ꓠꓲ., ꓠꓵ, ꓟ ꓬꓲ ꓤ ꓠꓬꓲꓽ ꓤ ꓐꓳꓴ꓾ ꓕꓱ ꓕꓲ ꓠꓽ ꓡꓲꓽ ꓒꓲꓼ ꓐꓰ ꓫ. ꓪ ꓕꓱ ꓟ ꓗꓪ ꓠꓬ ꓡꓳ, ꓬꓰ ꓟ ꓕꓲ ꓙꓵꓽ ꓔꓯ ꓢꓲ ꓒ ꓠꓯ, ꓗꓪ ꓬꓲ ꓟꓶ ꓡꓰ ꓟ ꓔꓲ.. ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓐꓯ ꓟ. ꓖꓶ ꓗꓷ ꓟ ꓬꓲ ꓚꓱ, ꓕꓲ ꓚꓱ, ꓥˍꓟ ꓜꓲ ꓡꓯ ꓘꓳ, ꓟ꓾ ꓟꓳ ꓡꓯ ꓘꓳ, ꓟ ꓡꓲꓽ ꓒꓲꓼ ꓐꓯˍꓟ ꓚꓱ, ꓔꓯ ꓣꓳ ꓠꓽ ꓠ, ꓓꓴ ꓬꓰ ꓡꓯ꓿ꓣꓳ ꓟꓲ ꓠꓯ ꓕꓱ ꓟ ꓗꓪ ꓠꓬ꓾ꓟꓽ ꓫꓱ, ꓡꓯ ꓘꓳ, ꓟ ꓞꓳ ꓫꓵ ꓞꓳ ꓙꓰ ꓮ ꓟꓬ, ꓔꓬ ꓡꓳ꓿ ꓟꓽ ꓞꓲ ꓟꓽ ꓪ ꓡꓯ ꓘꓳ, ꓟ ꓡꓲꓽ ꓒꓲꓼ ꓙꓵ., ꓠꓲ, ꓚꓱ, ꓦ ꓡꓱ ꓚꓱ, ꓕꓱ ꓡꓱ ꓫꓵꓽ ꓮ ꓟꓬ, ꓙꓳ ꓡꓳ꓿ꓣꓳ ꓢꓲ ꓒ ꓬꓰ‐ꓢꓴ ꓔꓯ ꓙꓵꓽ ꓢꓴ ꓠꓯ, ꓘꓴ ꓗꓪ ꓡꓲꓽ ꓕꓱ ꓡꓱ ꓮ ꓘꓶ. ꓟꓽ ꓪ ꓡꓯ ꓘꓳ, ꓟ ꓘꓴ ꓜꓲ ꓞꓳ ꓮ ꓟꓬ, ꓙꓳ ꓔꓬ ꓡꓳ꓿ ꓕꓱ ꓡꓱ ꓕꓲ ꓟ ꓐꓰ ꓕꓲ ꓟ ꓕꓲ ꓫꓵꓽ ꓐꓰ ꓕꓲ ꓫꓵꓽ ꓠꓯ, ꓗꓪ ꓬꓰ ꓙ ꓡꓯ ꓘꓳ, ꓠꓽ ꓗ, ꓟ ꓔꓯ ꓔꓲ.. ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓐꓯ ꓟ. ꓖꓶ ꓔ ꓡꓳ꓿
ꓬꓲ ꓡꓰ ꓣꓳ ꓔꓯ ꓮ ꓡꓰ ꓐꓯ ꓖꓶ ꓔꓽ ꓐꓯ ꓠꓬ ꓬꓲ ꓪꓴ. ꓕꓲ ꓟ ꓗꓪ ꓠꓬ ꓒꓴ ꓠꓲ., ꓗꓪ ꓐꓰ ꓠꓽ ꓠ ꓖꓶ ꓠꓯꓼˍꓟ ꓐꓰ ꓕꓱ ꓡꓱ ꓐꓰ ꓠꓱ. ꓐꓯ ꓢꓴ ꓫꓵ ꓡꓲ ꓒꓲꓼ ꓔꓯ ꓠꓽ ꓠ ꓕꓯ ꓕꓱ ꓟ ꓠꓬ ꓕꓱ ꓐꓰ ꓗ ꓡꓳ ꓖꓳ ꓡꓰ ꓗ. ꓡꓳ ꓐꓰ ꓟꓽ ꓐꓯ ꓐꓯ꓾ ꓐꓯ ꓟꓵ ꓘꓶˍꓟ ꓗꓪ ꓐꓰ ꓠꓽ ꓠ, ꓟ ꓗꓪ ꓐꓰ ꓟꓽ ꓥ ꓥ ꓠꓲ., ꓟ ꓠꓯ, ꓘꓴ ꓗꓪ ꓐꓰ ꓬꓲ ꓪ ꓡꓰ ꓐꓯ ꓡ ꓟ ꓔꓯ ꓠꓽ ꓠ ꓖꓶ ꓠ, ꓟ ꓕꓴ ꓪ ꓖꓶ ꓔꓽ ꓡꓳ꓿ ꓝꓮꓲ ꓡꓲ ꓒꓲꓼ ꓗꓪ ꓐꓰ ꓟꓽ ꓥ ꓥ ꓣꓳ ꓘꓴ ꓜꓲ ꓞꓳ ꓗꓪ ꓥˍꓟꓲ ꓠꓴ ꓮꓖ ꓥꓳꓽ ꓠꓴ ꓗ‐ꓕꓳ‐ꓡꓲꓘ ꓥꓳꓽ ꓐꓰ ꓟꓽ ꓐꓯ ꓐꓯ ꓟꓳ ꓡꓰ ꓘꓳ ꓞꓲꓼˍꓡꓯ ꓘꓳ, ꓕꓯ ꓥˍꓟꓲ ꓕꓲ ꓣꓳ ꓛꓳ ꓕꓲ ꓣꓳ ꓠꓲ., ꓠꓵ, ꓡꓯ ꓘꓳ, ꓠꓽ ꓗ. ꓡꓳ ꓐꓰ ꓬꓲ ꓡꓰ ꓣꓳ ꓔꓯ ꓟꓳ. ꓖꓶ ꓔ ꓡꓳ꓿ ꓝꓮꓲ ꓠꓬꓲꓽ ꓫꓵꓽ ꓕꓲ ꓫꓵꓽ ꓟ ꓠꓬ ꓬꓲ ꓪꓽ ꓡꓲ ꓒꓲꓼ ꓬꓲ ꓪ ꓒꓴ ꓗ ꓬꓰˍꓟ ꓔꓯ ꓕꓲ ꓚꓱ, ꓐꓯ ꓠꓬ ꓣꓳ ꓞꓳ ꓙꓳ ꓟ ꓔꓯ ꓥˍꓟꓲ ꓐꓯ ꓟ. ꓖꓶ ꓠ ꓗ. ꓡꓳ꓿ ꓣꓳ ꓡꓲ ꓒꓲꓼ ꓔꓯ ꓥˍꓟꓲ ꓕꓱ ꓕꓱ ꓐꓰ ꓐꓯ ꓟꓳ. ꓖꓶ ꓠꓽ ꓗ. ꓡꓳ꓾ ꓐꓰ ꓔꓲ.. ꓒ ꓪ ꓔꓲ ꓡꓰ ꓣꓳ ꓔꓯ ꓐꓯ ꓟꓳ. ꓖꓶ ꓔ ꓡꓳ꓿ ꓕꓱ ꓡꓱ ꓫꓵꓽ ꓟꓽ ꓫꓱ, ꓟꓽ ꓪ ꓡꓯ ꓘꓳ, ꓥˍꓟꓲ ꓕꓲ ꓪ ꓔꓬ ꓐ ꓡ ꓥꓳ꓿ ꓮ ꓡꓰꓳ ꓐꓯ ꓠꓬ ꓟꓲ ꓠꓯ ꓕꓱ ꓟ ꓗꓪ ꓠꓬ ꓞꓳ ꓫꓵꓽ ꓞꓳ ꓙꓰ ꓡꓲ ꓒꓲꓼ ꓡꓲ ꓫꓵꓽ ꓮ ꓟꓬ, ꓔꓬ ꓟ ꓙꓳ ꓟ ꓟꓲ ꓠꓯ ꓥˍꓟ ꓑꓶ. ꓓꓴ ꓟꓽ ꓫꓱ, ꓡꓯ ꓘꓳ, ꓟꓽ ꓪ ꓡꓯ ꓘꓳ, ꓟ ꓐꓰ ꓕꓲ ꓪ ꓔꓬ ꓠꓽ ꓗ. ꓟ ꓥ ꓡꓳ꓿
