓔꓲꓚꓮꓠ ꓗꓴꓷꓼ ꓗꓪ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓐꓰ ꓫ. ꓕꓱ ꓟ ꓙꓵ, ꓕꓯ ꓮꓝꓲꓣꓲꓚꓮꓠ ꓗꓴꓷꓼ ꓐꓮꓠꓖꓴꓲ ꓢꓳꓻ ꓦꓲꓻ ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓢꓳꓻ ꓤ (24) ꓣꓳ ꓔꓯ ꓫꓵꓻ ꓡꓰ ꓝꓲ ꓟ ꓐꓰ ꓢꓳꓻ ꓤ ꓮ ꓟꓬ, ꓔꓯ ꓠꓻ ꓓꓴ ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓟꓽ ꓢ ꓟ ꓐꓰ ꓟꓲ ꓠꓯ ꓢꓲ ꓡꓲ ꓓꓴ ꓔꓯ ꓓꓰꓽ ꓗꓷ ꓟ ꓥ ꓡꓳ꓿
ꓮꓝꓣꓲꓚꓮꓠ ꓗꓴꓷꓼ ꓐꓮꓠꓖꓴꓲ ꓢꓳꓻ ꓦꓲꓻ ꓗꓪ ꓢꓳꓻ ꓠꓬ (24) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓢꓳꓻ ꓤ (260) ꓣꓳ ꓙꓳ ꓡꓰ ꓟ ꓥ ꓡꓳ꓿ ꓕꓱ ꓡꓰ ꓗꓷ ꓡꓰ ꓟ ꓠꓬ ꓢꓳꓻ ꓤ ꓙꓳ ꓟ ꓐꓴ (5000) ꓣꓳ ꓕꓳ ꓶ ꓢꓳꓻ ꓔꓬ ꓟ ꓙꓵ, ꓕꓯ ꓟꓽ ꓙꓲ ꓢꓴ ꓡꓰ ꓐꓳ: ꓑꓳꓼ ꓗꓷ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ(23) ꓙꓳ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ(260) ꓣꓳ ꓙꓳ ꓡꓰ ꓢꓲ ꓠꓬꓲ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓔꓬ ꓟ ꓥ ꓡꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓗꓪ ꓢꓰꓼ ꓡꓯꓽ ꓘꓳ, ꓓꓴ ꓠꓽ ꓡꓰ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓠꓲ, ꓫ. ꓟꓬ, ꓫ. ꓔꓬ ꓢꓴ ꓐꓴ ꓐꓱ ꓶ ꓜ ꓓꓴ ꓓꓳ ꓓꓴ ꓐꓰ ꓔꓬ ꓔꓶ. ꓬꓰ ꓙ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ ꓝꓮꓲ ꓬꓲ ꓤ ꓠꓬꓲ ꓤ ꓐꓴ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓢꓯꓼ ꓕꓵꓼ ꓢꓴ ꓒꓬꓱꓼ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓔ ꓡꓳ ꓐꓰ (Vatican News) ꓓꓳꓽ ꓗꓪ ꓐꓰ ꓫ. ꓕꓱ ꓔ ꓡꓳ꓿
